Danish Kaneria fires on pak deputy pm freedom fighters statement: పహల్గం ఉగ్రకుట్రను మన దేశంలో పాటు ప్రపంచ దేశాలన్ని కూడా ముక్త కంఠంతో ఏకీపారేస్తున్నాయి. ఇదంతా పిరికి పంద చర్యలుగా చెప్తున్నాయి. ఉగ్రవాద నిర్మూలనలో భారత్ కు అన్ని విధాలుగా అండగా ఉంటామని కూడా స్పష్టం చేశాయి. ఇప్పటికే ఇజ్రయేల్, అమెరికా వంటి దేశాలు మన దేశంకు అన్ని విధాలుగా సహకరిస్తామని స్పష్టం చేశాయి.ఈ క్రమంలో ప్రస్తుతం భారత్, పాక్ ల మధ్య యుద్ద మేఘాలు అలుముకున్నాయి.
మరోవైపు పాక్ కు భారత్ తో యుద్దం చేసి గెలిచే సత్తాలేకున్న.. ఏదో మేకపోతు గాంభీర్యం చూపిస్తు... పులిని చూసి నక్కవాతలు పెట్టుకున్నట్లు చేస్తుంది. ఈ క్రమంలో భారత్ మాత్రం పాక్ కు చుక్కలు చూపిస్తునే ఉంది. దీనిలో సింధుజలాల ఒప్పందం రద్దును మాత్రం పెద్ద దెబ్బగా చెప్పుకొవచ్చు. అయితే.. మొత్తంగా భారత్ మాత్రం దీనిపై అన్ని విధాలుగా ఆలోచిస్తు ముందుకు వెళ్తుంది.
ఈ క్రమంలో ప్రస్తుతం పాక్ మాత్రం కవ్వింపు చర్యల్ని ఆపడంలేదు. సిమ్లా ఒప్పందంను రద్దు చేసుకుంటున్నట్లు ప్రకటించింది. కాల్పులకు తెగపడింది. అదే విధంగా సైనిక విన్యాసాలు కూడా చేసింది. భారత్ కూడా అస్సలు.. వెనక్కు తగ్గెదేలా అన్న విధంగా ముందుకు వెళ్తుంది. ప్రస్తుతం పాక్..డిప్యూటీ పీఎం చేసిన కామెంట్స్ అగ్నికి ఆజ్యం పోసేలా మారాయి. పహల్గం ఉగ్రదాడిలో పాల్గొన్న ముష్కరుల్ని ఆయ ఫ్రీడమ్ ఫైటర్స్ తో పొలుస్తూ కాంట్రవర్సీగా మాట్లాడాడు.
దీనిపై భారత్ ప్రస్తుతం రగిపోతుంది. అయితే.. దీనిపై పాక్ మాజీ క్రికెటర్ డానిష్ కనేరియా తీవ్రస్థాయిలో మండిపడ్డారు. తాను పాక్ కోసం జెర్సీ వేసుకుని క్రికెట్ ఆడానని అన్నారు . కానీ పాక్ దేశంలోని వారు ఇలా మాట్లాడతారని అనుకొలేదన్నారు. ఇప్పటికే పాక్ ప్రధాని ఉగ్రదాడిపై మౌనంగా ఉండటాన్ని డానిష్ ఖండించిన విషయం తెలిసిందే. ఇక తాజాగా.. పాక్ డిప్యూటీ పీఎం వ్యాఖ్యల్ని తప్పుబట్టారు.
ఈ వ్యాఖ్యలతో.. మీరు ఈ ఉగ్రవాదుల్ని పెంచి పోషించారని స్పష్టంగా తెలుస్తుందన్నారు. అంతేకాకుండా.. ఇలాంటి కామెంట్స్ చేయడానికి సిగ్గుగా లేదా..?.. అంటూ రెచ్చిపోయారు. తాను హిందువునని టార్గెట్ చేశారన్నారు. అయితే.. నిజంవైపు మాత్రమే నిలబడతానన్నారు. పాక్ లోని ప్రజలు సైతం తనలాగే ఆలోచిస్తారన్నారు. అదే విధంగా.. ప్రజల్ని దయచేసి తప్పుదొవపట్టించొద్దని కూడా మాజీ క్రికెటర్ డానిష్ కనేరియా పాక్ నేతల్ని కోరారు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
)