Granddaughter Shot Dead: మాజీ ముఖ్యమంత్రి, కేంద్ర మంత్రి కుటుంబానికి కూడా అత్తింటి పోరు తప్పలేదు. కాపురంలో చోటుచేసుకున్న విబేధాలు కేంద్ర మంత్రి మనవరాలినే చంపేసే స్థాయికి చేరాయి. భార్యాభర్తల మధ్య జరిగిన గొడవలో క్షణికావేశానికి గురయిన భార్యను భర్త తుపాకీతో కాల్చి చంపాడు. ఆ మృతురాలు కేంద్ర మంత్రి మనవరాలు కావడంతో దేశవ్యాప్తంగా సంచలనం రేపుతోంది. ఈ విషయం తెలుసుకున్న కేంద్ర మంత్రి దిగ్భ్రాంతికి గురయ్యాడు. ఈ సంఘటన వివరాలు ఇలా ఉన్నాయి.
బిహార్ మాజీ ముఖ్యమంత్రి.. ప్రస్తుత కేంద్ర మంత్రి జితన్ రామ్ మాంఝీ మనవరాలు సుష్మాదేవి (32). ఆమెకు 14 ఏళ్ల కిందట రమేశ్కు ఇచ్చి వివాహం చేశారు. వారికి పిల్లలు ఉన్నారు. అయితే కొంతకాలంగా భార్యాభర్తల మధ్య విబేధాలు కొనసాగుతున్నాయి. బిహార్లోని గయా జిల్లా టెటుటా గ్రామంలో సుష్మాదేవి తన పిల్లలు, సోదరి పూనమ్ కుమారితో కలిసి ఉంది. బుధవారం మధ్యాహ్నం 12 గంటల సమయంలో భర్త రమేశ్ ఇంటికి వచ్చాడు. ఈ సమయంలో ఒక విషయంలో సుష్మాదేవి, రమేశ్ మధ్య వివాదం మొదలైంది.
ఇద్దరి తీవ్రస్థాయిలో గొడవ జరగగా.. క్షణికావేశానికి లోనయిన రమేశ్ ఇంట్లోని నాటుతుపాకీతో సుష్మాదేవిని కాల్చేశాడు. తీవ్ర గాయాలతో సుష్మ అక్కడికక్కడే మరణించగా భర్త రమేశ్ పరారయ్యాడు. తల్లిని కాల్చిన శబ్ధం విని ఆమె పిల్లలు ఒక్కసారిగా భయాందోళన చెందారు. మృతురాలు సోదరి పూనమ్ కుమారి ఫిర్యాదు మేరకు పోలీసులు కేసు నమోదు చేసుకుని దర్యాప్తు చేపట్టారు. భర్త రమేశ్ పరారీలో ఉండడంతో అతడిని గాలిస్తున్నారు. రమేశ్ను పట్టుకునేందుకు ప్రత్యేక బృందం ఏర్పాటుచేసినట్లు గయా ఎస్ఎస్పీ ఆనంద్ కుమార్ తెలిపారు. తన సోదరిని హత్య చేసిన రమేశ్ను ఉరి తీయాలని పూనమ్ డిమాండ్ చేశారు.
భార్యాభర్తల మధ్య వివాదం
కొంతకాలంగా భార్యాభర్తల మధ్య గొడవలు జరుగుతున్నట్లు తెలుస్తోంది. వాటిని మాట్లాడేందుకు సుష్మాదేవి వద్దకు ఆమె సోదరి పూనమ్ వచ్చినట్లు కుటుంబసభ్యులు చెబుతున్నారు. రమేశ్ ట్రక్ డ్రైవర్గా పని చేస్తుండగా.. సుష్మా వికాస్ మిత్రగా పని చేస్తుండేది. అయితే తన మనవరాలి హత్య గురించి ఇంకా మాంఝీ స్పందించలేదు. జితన్ రామ్ మాంఝీ ఎవరో కాదు బిహార్కు ముఖ్యమంత్రిగా పని చేశారు. హిందూస్థాన్ ఆవామ్ మోర్చ (సెక్యులర్) పార్టీ వ్యవస్థాపకుడిగా ఉన్న మాంఝీ గయా లోక్సభ నుంచి ఇటీవల గెలిచారు. ఎన్డీయే కూటమిలో చేరడంతో జితన్ రామ్ మాంఝీ కేంద్ర సూక్ష్మ, చిన్న, మధ్య తరహా పరిశ్రమల శాఖ మంత్రిగా ప్రస్తుత బాధ్యతలు చేపడుతున్నారు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
)