VIVO T4X 5G launch: వివో నుంచి 6500 mAh బ్యాటరీ, 50MP కెమేరాతో సూపర్ ఫోన్

VIVO T4X 5G launch: ప్రపంచవ్యాప్తంగా అతిపెద్ద స్మార్ట్‌ఫోన్ మార్కెట్లలో ఇండియా ఒకటి. అందుకే ప్రతి కంపెనీ బడ్జెట్ స్మార్ట్‌ఫోన్లను లాంచ్ చేస్తుంటుంది. ముఖ్యంగా శాంసంగ్ బడ్జెట్ ఫోన్లకు ఎక్కువగా ఇండియాలో లాంచ్ చేస్తుంటుంది. ఇప్పుడు వివో కూడా మిడ్ రేంజ్ స్మార్ట్‌ఫోన్ తీసుకొచ్చింది. 

ప్రముఖ చైనా స్మార్ట్‌ఫోన్ దిగ్గజం వివో సరికొత్త స్మార్ట్‌ఫోన్ లాంచ్ చేసింది. గతంలో వివో వి 50 మిడ్ రేంజ్ ఫోన్ లాంచ్ చేసిన కంపెనీ ఈసారి VIVO T4X 5G లాంచ్ చేసింది. ఇది పూర్తిగా బడ్జెట్ స్మార్ట్‌ఫోన్. ఈ ఫోన్ 6.72 ఇంచెస్ ఎల్ఈడీ ఫుల్ హెచ్‌డి డిస్‌ప్లే కలిగి ఉంటుంది. మీడియాటెక్ డైమెన్సిటీ 7300 చిప్‌సెట్ ప్రోసెసర్‌తో పనిచేస్తుంది. ఆండ్రాయిడ్ 15 ఆధారంగా పనిచేసే ఈ ఫోన్ మూడూ వేరియంట్లలో లాంచ్ అయింది. ఈ ఫోన్ 120 హెర్ట్జ్ రిఫ్రెష్ రేట్, 1050 నిట్స్ బ్రైట్‌నెస్ కలిగి ఉంటుంది. ఆండ్రాయిడ్ అప్‌డేట్స్ మూడేళ్లు అందిస్తుంది. 

ఇందులో 6జీబీ ర్యామ్-128 జీబీ స్టోరేజ్, 8జీబీ ర్యామ్-128 జీబీ స్టోరేజ్, 8జీబీ ర్యామ్-256 జీబీ స్టోరేజ్ ఉన్నాయి. డ్యూయల్ కెమేరా సెటప్ ఉంటుంది. 50 మెగాపిక్సెల్ ప్రైమరీ కెమేరా, 2 మెగాపిక్సెల్ బొకేష్ లెన్స్ ఉన్నాయి. సెల్ఫీ లేదా వీడియో కాలింగ్ కోసం 8 మెగాపిక్సెల్ కెమేరా ఉంటుంది. ఆర్టిఫిషియల్ ఇంటెలిజెన్స్ ఆధారిత కెమేరా కావడం విశేషం. ఈ ఫోన్ వెనుకవైపు డైనమిక్ లైట్ రింగ్ ఉంటుంది. ఇక ఏ ఇతర స్మార్ట్‌ఫోన్‌లో లేనివిధంగా ఇందులో 6500 ఎంఏహెచ్ బ్యాటరీ సామర్ధ్యం కలిగి ఉంటుంది. అంతేకాకుండా 44 వాట్స్ ఫాస్ట్ ఛార్జింగ్ సపోర్ట్ చేస్తుంది. 

ఈ ఫోన్‌లో ఉండే డ్యూయల్ స్టీరియో స్పీకర్లు అద్భుతమైన ఆడియో ఎక్స్‌పీరియన్స్ అందిస్తాయి. గేమింగ్ కోసమైతే 4డి గేమ్ వైబ్రేషన్ ఫీచర్ ఉంటుంది. VIVO T4X 5Gలో 6జీబీ ర్యామ్-128 జీబీ స్టోరేజ్ వెర్షన్ ఫోన్ ధర 13,999 రూపాయలుగా ఉంది. ఇక VIVO T4X 5Gలో 8జీబీ ర్యామ్-128 జీబీ స్టోరేజ్ వెర్షన్ ఫోన్ ధర 14,999 రూపాయలు. అదే 8జీబీ ర్యామ్-256 జీబీ స్టోరేజ్ అయితే 16,999 రూపాయలుగా ఉంది. 

ఇండియాలో ఇప్పటికే లాంచ్ అయిన ఈ ఫోన్ అమ్మకాలు మార్చ్ 12 మద్యాహ్నం 12 గంటల నుంచి ప్రారంభం కానున్నాయి. వివో అధికారిక వెబ్‌సైట్‌తో పాటు ఫ్లిప్‌కార్ట్‌లో అందుబాటులో ఉంటాయి. హెచ్‌డిఎఫ్‌సి, ఎస్బీఐ, యాక్సెస్ బ్యాంక్ కార్డులతో కొనుగోలు చేస్తే 1000 రూపాయలు అదనపు డిస్కౌంట్ లభిస్తుంది. 

Also read: 7th Pay Commission DA Hike: ఉద్యోగులకు బిగ్ షాక్, ఈసారి 2 శాతమే పెరగనున్న డీఏ

 స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి