Foods For Brittle Hair Repair: జుట్టు రాలడం అనేది చాలా మందిని బాధించే సాధారణ సమస్య. దీనికి అనేక కారణాలు ఉన్నాయి. వాటిలో పోషకాహార లోపం ఒకటి. సరైన ఆహారం తీసుకోవడం వల్ల జుట్టు రాలడాన్ని తగ్గించవచ్చని ఆరోగ్యనిపుణులు చెబుతున్నారు. మంచి ఆహారం ఆరోగ్యకరమైన జుట్టు పెరుగుదలను ప్రోత్సహిస్తుంది. మీ డైట్లో తప్పనిసరిగా చేర్చుకోవాల్సిన కొన్ని ఆహార పదార్థాల గురించి మనం తెలుసుకుందాం.
1. గుడ్లు:
గుడ్లు ప్రోటీన్ అధికంగా ఉంటుంది. జుట్టు కు ప్రధానంగా కెరాటిన్ అనే ప్రోటీన్ చాలా అవసరం. కాబట్టి మీ డైట్లో తగినంత ప్రోటీన్ ఉండటం చాలా ముఖ్యం. గుడ్లలో బయోటిన్ కూడా ఉంటుంది. ఇది జుట్టు పెరుగుదలకు, కుదుళ్లను బలంగా ఉంచడానికి సహాయపడుతుంది. బయోటిన్ లోపం జుట్టు రాలడానికి దారితీస్తుంది. ప్రతిరోజూ ఒక గుడ్డు తినడం లేదా మీ ఆహారంలో క్రమం తప్పకుండా చేర్చుకోవడం మంచిది.
2. ఆకుపచ్చ కూరగాయలు:
పాలకూర, బచ్చలికూర, మెంతి కూర వంటి ఆకుపచ్చ కూరగాయలలో ఐరన్, ఫోలేట్, విటమిన్ ఎ, విటమిన్ సి వంటి ముఖ్యమైన పోషకాలు ఉంటాయి. ఇవి జుట్టు సంరక్షణలో సహాయపడుతాయి. ఐరన్ జుట్టు కుదుళ్లకు ఆక్సిజన్ను సరఫరా చేయడంలో కీలక ప్రాత పోషిస్తుంది. ఐరన్ లోపం జుట్టు రాలడానికి ఒక సాధారణ కారణం.
3. చేపలు:
సాల్మన్, మాకేరెల్ , హెర్రింగ్ వంటి కొవ్వు చేపలలో ఒమేగా-3 ఫ్యాటీ యాసిడ్స్ పుష్కలంగా లభిస్తుంది. ఈ ఆరోగ్యకరమైన కొవ్వులు జుట్టు కుదుళ్లను బలంగా ఉంచడంలో సహాయపడుతాయి. ఒమేగా-3 ఫ్యాటీ యాసిడ్స్ జుట్టుకు సహజమైన మెరుపును కూడా అందిస్తాయి. వారానికి రెండుసార్లు కొవ్వు చేపలను తీసుకోవడం ప్రయోజనకరంగా ఉంటుంది.
4. గింజలు:
బాదం, వాల్నట్స్, అవిసె గింజలు, చియా గింజలు వంటి గింజలు, విత్తనాలలో జింక్, విటమిన్ ఇ, ఒమేగా-3 ఫ్యాటీ యాసిడ్స్ఎక్కువగా ఉంటాయి. జింక్ జుట్టు కణాల పెరుగుదల, మరమ్మత్తులో ముఖ్యమైన పాత్ర పోషిస్తుంది. విటమిన్ ఇ ఒక శక్తివంతమైన యాంటీఆక్సిడెంట్, ఇది జుట్టు కుదుళ్లను నష్టం నుంచి కాపాడుతుంది. ప్రతిరోజూ ఒక గుప్పెడు గింజలు లేదా విత్తనాలను తీసుకోవడం జుట్టు ఆరోగ్యానికి మంచిది.
5. పండ్లు:
బెర్రీలు (స్ట్రాబెర్రీలు, బ్లూబెర్రీలు, రాస్బెర్రీలు) విటమిన్ సి ఉండే ఆహారపదార్థాలు. విటమిన్ సి కొల్లాజెన్ ఉత్పత్తికి సహాయపడుతుందని వైద్యులు చెబుతున్నారు. ఇది జుట్టును బలంగా ఉంచడానికి అవసరం. ఇది శరీరానికి ఐరన్ను గ్రహించడంలో కూడా సహాయపడుతుంది.
6. నీరు:
తగినంత నీరు త్రాగటం కూడా జుట్టు ఆరోగ్యానికి చాలా ముఖ్యం. నిర్జలీకరణం జుట్టును పొడిగా, పెళుసుగా చేస్తుంది. ఇది రాలడానికి దారితీస్తుంది. కాబట్టి రోజంతా తగినంత నీరు త్రాగాలి.
జుట్టు రాలడాన్ని తగ్గించే జాగ్రత్తలు:
మీ ఆహారంలో అన్ని రకాల పోషకాలు ఉండేలా చూసుకోండి. అధిక ఒత్తిడి జుట్టు రాలడానికి కారణమవుతుంది. యోగా, ధ్యానం లేదా ఇతర విశ్రాంతి పద్ధతుల ద్వారా ఒత్తిడిని నిర్వహించడానికి ప్రయత్నించండి. మీ జుట్టుకు సున్నితంగా ఉండండి. వేడి స్టైలింగ్ సాధనాలను ఎక్కువగా ఉపయోగించవద్దు, గట్టిగా జుట్టును లాగవద్దు.
ఆరోగ్యకరమైన జుట్టు పెరుగుదలకు తగినంత నిద్ర అవసరం. ఈ ఆహార పదార్థాలను మీ డైట్లో చేర్చుకోవడం సరైన జుట్టు సంరక్షణ తీసుకోవడం వల్ల మీరు జుట్టు రాలే సమస్యలను తగ్గించుకోవచ్చు. ఒకవేళ మీ జుట్టు రాలడం తీవ్రంగా ఉంటే వైద్య నిపుణుడిని సంప్రదించడం మంచిది.
Also Read: King Cobra Laying Eggs Video: నోట్లో నుంచి గుడ్డు పెట్టిన పాము.. వీడియో చూస్తే షాక్ అవుతార
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండిTwitter, Facebook
