Mushroom Toast Recipe: రోజు ఉదయం మష్రూమ్ టోస్ట్‌ తింటే.. రోగాలు జన్మలో రావు!

High Protein Mushroom Toast Recipe: మష్రూమ్ టోస్ట్‌లో హై ప్రోటీన్‌ లభిస్తుంది. కాబట్టి ప్రతి రోజు ఉదయం అల్పాహారంలో భాగంగా తీసుకుంటే శరీరానికి బోలెడు లాభాలు కలుగుతాయి. అయితే దీనిని ఎలా తయారు చేసుకోవాలో ఇప్పుడు తెలుసుకుందాం.

Add Zee News as a Preferred Source

High Protein Mushroom Toast Recipe: ప్రస్తుతం చాలా మంది ఉదయం పూట నూనె అధికంగా ఉండే అల్పాహారాలు తీసుకుంటున్నారు. మరికొంతమందైతే ఎక్కువగా మైదా పిండితో తయారు చేసిన ఆహారాలు తీసుకుంటున్నారు. ఇలాంటి ఆహారాలు ప్రతి రోజు అల్పాహరంగా తీసుకుంటే అనేక రకాల అనారోగ్య సమస్యలు వచ్చే అవకాశాలు ఉన్నాయి. ముఖ్యంగా కొందరిలోనైతే దీర్ఘకాలిక వ్యాధుల కూడా వచ్చే అవకాశాలు కూడా ఉన్నాయి. కాబట్టి వీటికి బదులుగా హై ప్రోటీన్‌ కలిగిన ఆహారాలు తీసుకోవడం చాలా మంచిదని ఆరోగ్య నిపుణులు తెలుపుతున్నారు. ఇవి శరీరాన్ని యాక్టివ్‌గా ఉంచడమే కాకుండా అనారోగ్య సమస్యలు రాకుండా శరీరాన్ని రక్షిస్తుంది. అయితే అందరు తప్పకుండా ప్రతి రోజు ఉదయ పూట చేర్చుకోవాల్సిన అల్పాహారాన్ని పరిచయం చేయబోతున్నాం. అదేంటో కాదు మష్రూమ్ టోస్ట్.. చాలా మంది ఈ రెసిపీ గురించి తెలిసి ఉంటుంది. ఇది ప్రతి రోజు ఆల్పాహారంలో చేర్చుకుంటే శరీరం ఎంతో దృఢంగా తయారవుతుంది. అయితే ఈ రెసిపీని ఎలా తయారు చేసుకోవాలో, కావాల్సిన పదార్థాలేంటో ఇప్పుడు తెలుసుకుందాం. 

మష్రూమ్ టోస్ట్‌కి కావాల్సిన పదార్థాలు:
4 బ్రెడ్ స్లైసెస్
2 టేబుల్ స్పూన్ల వెన్న
200 గ్రాముల తెల్ల పుట్టగొడుగులు
2 వెల్లుల్లి రెబ్బలు (సన్నగా తరిగినవి)
1/4 కప్పు తరిగిన ఉల్లిపాయ (రుచికి సరిపడ)
1/4 కప్పు తరిగిన పార్స్లీ
1 టేబుల్ స్పూన్ తాజా థైమ్ లేదా 1/2 టీస్పూన్ ఎండిన థైమ్
1/2 టీస్పూన్ ఉప్పు
1/4 టీస్పూన్ నల్ల మిరియాలు

తయారీ విధానం:
ముందుగా మష్రూమ్ టోస్ట్‌ తయారు చేసుకోవడానికి పెద్ద బౌల్‌ తీసుకుని స్టౌవ్‌పై పెట్టుకోవాల్సి ఉంటుంది.
ఆ బౌల్‌లో 1 టేబుల్ స్పూన్ వెన్న కరిగించండి. అందులోనే  పుట్టగొడుగులు, ఉల్లిపాయ కొద్దిగా వేయించాల్సి ఉంటుంది.
ఆ తర్వాత అందులోనే వెల్లుల్లి వేసి 5-7 నిమిషాలు పాటు వేయించాల్సి ఉంటుంది.
ఇందులో పార్స్లీ, థైమ్, తగినంత ఉప్పు, మిరియాలు వేసి బాగా కలపాలి.
ఇవి వేసిన తర్వాత మరో నిమిషం పాటు ఉడికించి పక్కన పెట్టుకోవాల్సి ఉంటుంది.
ప్రతి బ్రెడ్ స్లైస్ మీద పుట్టగొడుగు మిశ్రమాన్ని సమానంగా స్ప్రెడ్‌ చేయండి.
ఆ తర్వాత పై నుంచి బట్టర్‌ వేసి పక్కన పెట్టాల్సి ఉంటుంది.
ఇలా తయారు చేసుకున్న బ్రెడ్‌ను టోస్టర్‌లో లేదా 350 డిగ్రీల ఫారెన్‌హీట్‌కు వేడి చేసిన ఓవెన్‌లో బంగారు గోధుమ రంగులోకి వచ్చేవరకు, సుమారు 3-4 నిమిషాలు టోస్ట్ చేయండి. అంతే సులభంగా మష్రూమ్ టోస్ట్‌ రెడీ అయినట్లే.. 

చిట్కాలు:
మీకు ఇష్టమైన ఇతర కూరగాయలను, ఉల్లిపాయలు, మిరియాలు లేదా బ్రోకోలీ వంటి కూరగాయలను కూడా ఎక్కువగా వినియోగించవచ్చు.
శాకాహారులైతే వెన్నకు బదులుగా ఆలివ్ నూనెను కూడా వినియోగించవచ్చు.
రుచి మరింత పెరగడానికి పుట్టగొడుగు మిశ్రమానికి 1/4 కప్పు తరిగిన క్రీమ్ చీజ్ లేదా ఫెటా చీజ్‌ను కూడా వాడవచ్చు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.