Constipation: మలబద్ధకాన్ని జాడించి తన్నే అద్భుతమైన ఆహారం పదార్థాలు..

Constipation Reducing Tips: మలబద్ధకం (Constipation) అనేది ఒక సాధారణ సమస్య. యాక్టివ్ గా లేని వారు, నీటి శాతం తక్కువగా తీసుకునే వాళ్లలో ఈ సమస్య ఎదురవుతుంది. ఇది సాధారణ సమస్యే అయినప్పటికీ సరైన సమయంలో గుర్తించి చికిత్స అందించని ఎడల.. ఇతర ఆరోగ్య సమస్యలు దారి తీయవచ్చు. తరచుగా మల విసర్జన కష్టంగా మారడం, కొంతకాలం విసర్జన లేకపోవడం, లేదా మల విసర్జన సమయంలో నొప్పి అనిపించడం దీని లక్షణాలు. దీని వల్ల కడుపులో నొప్పి, ఊబకాయం, గ్యాస్ సమస్యలు కూడా ఉత్పన్నమవుతుంటాయి. 

చాలా మంది దీని నుండి ఉపశమనం పొందటానికి టాబ్లస్ లేదా ఇతరేతర ఔషదాలని వాడుతుంటారు. అయితే కొన్ని పద్ధతులు అనుసరించటం వలన మంచి దీని నుండి ఉపశమనం పొందవచ్చు. మలబద్దకాన్ని కలగటానికి గల కారణాలు, తగ్గించే ఔషదాల గురించి ఇక్కడ తెలుపబడింది. 

మలబద్ధకానికి ప్రధాన కారణాలు:

మలబద్దకానికి ముఖ్య కారణం ఏంటంటే.. తక్కువ నీటిని తాగటం. శరీరానికి తగినంత నీరు అందకపోతే మలాన్ని మెత్తగా ఉంచే సామర్థ్యం తగ్గిపోతుంది. దీని కారణంగా మల విసర్జన సరిగాచేయలేరు. రోజుకు 8-10 గ్లాసుల నీరు తాగకపోతే మలబద్ధకం సమస్య వచ్చే అవకాశాలు  ఎక్కువగా ఉన్నాయి. 
ఫైబర్ తక్కువగా ఉండే ఆహారం శరీరానికి ఫైబర్ చాలా అవసరం. ఒకవేళ మీరు ఫైబర్ అధికంగా ఉండే ఆహారం తినకపోతే, మల విసర్జన కష్టమవుతుంది. ముఖ్యంగా జంక్ ఫుడ్, రిఫైన్డ్ ఫుడ్ (వైట్ బ్రెడ్, మైదా), షుగర్ ఫుడ్ ఎక్కువగా తినడం వలన మలబద్దకం కలుగుతుంది. 

శారీరక చురుకుదనం లేకపోవడం:

ఆరోగ్యంగా ఉంటానికి రోజు వారి వ్యాయామాలు తప్పనిసరిగా అవసరం. రోజు వ్యాయామం చేయకపోతే, పేగులు సరిగ్గా పని చేయవు. రోజుకు కనీసం 30 నిమిషాలు వాకింగ్ లేక వ్యాయామం చేయడం అవసరం. 

మానసిక ఒత్తిడి:

మానసిక ఒత్తిడి వలన మానసిక రుగ్మతలే కాకుండా..  మలబద్దకానికి కూడా కారణమవుతుంది. మానసిక ఒత్తిడిలు జీర్ణవ్యవస్థ తీవ్ర స్థాయిలో ప్రభావితం చేస్తాయి. ఫలితంగా మల విసర్జన ఆలస్యమై.. మలబద్దకానికి దారి తీస్తుంది. 

కొవ్వు & ఒమెగా-3 తక్కువగా ఉండటం:

కొవ్వు పదార్థాలు ఎక్కువగా తీసుకోవటం ఆరోగ్యానికి హానికరమే.. కానీ ఆరోగ్యకరమైన కొవ్వు కలిగి ఉండే ఆహార పదార్థాలని తక్కువగా తీసుకోవటం వలన కూడా మలబద్దకం కలుగుతుంది. ఆహారంలో కొవ్వు పాళ్లు చాలా తక్కువగా ఉంటే, మల విసర్జన కష్టమవుతుంది. ఆరోగ్యకరమైన కొవ్వులు (నాటు వెన్న, ఆలివ్ ఆయిల్, గుమ్మడి గింజలు) తీసుకోవడం అవసరం.

కొన్ని మెడిసిన్లు:

అవును.. కొన్ని రకాల అల్లోపతి మెడిసిన్ ల వలన కూడా మలబద్దకం బారిన పడే అవకాశాలు ఉన్నాయి. పెయిన్ కిల్లర్స్, యాంటీ డిప్రసెంట్స్, ఐరన్ సప్లిమెంట్స్ వలన కూడా మలబద్దకం కలుగుతుంది. ఇలాంటివి వాడే ముందే మీరు డాక్టర్ ను సంప్రదించటం చాలా మంచిది.  

మలబద్ధకాన్ని తగ్గించుకోవడానికి సహజమైన మార్గాలు:

ఎక్కువ నీటిని తాగటం:

మన శరీరంలో 70 శాతం నీతితో నిండి ఉందన్న సంగతి అందరికి తెలిసిందే.. అదే విధంగా ప్రతి అవయవం సరైన రీతిలో పని చేయటానికి నీటి శాతం తప్పనిసరిగా  అవసరం. కావున రోజుకు 8-10 గ్లాసుల నీరు తాగండి. అదేవిధంగా ఉదయం పరగడుపున గోరు వెచ్చని నీటిలో నిమ్మరసం, తేనె కలిపి తాగితే మలబద్ధకం తగ్గుతుంది.

ఫైబర్ అధికంగా ఉండే ఆహారం:

మన జీర్ణక్రియ సులువుగా జరిగి మలబద్దకం వంటి సమస్యలు రాకుండా ఉండాలంటే.. ఫైబర్ అధికంగా ఉండే ఆహారాలని తినాల్సిందే. ఆకుకూరలలో పాలకూర, గోంగూర, ముల్లంగి ఆకులు వంటివి ఎక్కువ ఫైబర్ శాతాన్ని కలిగి ఉంటాయి. అరటిపండు, పుచ్చకాయ, పైనాపిల్, పప్పాయ, జామ, కాయగూరలలో బీట్‌రూట్, క్యారెట్, బంగాళాదుంపలు ఎక్కువ ఫైబర్ ను కలిగి ఉంటాయి. వీటితో పాటుగా  బాదం, వేరుశెనగ, మునగదాల గింజలు అధిక మొత్తంలో ఫైబర్ ను కలిగి ఉంటాయి.

గుడ్ ఫ్యాట్స్:

శరీరానికి కొవ్వు అనారోగ్యకరమే.. కానీ మంచి కొవ్వు అనగా గుడ్ కొలెస్ట్రాల్ అవసరం. ఇవి జీర్ణ ప్రక్రియను పెంపొందిస్తాయి. వెన్న, నువ్వుల నూనె, ఆలివ్ ఆయిల్, అవిసె గింజలు వంటి వాటిలో  గుడ్ కొలెస్ట్రాల్ లెవల్స్ ఎక్కువగా ఉంటుంది. ఇవి పేగుల పనితీరును మెరుగుపరిచేలా సహాయపడతాయి.

వ్యాయామం:

ప్రతి ఒక్కరికి వ్యాయామాలు తప్పనిసరి అవసరం.. ఉదయం 30 నిమిషాలు నడక, యోగా, ప్రాణాయామం చేయడం మంచిది. "పవన ముక్తాసనం" అనే యోగా ఆసనం మలబద్ధకాన్ని తగ్గించడంలో చాలా సహాయపడుతుంది.

Also Read: Huge King Cobra Video: వీడే అసలైన మగాడ్రా బామ్మర్ది.. 10 అడుగుల కింగ్ కోబ్రాను ఉత్తి చేతులతో పట్టుకున్నాడు.. వీడియో చూశారా?

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.