 "Sun Tan: ఎండ వల్ల ముఖంపై ట్యాన్ పేరుకుందా? ఇంట్లోనే బామ్మల కాలంనాటి అద్బుత చిట్కా..")
Sun Tan Reduce Tips: ఎండ వేడి వల్ల ముఖంపై సూర్యుని హానికర యువి కిరణాలు ముఖంపై పడతాయి. అందుకే ముందుగా ముఖానికి సన్స్క్రీన్ వంటివి ఉపయోగించి బయటికి వెళ్లాలి అంటారు. అయితే ఎక్కువ మొత్తంలో ముఖంపై సన్ ట్యాన్ పేరుకుపోతే ఇంట్లోని కొన్ని టిప్స్ తో సులభంగా వదిలించుకోవచ్చు.
ప్రధానంగా నిమ్మరసం, తేనె ఉపయోగించి ముఖంపై సన్ ట్యాన్ తొలగించుకోవచ్చు. ఇందులో చర్మాన్ని మెరిపించే గుణాలు కలిగి ఉంటాయి. ఇక తేనెలో సహజ సిద్ధంగా మాయిశ్చర్ లక్షణాలు కలిగి ఉంటాయి. ఇది చర్మానికి హైడ్రేషన్ అందిస్తుంది. ఈ రెండిటిని కలిపి ముఖానికి అప్లై చేయాలి. ఒక టేబుల్ స్పూన్ నిమ్మరసంలో ఒక టేబుల్ స్పూన్ తేనె కలిపి ముఖానికి అప్లై చేసి 20 నిమిషాలు అలాగే ఉంచి గోరువెచ్చని నీటితో ముఖాన్ని కడగండి. ఇలా చేయడం వల్ల ముఖంపై ఉన్న డెడ్ సెల్స్ తొలగిపోతాయి. అంతేకాదు పిగ్మెంటేషన్ త్వరగా వదిలిపోతుంది.
ఇక మన ఇంట్లో ఉండే అలోవెరా జెల్ తో కూడా సులభంగా సన్ ట్యాన్ తొలగించుకోవచ్చు. ఇందులో మన చర్మాన్ని రిపేర్ చేసే గుణాలు ఉంటాయి. మంచి పోషణ అందిస్తుంది. ఇందులో సహజ ఎంజైమ్స్ ఉంటాయి. కొత్త కణాల అభివృద్ధికి కలబంద తోడ్పడుతుంది. కలబంద జెల్ తీసుకొని ముఖానికి అప్లై చేయాలి. ఓ 30 నిమిషాల తర్వాత ఫేస్ వాష్ చేసుకోవాలి. దీనివల్ల ముఖంపై ఉండే పిగ్మెంటేషన్ సూర్యుని హానికర కిరణాల వల్ల సన్ ట్యాన్ తొలగిపోతుంది.
కీర దోసకాయ ముక్కలు కూడా మంచి కూలింగ్ గుణాలు ఉంటాయి. ఇది సహజంగా హైడ్రేషన్ అందించటంతో పాటు పునరుజ్జీవనం అందిస్తుంది. ఇందులో యాంటీ ఆక్సిడెంట్ గుణాలు కలిగి ఉంటాయి. కీర దోసకాయ ముక్కలను కట్ చేసి ట్యాన్ అయిన ప్రదేశంలో ఒక 15 నిమిషాల పాటు రుద్దాలి. ఇలా చేయడం వల్ల మన చర్మం పై ఉండే ట్యాన్ తొలగిపోతుంది.
ఇక పసుపు పాలతో కూడా చర్మంపై ఉండే సన్ ట్యాన్ తొలగించుకోవచ్చు. వీటిలో యాంటీ ఇన్ఫ్లమేటరీ, స్కిన్ లైటింగ్ గుణాలు ఉంటాయి. ఇక పాలలో ఉండే లాక్టిక్ యాసిడ్ చర్మానికి ఎక్స్ఫోలియేషన్ అందిస్తుంది. ముఖంపై ఉండే ట్యాన్ తొలగిస్తుంది. అంతేకాదు నల్ల మచ్చలను తగ్గిస్తుంది. ఒక చెంచా పసుపు పొడిలో రెండు చెంచాల పాలు పోసి మెత్తని పేస్ట్ మాదిరి తయారు చేసుకొని ముఖమంతా అప్లై చేయాలి. ఓ 20 నిమిషాల తర్వాత ఫేస్ వాష్ చేయాలి.
ఇక మన బామ్మల కాలం నాటి నుంచి ఉపయోగిస్తున్న ఈ పసుపు, శనగపిండి కూడా ముఖంపై ఉండే డెడ్ సెల్స్ తొలగిస్తుంది. పసుపులో చర్మానికి గ్లోయింగ్ ఇచ్చే గుణాలు ఉంటాయి. ఇది మంచి కాంబినేషన్ అని చెప్పాలి. ఒక టేబుల్ స్పూన్ శనగపిండిలో కొద్దిగా పసుపు వేసి పేస్ట్ తయారు చేసుకోవాలి . ఇది ముఖం ట్యాన్ అయిన ప్రాంతంలో అప్లై చేసి పది నిమిషాలు అలాగే ఉంచి గోరు వెచ్చని నీటితో ఫేస్ వాష్ చేసుకోవాలి.ఇది మాత్రమే కాదు టమాటా గుజ్జు ఉపయోగించవచ్చు. ముఖంపై సన్ ట్యాన్ తొలగించుకోవచ్చు. ఇందులో బ్లీచింగ్ గుణాలు ఉంటాయి. ముఖంపై ఉండే పిగ్మెంటేషన్ తగ్గిస్తుంది. నేరుగా టమాటా గుజ్జును ముఖంపై అప్లై చేసి ఓ అరగంట తర్వాత గోరువెచ్చని నీటితో వాష్ చేసుకోవాలి. ఇందులో విటమిన్ ఏ,సీ ఉంటుంది. ఇది చర్మానికి పునరుజ్జీవనం అందిస్తుంది.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
)