)
Probiotics Health Benefits: ఆరోగ్యానికి మంచి చేసే బాక్టీరియా లేదా ఈస్ట్ లను ప్రోబయోటిక్స్ అంటారు. వీటిని మైక్రోఆర్గానిజమ్స్ అని కూడా అంటారు.. చాలా మందికి బాక్టీరియా లేదా ఈస్ట్ అనగానే ఆరోగ్యానికి హాని చేసేవిగా భావిస్తుంటారు. కానీ వీటిలో హానికరమైనవే కాకుండా ఆరోగ్యానికి మంచి చేసేవి కూడా ఉంటాయి. మన చిన్న, పెద్ద పేగులో కొన్ని లక్షల సంఖ్యలో బాక్టీరియా లేదా ఈస్ట్ లు ఉంటాయి, వీటిలో 10 శాతం హాని చేసేవి అయితే.. మిగతావన్నీ ఆరోగ్యానికి మంచి చేసేవి ఉంటాయి. ఈ సూక్ష్మ జీవులు జీర్ణవ్యవస్థకు సాయం చేయటమే కాకూండా రోగ నిరోధక వ్యవస్థను పటిష్టం చేయటంలో చాలా వరకు సహాయపడతాయి.
మంచి బాక్టీరియా లేదా ఈస్ట్ లు ఎక్కువగా పులియ బెట్టిన ఆహారంలో ఉంటాయి. ఆరోగ్యరంగా, చురుకుగా ఉండాలంటే వీటిని మన ఆహారంలో చేర్చుకోవటం తప్పని సరి. సహజంగా ఈ బాక్టీరియా పాలు, పెరుగు, టొఫూ, ఫెర్మెంటెడ్ ఫుడ్స్ వంటి వాటిలో వీటి సమృద్ధి ఉంటాయి.
మీ డైట్ లో ప్రోబయోటిక్స్ తీసుకుంటున్నారా..?
ప్రోబయోటిక్స్ మన శరీరానికి తప్పక అవసరం..కావున మనం రోజు పాటించే ఆహార ప్రణాళికలో వీటిని తప్పక చేర్చుకోవటం మంచిది. వీటి వలన శరీరానికి మంచిదే కాబట్టి ఇవి లభ్యం అయ్యే పెరుగు, బటాణీలు, చీజ్, దోసకాయ పచ్చడి, ఫెర్మెంటెడ్ వంటి ఆహార పదార్థాలను మన డైట్ లో కలుపోవటం తప్పని సరి.
ప్రోబయోటిక్స్ వల్ల కలిగే ఆరోగ్య ప్రయోజనాలు
జీర్ణక్రియకు మేలు:
ప్రోబయోటిక్స్ వలన మొట్టమొదటగా శరీరానికి కలిగే ప్రయోజనం ఏంటంటే జీర్ణక్రియను సులభతరం చేయటం. ప్రోబయోటిక్స్ మనం తినే ఆహారాన్ని త్వరగా జీర్ణమయ్యేలా చేస్తాయి. అంతేగాకుండా ఆహారంలో ఉండే పోషకాలను శరీరం గ్రహించేలా ప్రోత్సహిస్తుంది.
మలబద్దకం నుండి ఉపశమనం:
మలబద్దకం సమస్యలతో బాధపడేవారు ప్రోబయోటిక్స్ అధికంగా ఉన్న ఆహారాలను వారి డైట్ లో చేర్చుకోవటం ద్వారా దీని నుండి త్వరగా ఉపశమనం పొందవచ్చు. ప్రోబయోటిక్స్ జీర్ణ వ్యవస్థను మెరుగుపరచి.. పేగులలో మంచి బ్యాక్టీరియా పెరిగేలా చేసి, ఆరోగ్యకరమైన జీర్ణ వ్యవస్థను అందిస్తాయి.
రోగనిరోధక శక్తి:
ఒక వ్యక్తి ఆరోగ్యంగా, పటిష్టంగా ఉండాలంటే కావాల్సింది మంచి రోగనిరోధక వ్యవస్థ. ప్రోబయోటిక్స్ రోగనిరోధక శక్తి పెరగటంలో కీలక పాత్ర పోషిస్తాయి. శరీరంలోకి ప్రవేశించే వ్యాధికారక బ్యాక్టీరియా పెరుగుదలల్ని అడ్డుకుని, శరీర రోగనిరోధకతను పెంచి.. వ్యాధుల భారిన పడకుండా కాపాడుతాయి.
బరువు నియంత్రణ:
బరువు తగ్గాలని అనుకుంటున్నారా..? అయితే ప్రోబయోటిక్స్ కలిగి ఉన్న ఆహార పదార్థాలను ఎక్కువగా తినండి. కొన్ని రకాల ప్రోబయోటిక్స్ మెటాబాలిజం పెంచి, కొవ్వును కరిగించడంలో సహాయపడతాయి. ఫలితంగా శరీర బరువు కూడా తగ్గుతుంది.
మెంటల్ హెల్త్కు మేలు:
ప్రోబయోటిక్స్ భౌతికంగా శరీరానికి మాత్రమే కాదు, మానసిక ఆరోగ్యానికి కూడా ఎంతో ఉపయోగపడతాయి. ఇవి మూడ్ స్వింగ్స్, ఆందోళన, ఒత్తిడిని తగ్గించడంలో కూడా ప్రోబయోటిక్స్ సహాయపడతాయి.
ప్రోబయోటిక్స్ అధికంగా దొరికే ఆహార పదార్థాలు..
ప్రోబయోటిక్స్ ఎక్కువగా పెరుగు, మజ్జిగ, నాచురల్ చీజ్ లలో ఉంటాయి. వీటితో పాటుగా సోయా ఉత్పత్తులలో కూడా అధికంగా ఉంటాయి. కావాలంటే ఇంజెక్షన్ లేదా టాబ్లెట్లు రూపంలో కూడా ప్రోబయోటిక్స్ పొందవచ్చు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి.
