Black Tea Benefits: బ్లాక్ టీ అనేది ఒక రకమైన టీ, ఇది కామెల్లియా సినెన్సిస్ మొక్క ఆకుల నుంచి తయారు చేయబడుతుంది. గ్రీన్ టీ, ఊలాంగ్ టీ వంటి ఇతర రకాల టీలతో పోలిస్తే, బ్లాక్ టీ ఆకులు పూర్తిగా ఆక్సీకరణం చెందుతాయి, దీని కారణంగా టీకి ముదురు రంగు, బలమైన రుచి వస్తుంది. బ్లాక్ టీకి బలమైన, కొద్దిగా చేదు రుచి ఉంటుంది. దీని రంగు ముదురు ఎరుపు లేదా నలుపు రంగులో ఉంటుంది.
బ్లాక్ టీ ఆరోగ్య ప్రయోజనాలు:
గుండె ఆరోగ్యం: బ్లాక్ టీలో ఫ్లేవనాయిడ్లు ఉంటాయి. ఇవి చెడు కొలెస్ట్రాల్ను తగ్గిస్తాయి. రక్త నాళాలు బాగా పనిచేసేలా చేస్తాయి. గుండె జబ్బులు వచ్చే ప్రమాదాన్ని తగ్గిస్తాయి.
జీర్ణక్రియను మెరుగుపరుస్తుంది: బ్లాక్ టీ తాగడం వల్ల గట్ ఆరోగ్యం మెరుగుపడుతుంది. ఇది బరువు తగ్గేందుకు హెల్ప్ చేస్తుంది. బ్లాక్ టీలో గట్ మైక్రోబయోమ్ ఉంటుంది. ఇది శరీర ఆరోగ్యాన్ని కాపాడటంలో, జీవక్రియను మెరుగు పరచడంలో గట్ మైక్రోబయోమ్ కీలకంగా పని చేస్తుంది.
బరువు తగ్గడానికి సహాయపడుతుంది: పాల టీతో పోల్చితే బ్లాక్ టీలో కేలరీలు అనేవి చాలా తక్కువగా ఉంటాయి. అలాగే బ్యాడ్ కొలెస్ట్రాల్ను కూడా త్వరగా కరిగిస్తుంది. మలబద్ధకం సమస్యను రాకుండా చూస్తుంది.
మెరుగైన దృష్టి: బ్లాక్ టీ తాగడం వల్ల దృష్టిని పెంచడం మరియు క్యాన్సర్ నుండి రక్షించడం.
ఇమ్యూనిటీ వ్యవస్థను బలపరుస్తుంది.
బ్లాక్ టీని తయారుచేసే విధానం:
కావలసిన పదార్థాలు:
నీరు: 1 కప్పు
టీ పొడి: 1 టీ స్పూన్ (మీకు ఇష్టమైనంత వేసుకోవచ్చు)
చక్కెర: రుచికి సరిపడా
నిమ్మరసం: కొద్దిగా
అల్లం, లవంగాలు, దాల్చిన చెక్క
తయారుచేసే విధానం:
ఒక గిన్నెలో నీటిని పోసి మరిగించాలి. నీరు మరుగుతున్నప్పుడు, అందులో టీ పొడి వేయాలి. టీ పొడి వేసిన తర్వాత, 2-3 నిమిషాలు బాగా మరిగించాలి.
మీరు అల్లం, లవంగాలు, దాల్చిన చెక్క వేయాలనుకుంటే, టీ పొడితో పాటు వేసి మరిగించాలి. టీ బాగా మరిగిన తర్వాత, స్టవ్ ఆఫ్ చేసి, వడకట్టాలి.
రుచికి సరిపడా చక్కెర, నిమ్మరసం కలుపుకోవచ్చు. వేడి వేడిగా తాగితే చాలా రుచిగా ఉంటుంది.
గమనిక: బ్లాక్ టీ ఆరోగ్యానికి మంచిదే అయినప్పటికీ, మోతాదుకు మించి తాగితే మాత్రం ఆరోగ్యానికి హాని కలిగే అవకాశం ఉంది. కాబట్టి రోజుకి రెండు కప్పులు మాత్రమే బ్లాక్ టీ తాగడం మంచిది.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి
)