Pawan Kalyan Janasena: ఈసారి ఆంధ్రప్రదేశ్ ఎన్నికలలో జనసేన భారీ విజయం ఇప్పుడు ప్రపంచవ్యాప్తంగా హాట్ టాపిక్ గా.. మారింది అనడంలో అతిశయోక్తి లేదు. 21 స్థానాల నుంచి పోటీ చేసిన జనసేన పార్టీ.. అన్నీ నియోజకవర్గాల్లో గెలిచి అందరి దృష్టిని ఆకర్షించింది. ఇక ఇదే విషయంపై ఇప్పటికే మెగా ఇంట్లో సెలబ్రేషన్స్ మొదలైపోయాయి.
ముందుగా ప్రధానమంత్రి నరేంద్ర మోడీని కలిసిన పవన్ కళ్యాణ్ అటు నుంచి అటే.. తన అన్న మెగాస్టార్ చిరంజీవి ఇంటికి వెళ్లారు. తన భార్య అన్నా లెజినోవా, తనయుడు అకిరా నందన్ తో పాటు పవన్ కళ్యాణ్.. చిరంజీవి ఇంటికి వెళ్ళగా మెగా ఫ్యామిలీ పవన్ కళ్యాణ్ కు ఘన స్వాగతం పలికింది.
పువ్వులతో పవన్ కళ్యాణ్ కుటుంబానికి సాదరంగా ఆహ్వానం పలికింది మెగా ఫ్యామిలీ. రామ్ చరణ్ స్వయంగా వెళ్లి పవన్ కళ్యాణ్ ను హత్తుకుని లోపలికి తీసుకొని వచ్చారు. రావడంతోనే పవన్ కళ్యాణ్ వాళ్ళ అమ్మగారి దగ్గర ఆశీర్వాదం తీసుకున్నారు. ఆ తరువాత మెగాస్టార్ చిరంజీవి, సురేఖలకు కూడా.. పాదాభివందనం చేసి ఆశీర్వాదం తీసుకున్నారు.. పవన్ కళ్యాణ్.
నాగబాబు కుటుంబం కూడా ఈ పార్టీకి హాజరై.. పవన్ కళ్యాణ్ కు శుభాకాంక్షలు తెలిపారు. వరుణ్ తేజ్, లావణ్య త్రిపాఠిలు కూడా ఈ వేడుకలో పాలుపంచుకున్నారు. మెగా కుటుంబ సభ్యులందరితో కలిసి పవన్ కళ్యాణ్ కేక్ కట్ చేసి.. తన సక్సెస్ ను సెలబ్రేట్ చేసుకున్నారు.
దీనికి సంబంధించిన ఫోటోలు..వీడియోలు.. ఇప్పుడు సోషల్ మీడియాలో తెగ వైరల్ గా మారాయి. అయితే ఈ సక్సెస్ సెలబ్రేషన్స్ లో అల్లు ఫ్యామిలీ నుంచి.. ఒక్కళ్ళు కూడా కనిపించకపోవడం గమనర్హం. పవన్ కళ్యాణ్ గెలిచిన తర్వాత అల్లు అర్జున్ సోషల్ మీడియా ద్వారా పవన్ కళ్యాణ్ కు శుభాకాంక్షలు చెప్పారు కానీ.. ఈ సక్సెస్ సెలబ్రేషన్స్ లో వారు కూడా పాలుపంచుకొని ఉంటే బాగుండేది అని అభిమానులు కామెంట్లు చేస్తున్నారు.
Also Read: Graduate MLC: పట్టభద్ర ఓటర్ల వెర్రితనం.. ఐ లవ్యూ.. జై రాకేశన్న.. ఫోన్‌ పే నంబర్‌ అంటూ పిచ్చి రాతలు
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండిFacebook, Twitter
