Tiger in Adilabad: ఆదిలాబాద్ లో పెద్దపులి కలకలం..

Tiger in Adilabad: తెలంగాణలోని ఆదిలాబాద్ జిల్లాలో పెద్ద పులి సంచారం కలకలం రేపుతోంది. రెండు రోజులుగా ప్రజలను భయబ్రాంతులకు గురి చేస్తోంది. శనివారం ఉట్నూరు మండలం వంకతుమ్మలో పశువులపై దాడి చేసిన పెద్ద పులి.. ఆదివారం లాల్ టెక్డి సమీపంలో తిరుగుతూ కనిపించింది.

Tiger in Adilabad:  ఆదిలాబాద్ లోని కవ్వాల్ అభయారణ్యంలోని ఓ పెద్ద పులి సమీప గ్రామంలో సంచరిస్తుండటం కలకలం రేపుతోంది.  ఆదివలాబాద్ జిల్లాలోని లాల్ టెక్డి సమీపంలో   రోడ్డు దాటుతుండగా వాహనదారులకు పెద్ద పులి ఎదురైంది. పులి సంచరించే దృశ్యాలను వాహనదారులు సెల్ ఫోన్ లో చిత్రీకరించారు. ప్రస్తుతం పెద్ద పులి జైనూరు మండలం వైపు వెళ్లినట్లు అనుమానిస్తున్నారు.ఈ సందర్భంగా ప్రజలు అప్రమత్తంగా ఉండాలని అటవీశాఖ అధికారులు హెచ్చరించారు. చీమ్ నాయక్ తండా-నాగ్ పూర్ సరిహద్దు ప్రాంతాల్లో పెద్ద పులి పాద ముద్రలు కనిపించాయి. దీంతో గ్రామస్తులు బయటకు రావాలంటేనే వణికిపోతున్నారు. అప్రమత్తంగా ఉండాలని అటవీ శాఖ అధికారులు సైతం హెచ్చరికలు జారీ చేసారు. ఇప్పటికే కొంత మంది షూటర్స్ ను ఏర్పాటు చేసారు. పెద్ద పులి కనబడగానే.. మత్తు మందు ఇంజెక్షన్ ఇచ్చే బుల్లెట్స్ ను సిద్దం చేసి ఉంచారు. .

గత రెండు రోజులుగా పెద్దపులి ఆదిలాబాద్ సమీపంలో రోడ్డుపై సంచరిస్తూ హల్ చల్ చేస్తోంది. . ఈ నేపథ్యంలో కారులో వెళ్తున్న వ్యక్తులకు సడెన్ గా పెద్ద పులి కనిపించడంతో వణికి పోతున్నారు. పులి రోడ్డు దాటుతూ వారి కంటపడింది. పులిని అతి దగ్గరి నుంచి ప్రత్యక్షంగా చూసిన వాహనదారులు తీవ్ర భయాందోళనకు గురయ్యారు. అదెక్కడ తమపై దాడి చేస్తుందోనని టెన్షన్ పడ్డారు. కొందరు వాహనదారులు పులిని తమ ఫోన్ లో వీడియో తీశారు. ఇప్పుడు వీడియో సోషల్ మీడియాలో వైరల్ గా మారింది.

పెద్ద పులి సంచారం నేపథ్యంలో రాత్రి వేళ ప్రజలు ఎవరూ తిరగొద్దని అటవీశాఖ అధికారులు హెచ్చరించారు. అటు, పెద్ద పులిని బంధించేందుకు అటవీశాఖ అధికారులు ప్రయత్నాలు చేస్తున్నారు. పెద్ద పులి ప్రయాణం కొమ్రంభీమ్ జిల్లా జైనూరు వైపు ఉన్నట్లు తెలుస్తోంది. సాయంత్రం సమయంలో ఉట్నూరు మండలంలోనే పశువుపై దాడి చేసింది పులి. ఇది గమనించిన స్థానికులు కేకలు వేయడంతో పులి అక్కడి నుంచి పరుగులు లంకించుకుంది. ఆ తర్వాత లాల్ టెక్డి వద్ద కనిపించింది. గత 15-20 రోజులుగా నిర్మల్, ఆదిలాబాద్ జిల్లాల్లో పూర్తిగా సంచరించిన పులి.. ప్రస్తుతం కొమ్రంభీమ్ జిల్లా వైపు పులి అడుగులు  ఉన్నట్లుగా తెలుస్తోంది. జైనూర్ మండలం ప్రజలందరిని ఫారెస్ట్ అధికారులు ఇప్పటికే అలర్ట్ చేశారు.

ఇదీ చదవండి : Balayya Heroine: ఎఫైర్స్ తో టాక్ ఆఫ్ ది ఇండస్ట్రీగా నిలిచిన బాలయ్య భామ.. మైండ్ బ్లాంక్ చేస్తోన్న హీరోయిన్ ఫ్లాష్ బ్యాక్..

ఇదీ చదవండి : Shraddha Kapoor: చిరంజీవికి శ్రద్ధా కపూర్ కు ఉన్న రిలేషన్ తెలుసా.. ఫ్యూజులు ఎగిరిపోవడం పక్కా..

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.