AP School Holidays: ఏపీలోని ఈ విద్యా సంవత్సరంలో స్కూళ్లకు 203 రోజులు పని చేయనున్నట్లు ప్రభుత్వం తెలిపింది. ఈ నేపథ్యంలో మొత్తంగా 2025 -26 సంవత్సరానికి 83 రోజులు సెలవులు ఉన్నట్లు ఏపీ పాఠశాల విద్యాశాఖ తెలిపింది. ఇక దసరా సెలవులు కూడా ఎప్పుడు వస్తున్నాయి ?ఎన్ని రోజులు వస్తున్నాయి? ఆ పూర్తి వివరాలు తెలుసుకుందాం
ఆంధ్రప్రదేశ్ విద్యార్థులకు బంపర్ గుడ్ న్యూస్. దసరా సెలవుల జాబితా కూడా వచ్చేసింది. ప్రభుత్వం మొత్తంగా స్కూళ్లకు 203 రోజులు పని దినాలు, 83 సెలవు దినాలు ప్రకటించింది.
ఈ నేపథ్యంలో స్కూళ్లకు సెప్టెంబర్ 24 నుంచి అక్టోబర్ 2 వరకు దసరా సెలవులు కూడా ప్రకటించేసింది. అంటే దసరా సెలవులు దాదాపు 10 రోజుల వరకు వస్తున్నాయి. ఇక సంక్రాంతి సెలవులు ఏపీలో జనవరి 10 నుంచి 18 వరకు రానున్నాయి.
ఇక ఏపీలోని అన్ని స్కూళ్లకు మార్చి 15వ తేదీ నుంచి ఒంటిపూట బడులు ప్రారంభమవుతాయి. ఎండల తీవ్రత నేపథ్యంలో ఇలా ప్రతి ఏడాది నిర్వహిస్తారు. మైనారిటీ స్కూళ్లకు దసరా సెలవులు మాత్రం సెప్టెంబర్ 27 నుంచి అక్టోబర్ 2 వరకు, క్రిస్మస్ సెలవులు డిసెంబర్ నుంచి 28 వరకు వర్తిస్తాయి.
ఈరోజు నుంచి రెండు తెలుగు రాష్ట్రాల్లో వేసవి సెలవులు ముగిసిపోయాయి. ఈ నేపథ్యంలో పాఠశాలలు పునః ప్రారంభమవుతున్నాయి. ప్రైమరీ నుంచి ఉన్నత పాఠశాలల వరకు అన్ని బడులు ప్రారంభమవుతున్నాయి.
ఉదయం 9 గంటల నుంచి సాయంత్రం 4 గంటల వరకు ప్రాథమిక ఉన్నత పాఠశాలలు కొనసాగుతాయి. అయితే ఇప్పటికే పాఠశాల పుస్తకాలు యూనిఫారమ్‌లు అన్ని కొనుగోలు చేశారు. కొన్ని ప్రైవేట్ స్కూళ్లలో ఇప్పటికే ఓపెన్ అయ్యాయి.
ఇక తెలంగాణలో నేటి నుంచి స్కూలు పునః ప్రారంభం నేపథ్యంలో విద్యార్థులకు గ్రాండ్ వెల్కమ్ చెప్పేందుకు అన్ని ఏర్పాట్లు చేశారు. ముఖ్యంగా ప్రభుత్వ పాఠశాలలలో అలంకరించి విద్యార్థులకు స్వాగతం పలుకునున్నారు. సర్కారు బడిలో అడ్మిషన్లు పెంచేందుకు ఇలా బడబాట నిర్వహిస్తున్నారు.
