December Important Deadlines: మరికొన్ని రోజుల్లో 2024 చరిత్ర ముగిసిపోతోంది. ఈ ఏడాది ముగిసే లోపు కొన్ని పూర్తి చేయాల్సిన ఆర్థిక పనులు మిగిలి ఉన్నాయి. అవేంటో చూద్దాం.
Financial Deadline 2024: ఇప్పుడు 2024 సంవత్సరం చివరలో ఉన్నాం. ఇంకొన్ని రోజుల్లోనే ఈ నెలతోపటు ఏడాది కూడా పూర్తవుతుంది. ఏడాది చివరిలోకి వచ్చిన నేపథ్యంలో కొన్ని ముఖ్యమైన పనులు పూర్తి చేసేందుకు తుది గడువు కూడా ముగింపులో ఉంది. ఆ ముఖ్యమైన పనుల్లో ఆధార్ కార్డు అప్ డేట్, ఆదాయ పన్ను పత్రాలు సమర్పించడం, క్రెడిట్ కార్డు వడ్డీరేటు, స్పెషల్ ఫిక్స్డ్ డిపాజిట్ వంటివి ఎన్నో ఉన్నాయి.
ఆధార్ కార్డ్ అప్‌డేట్: ఆధార్ కార్డును ఉచితంగా అప్‌డేట్ చేయడానికి చివరి తేదీ డిసెంబర్ 14. మీరు myAadhaar పోర్టల్ ద్వారా మీ ఆధార్ కార్డును ఉచితంగా అప్‌డేట్ చేసుకోవచ్చు. డిసెంబర్ 14 తర్వాత, పేరు, చిరునామా లేదా పుట్టిన తేదీని అప్‌డేట్ చేయడానికి మీరు రూ. 50 లేదా రూ. 100 రుసుము చెల్లించాల్సి రావచ్చు.
ఆదాయపు పన్ను: 2023-24 ఆర్థిక సంవత్సరానికి మీరు ఇంకా ITR ఫైల్ చేయకుంటే, వెంటనే ఈ పనిని పూర్తి చేయండి. దీనికి చివరి తేదీ 31 డిసెంబర్ 2024. దీని తర్వాత ఇలా చేస్తే జరిమానా విధించవచ్చు.
ముందస్తు పన్ను: డిసెంబరు కూడా ముందస్తు పన్ను చెల్లించే నెల. 75 శాతం అడ్వాన్స్ ట్యాక్స్ చెల్లించడానికి గడువు తేదీ డిసెంబర్ 15, 204. గడువు తప్పినట్లయితే, జరిమానాతోపాటుగా వడ్డీ చెల్లించాల్సి ఉంటుంది.
యాక్సిస్ బ్యాంక్ క్రెడిట్ కార్డ్ నిబంధనలు, షరతుల్లో మార్పు రాబోతోంది. డిసెంబర్ 20 తర్వాత, బ్యాంక్ క్రెడిట్ కార్డులపై వడ్డీ రేటును 3.6 నుండి 3.75 శాతానికి పెంచవచ్చు. అందువల్ల, ముఖ్యమైన పనిని ముందుగానే పూర్తి చేయండి.
IDBI బ్యాంక్ ప్రత్యేక FD పథకం ఉత్సవ్ ఫిక్స్డ్ డిపాజిట్. ఈ ప్రత్యేక FD పథకం 300, 375, 444, 700 రోజుల కాలవ్యవధి కలిగిన FD పథకం. పంజాబ్, సింధ్ బ్యాంక్ కూడా అధిక రాబడితో ప్రత్యేక FD పథకాన్ని కలిగి ఉంది. రెండు బ్యాంకుల ప్రత్యేక FD పథకాలలో పెట్టుబడి పెట్టడానికి చివరి తేదీ 31 డిసెంబర్ 2024.
