Non Veg Shops Closed in Hyderabad: హైదరాబాద్లో ప్రత్యేక ఆంక్షలు విధించారు. మార్చి 14వ తేదీ హోలీ పండుగ సందర్భంగా నగరంలో చికెన్, మటన్ విక్రయాలు నిలిపివేయాలని హైదరాబాద్ సీపీ ఆనంద్ ఉత్తర్వులు జారీ చేశారు. ఆ పూర్తి వివరాలు తెలుసుకుందాం..
హోలీ పండుగ మన దేశవ్యాప్తంగా ఘనంగా జరుపుకుంటారు. ఈ నేపథ్యంలో ఇప్పటికే స్కూళ్లు, విద్యాసంస్థలకు కూడా ఈ పండుగ రోజు సెలవులు ప్రకటించారు. అయితే, తాజాగా హైదరాబాద్ సీపీ ఈ ప్రాంతాల్లో హోలీ పండుగ రోజు చికెన్, మటన్ విక్రయించకూడదని ఆదేశించారు.
ఈ నేపథ్యంలో దీనికి సంబంధించిన ఉత్తర్వులు కూడా జారీ అయ్యాయి. హోలీ పండుగ అంటే రేపు ఉదయం 6 గంటల నుంచి శనివారం ఉదయం 6 గంటల వరకు చికెన్, మటన్ విక్రయించే దుకాణాలు బంద్ చేయాలని ఆదేశించారు.
ఇప్పటికే నిన్న వైన్ షాపులు కూడా రేపు ఉదయం 6 గంటల నుంచి సాయంత్రం 6 గంటల వరకు బంద్ చేయాలని ఆదేశించారు. తాజాగా, చికెన్, మటన్ విక్రయించే దుకాణాలు కూడా బంద్ చేయాలని హైదరాబాద్ సీపీ ఆనంద్ ఉత్తర్వులు జారీ చేశారు.
హోలీ పండుగ కాబట్టి ఇష్టానుసారంగా వ్యవహరిస్తే కుదరదని రోడ్డుపై వెళ్తున్న వారిపై అకారణంగా రంగు జల్లితే కఠిన చర్యలు తప్పవని చెప్పారు. వారిపై చర్యలు కూడా తీసుకుంటామన్నారు. నిబంధనలు అతిక్రమిస్తే చట్టప్రకారం చర్యలు తప్పవన్నారు.
హోలీ పండుగ సందర్భంగా అన్ని బంద్ ఉండనున్నాయి. మార్చి 14వ తేదీ హోలీ పండుగ. ఇక ఈరోజు రాత్రి హోలికా దహనం చేస్తారు. ఆ మరుసటి రోజు హోలీ జరుపుకుంటారు. ఆ పండుగ సందర్భంగా ఇప్పటికే విద్యాసంస్థలకు సెలవు ప్రకటించారు. ఈరోజు బ్యాంకులు కూడా బంద్ ఉండనున్నాయి.
