DA Hike: రాష్ట్ర ప్రభుత్వ ఉద్యోగులు, పెన్షనర్లకు గుడ్ న్యూస్.. 2 శాతం డీఏ పెంపు..!!
DA Hike: ఒడిశా ప్రభుత్వం డియర్‌నెస్ అలవెన్స్ (DA), డియర్‌నెస్ రిలీఫ్ (DR) పెంచింది. అక్టోబర్ 2024లో 3శాతం పెంపు తర్వాత, 2025 జనవరి 1 నుండి మరో 2శాతం పెంపుతో డీఏ 53శాతం నుంచి 55శాతానికి చేరింది. దీని వల్ల సుమారు 8.5 లక్షల మంది ఉద్యోగులు, పెన్షనర్లకు లాభం చేకూరనుంది. దీపావళి ముందు ప్రకటించిన ఈ నిర్ణయం ఉద్యోగ సంఘాలు, పెన్షనర్లలో ఆనందం కలిగించింది.
1/6ఉద్యోగులు, పెన్షనర్లకు శుభవార్త
ఒడిశా రాష్ట్ర ప్రభుత్వం మరోసారి ఉద్యోగులు, పెన్షనర్లకు శుభవార్త చెప్పింది. ద్రవ్యోల్బణం ప్రభావం తగ్గించేందుకు, జీవన ప్రమాణాలను మెరుగుపరచేందుకు ప్రభుత్వం కరవు భత్యం (Dearness Allowance - DA) కరవు రిలీఫ్ (Dearness Relief - DR) పెంపును ప్రకటించింది. దీపావళి పండుగ ముందు తీసుకున్న ఈ నిర్ణయం రాష్ట్రవ్యాప్తంగా వేలాది ఉద్యోగులకు కుటుంబాలకు ఆర్థికంగా ఊరట కలిగించనుంది.
2/6కరవు భత్యం 50శాతం నుండి 53శతానికి
గత సంవత్సరం అక్టోబర్ 2024లో ఒడిశా ప్రభుత్వం ఇప్పటికే 3శాతం డీఏ పెంపు చేసింది. ఆ సమయంలో ప్రభుత్వ ఉద్యోగుల కరవు భత్యం 50శాతం నుండి 53శతానికి పెరిగింది. ఈ పెంపు వేతనాలతో పాటు నగదు రూపంలో కూడా ఉద్యోగులకు చెల్లించింది. అందువల్ల వారు గత నెలల బకాయిలను కూడా పొందగలిగారు.
3/6ఉద్యోగులకు 2శాతం డీఏ పెంపు
తాజాగా ముఖ్యమంత్రి మోహన్ చరణ్ మాఝి నేతృత్వంలోని ప్రభుత్వం రాష్ట్ర ప్రభుత్వ రంగ సంస్థల (PSU) ఉద్యోగులకు 2శాతం డీఏ పెంపుని ఆమోదించింది. దీని ఫలితంగా, 2025 జనవరి 1 నుంచి PSU ఉద్యోగులు , ఇతర ప్రభుత్వ ఉద్యోగులు 53శాతం బదులుగా 55శాతం కరవు భత్యం పొందనున్నారు. ఈ నిర్ణయం దాదాపు 8.5 లక్షల మంది ఉద్యోగులు, పెన్షనర్లకు నేరుగా లాభం చేకూరుస్తుంది.
4/6పెన్షనర్లకు కూడా 2శాతం
ఉద్యోగులతో పాటు, రాష్ట్ర ప్రభుత్వం పెన్షనర్లకు కూడా 2శాతం కరవు రిలీఫ్ (DR) పెంపుని ప్రకటించింది. ప్రభుత్వ సేవలపై ఆధారపడిన వేలాది పెన్షన్ పొందుతున్న కుటుంబాలకు ఇది గొప్ప ఊరటగా మారనుంది. పెన్షనర్ల సంఘాలు, ఉద్యోగ సంఘాలు ఈ నిర్ణయాన్ని స్వాగతిస్తూ, ఇది ఒక సానుకూల ఆర్థిక భద్రతా చర్య అని పేర్కొన్నాయి.
5/6డీఏ పెంపులు
కేంద్రం , రాష్ట్రాలు సాధారణంగా ద్రవ్యోల్బణ సూచికల ఆధారంగా డీఏ పెంపులు చేస్తాయి. ప్రాథమిక జీతంపై చెల్లించే ఈ కరవు భత్యం పెరగడం వల్ల ఉద్యోగుల కొనుగోలు శక్తి పెరుగుతుంది. ప్రస్తుత ద్రవ్యోల్బణ పరిస్థితుల్లో ఈ పెంపు రాష్ట్ర ప్రభుత్వానికి భారీ ఆర్థిక భారం అయినా, ఉద్యోగులు, పెన్షనర్ల జీవన ప్రమాణాలను మెరుగుపరచడం లక్ష్యంగా తీసుకున్నదని అధికారిక వర్గాలు చెబుతున్నాయి.
6/6ఒడిశా ప్రభుత్వం
ఒడిశా ప్రభుత్వం తీసుకున్న ఈ డీఏ, డీఆర్ పెంపు నిర్ణయం పండుగ సమయంలో ఉద్యోగులు, పెన్షనర్లలో ఆనందాన్ని రేకెత్తించింది. ఇప్పటికే ఉన్న 53శాతం నుండి 55శాతానికి పెరుగుతున్న డీఏ వలన రాష్ట్ర ఉద్యోగులు , పెన్షనర్ల ఆర్థిక స్థిరత్వం కొంతవరకు పెరుగుతుందని చెప్పవచ్చు.
Trending
- News
- Photos
- Videos
)