Prabhas Trisha: ప్రభాస్, త్రిష కాంబినేషన్లో వర్షం సినిమా ఎంతటి బ్లాక్ బస్టర్ విజయం సాధించిందో తెలిసిన విషయమే. ఆ తర్వాత కూడా వీరిద్దరి కాంబినేషన్ లో పలు సినిమాలు వచ్చాయి. అయితే.. త్రిష నటించిన బ్లాక్ బస్టర్ సినిమా ఒకటి ప్రభాస్ వదులుకున్నారన్న విషయం మీకు తెలుసా..?
తెలుగు చిత్రసీమలో కొన్ని సినిమాలు ఊహించని రీతిలో విజయాన్ని అందుకుంటాయి. ఎలాంటి అంచనాలు లేకుండా వచ్చి ఇండస్ట్రీ హిట్ అయిన చిత్రాల కూడా ఎన్నో ఉన్నాయి. అలాంటి చిత్రాల్లో "నువ్వొస్తానంటే నేనొద్దంటానా" ఒక ప్రత్యేక స్థానాన్ని సంపాదించుకుంది.
ఈ సినిమా అప్పటిలో ఇండస్ట్రీ రికార్డ్స్ ని తిరగ రాసింది. ఈ చిత్రం ద్వారా త్రిష స్టార్ హీరోయిన్గా ఎదిగింది. అయితే త్రిష వర్షం సినిమా అయిన వెంటనే వచ్చిన ఈ చిత్రానికి ముందుగా అనుకునేది సిద్ధార్థను కాదంట.
ఈ సినిమా కథ మొదట స్టార్ హీరో ప్రభాస్కు దర్శకుడు ప్రభుదేవా చెప్పారంట. కానీ అప్పట్లో డేట్స్ సమస్య వల్ల ఆయన ఈ ప్రాజెక్ట్ను వదిలేశారు. అప్పుడు ఈ కథను చిన్న హీరో అయిన సిద్ధార్థ్ అంగీకరించడంతో.. సినిమా అద్భుతమైన విజయాన్ని సాధించింది.
ఈ చిత్రాన్ని ప్రముఖ కొరియోగ్రాఫర్, దర్శకుడు ప్రభుదేవా తెరకెక్కించాడు. తెలుగులో విడుదలైన ఈ సినిమా మాత్రమే కాకుండా, మొత్తం తొమ్మిది భాషల్లో రీమేక్ అయి, భారతీయ సినిమా చరిత్రలో ఒక విశేష రికార్డు నెలకొల్పింది.
ఈ సినిమాతో సిద్ధార్థ్ కెరీర్కు బలమైన బూస్ట్ లభించింది. ఇప్పటికే "బాయ్స్" ద్వారా పరిచయం అయినా, ఈ సినిమాతో ఆయన తెలుగు ప్రేక్షకులకు మరింత చేరువయ్యాడు. "నువ్వొస్తానంటే నేనొద్దంటానా" సినిమాకు 9 ఫిలిం ఫేర్ అవార్డులు, 5 నంది అవార్డులు రావడం విశేషం.
కన్నడ, తమిళం, బెంగాలీ, ఒడియా, మణిపురి, పంజాబీ, బంగ్లాదేశ్, నేపాలి, హిందీ భాషల్లో ఈ సినిమాలు రీమేక్ చేశారు. ఈ కథ ఎంత అద్భుతమైందో చెప్పడానికి ఈ రీమేక్లు చక్కటి ఉదాహరణ. మరి ఇలాంటి సినిమా ప్రభాస్ చేసి ఉంటే.. రిజల్ట్ ఎలా ఉండేదో అని ఆయన అభిమానులు ఆలోచిస్తున్నారు.
