Prabhas Vs Venkatesh: ఫిల్మ్ ఇండస్ట్రీలో ఒకే కథతో అని కాకుండా.. ఒకే లైన్ స్టోరీలతో పలు సినిమాలు తెరకెక్కడం సహజం. ఇలా ఒకే స్టోరీతో వెంకటేష్ హీరోగా తెరకెక్కిన ఈ సినిమా బాక్సాఫీస్ దగ్గర డిజాస్టర్ అందుకుంది. కానీ అదే కథతో ప్రభాస్ మాత్రం తన కెరీర్ లోనే బిగ్గెస్ట్ బ్లాక్ బస్టర్ అందుకున్నాడు.
Prabhas Vs Venkatesh: అవును ఒకే స్టోరీతో వెంకటేష్ డిజాస్టర్ అందుకున్నాడు. కానీ ప్రభాస్ మాత్రం బ్లాక్ బస్టర్ అందుకున్నాడు. అందుకున్నాడు. అవును ఫిల్మ్ ఇండస్ట్రీలో ఒకే రకమైన స్టోరీలతో మూవీలు తెరకెక్కడం షరా మాములే.
ఈ రూట్లోనే వెంకటేష్ హీరోగా దాసరి నారాయణ రావు దర్శకత్వంలో తెరకెక్కిన ‘టూటౌన్ రౌడీ’ అనే చిత్రం. ఈ మూవీ బాలీవుడ్ లో అనిల్ కపూర్ హీరోగా తెరకెక్కిన ‘తేజాబ్’ చిత్రానికి రీమేక్ గా తెలుగులో వచ్చింది.
కానీ టూటౌన్ రౌడీ సినిమా తెలుగు బాక్సాఫీస్ దగ్గర ఫ్టాప్ గా నిలిచింది. ఇక ఈ సినిమాలో ప్రభాస్ పెదనాన్న కృష్ణంరాజు మరో లీడ్ రోల్లో నటించడం విశేషం.
చాలా యేళ్ల తర్వాత ప్రభాస్ ను హీరోగా నిలిబెట్టిన చిత్రం ‘వర్షం’. త్రిష హీరోయిన్ గా శోభన్ దర్శకత్వంలో తెరకెక్కిన ఈ మూవీ కథ కూడా దాదాపు ‘టూ టౌన్ రౌడీ’ మూవీకి దగ్గరగా ఉంటుంది. దాదాపు 70 శాతం కథ ఒకే తరహాలో ఉంటుంది.
వర్షం, టూ టౌన్ రౌడీ రెండు సినిమాల మూల కథ ఒకటే అయినా.. స్క్రీన్ ప్లే మాత్రం కాస్త డిఫరెంట్ గా ఉంటుంది. అప్పట్లో వెంకటేష్.. ‘టూటౌన్ రౌడీ’ స్టోరీతో డిజాస్టర్ అందుకున్నాడు. కానీ ఆ తర్వాత ఎన్నో యేళ్ల తర్వాత అదే కథతో ప్రభాస్ బాక్సాఫీస్ దగ్గర బ్లాక్ బస్టర్ అందుకున్నాడు.
తెలుగులో ప్రభాస్ కథానాయకుడిగా స్టార్ డమ్ తీసుకొచ్చిన ఈ సినిమా ‘వర్షం’ చిత్రాన్ని .. ఆ తర్వాత హిందీలో టైగర్ ఫ్రాఫ్ హీరోగా ‘బాఘీ’ టైటిల్ తో రీమేక్ చేయడం విశేషం. బాఘీ అంటే రెబల్ అని అర్ధం. అక్కడ కూడా ఈ సినిమా బ్లాక్ బస్టర్ గా కావడం మరో ప్రత్యేకత.
