Samantha Acting: రంగస్థలం సినిమా ఎంతటి విజయం సాధించిందో ప్రత్యేకంగా చెప్పనవసరం లేదు. ఈ సినిమాలోని ప్రతి పాత్ర ప్రేక్షకులను ఎంతగానో ఆకట్టుకుంది. ఇక ఈ మధ్య శబ్దం సినిమాతో తెలుగు ప్రేక్షకులు ముందుకు వచ్చిన ఆది పినిశెట్టి సైతం ఈ సినిమాలో ఒక ముఖ్య పాత్రలో కనిపించారు. ఈ సందర్భంగా ఈ నటుడు షేర్ చేసుకున్న కొన్ని విషయాలు ప్రస్తుతం వైరల్ అవుతున్నాయి..
రంగస్థలం సినిమా 2018లో విడుదలై, ప్రేక్షకులను విశేషంగా ఆకట్టుకుంది. ఈ చిత్రంలో రామ్ చరణ్, సమంత ప్రధాన పాత్రల్లో నటించారు. ఇద్దరూ కూడా తమ పాత్రలలో.. ఎంతో నైపుణ్యంతో పోషించి, ప్రేక్షకుల మన్ననలు పొందారు.
అయితే వీరిద్దరితో దీటుగా ఈ సినిమాలో నటించిన మరో నటుడు.. ఆది పినిశెట్టి.. ఈ కథ చాలా వరకు ఈయన పాత్ర చుట్టూనే తిరుగుతుంది. తెలుగులో వైశాలి లాంటి మంచి సూపర్ హిట్ అందుకున్న ఆది పినిశెట్టి ఈ సినిమాతో మరింత పేరు తెచ్చుకున్నారు.
కాగా సినిమాలోని ఓ కీలక సన్నివేశంలో, ఆది పినిశెట్టి పాత్ర మరణిస్తాడు. ఈ సన్నివేశంలో సమంత నిజంగానే ఆ క్యారెక్టర్ మరణించినట్లు భావించి, తన సహజ నటనతో ప్రేక్షకులను ఆకట్టుకున్నారు. ఆమె ఆ సన్నివేశంలో చూపిన భావోద్వేగం ప్రేక్షకులను ఆకట్టుకుంది.
ఇక ఇదే విషయాన్ని శబ్దం సినిమా ప్రమోషన్స్ లో హీరో ఆది పినిశెట్టి తెలియజేశారు. ఓరయ్యో సాంగ్లో.. సమంత నిజంగానే తాను చనిపోయినట్లు భావించి ఏడ్చింది అని చెప్పుకొచ్చారు.
సమంత తన పాత్రను అద్భుతంగా పోషించి, ప్రేక్షకుల హృదయాలను గెలుచుకున్నారు. ఈ క్రమంలో ఇప్పుడు ఆది పినిశెట్టి సైతం ఇలా చెప్పడంతో ప్రస్తుతం ఈ వ్యాఖ్యలు కాస్త సోషల్ మీడియాలో తెగ వైరల్ అవుతున్నాయి.
