Telangana Government: నిరుద్యోగులకు శుభవార్త. భారీగా ప్రభుత్వ ఉద్యోగాల భర్తీ జరగనుంది. తెలంగాణలో ఏకంగా 11 వేల పోస్టుల భర్తీకి ప్రభుత్వం గ్రీన్ సిగ్నల్ ఇచ్చేసింది. త్వరలోనే నోటిఫికేషన్ జారీ చేసి నియామక ప్రక్రియ చేపట్టనున్నారు. పూర్తి వివరాలు ఇలా ఉన్నాయి.
Telangana Government: ప్రభుత్వ ఉద్యోగం కోసం ఎదురుచూస్తున్నవారికి ఇదే గుడ్ న్యూస్. తెలంగాణ ప్రభుత్వం త్వరలో రెవిన్యూ శాఖలో అత్యంత కీలకమైన 11 వేల ఖాళీల్ని భర్తీ చేయనుంది. ఆర్ధిక శాఖ ఆమోదం లభించడంతో త్వరలో నోటిఫికేషన్ వెలువడనుంది.
తెలంగాణ ప్రభుత్వం గ్రామ పరిపాలనను పటిష్టం చేసేందుకు కీలక నిర్ణయ తీసుకుంది. రాష్ట్రంలోని రెవిన్యూ శాఖలో కీలకమైన 10,954 పోస్టుల్ని భర్తీ చేసేందుకు నిర్ణయం తీసుకుంది.
రాష్ట్రంలోని రెవిన్యూ శాఖలో కీలకమైన పోస్టుల భర్తీకు ఆర్ధిక శాఖ ఆమోదం లభించింది. ఇటీవలే తెలంగాణ కేబినెట్ కూడా ఆమోదించింది. ఈ కొత్త పోస్టులు జీపీవో పేరుతో ఉంటాయి.
గతంలో వీఆర్వోలుగా పనిచేసిన 6 వేల మందిని నేరుగా జీపీవోలుగా నియమించనుంది తెలంగాణ ప్రభుత్వం. మరో 4 వేల పోస్టులకు నోటిఫికేషన్ జారీ చేయనుంది
మరోవైపు తెలంగాణ ప్రభుత్వం రాష్ట్రంలోని అన్ని శాఖల్లో ఖాళీల భర్తీకు సిద్ధమౌతోంది. ఇప్పటికే 61,579 పోస్టుల జాబితా సిద్ధమైంది. ఉగాది తరువాత 55 వేల పోస్టుల భర్తీకు సంబంధించి వివిధ నోటిఫికేషన్లు జారీ చేయనుంది.
