Telangana Weather Update: తెలంగాణలో ఎండ తీవ్రత రోజుకు పెరిగే పోతూ ఉంది. భానుడి భగభగలు ఉక్కపోత సృష్టిస్తున్నాయి. తెలంగాణలో నేడు కనిష్ట ఉష్ణోగ్రతలు 22 కాగా గరిష్ట ఉష్ణోగ్రతలు 45 డిగ్రీలకు చేరువలో వెళ్తోంది. మార్చి ప్రారంభం కంటే ముందే భానుడి భగభగలు ప్రారంభమయ్యాయి.. ఈ నేపథ్యంలో ఉక్కపోత ఎక్కువైంది.
తెలంగాణలో పొడి వాతావరణం ఎక్కువగా ఉండటంతో భానుడు నిప్పులు చెరుగుతున్నాడు. 40 డిగ్రీలకు చేరువలో ఉష్ణోగ్రతలు నమోదవుతున్నాయి.
ముఖ్యంగా తెలంగాణపై సూర్యుడు నిప్పుల కొలిమి చెరుగుతున్నాడు. రాష్ట్రవ్యాప్తంగా 45 డిగ్రీలకు చేరువలో ఉష్ణోగ్రతలు నమోదవుతున్నాయి.
ఒకవైపు పరీక్షలు కూడా జరుగుతున్నాయి. వేడి తీవ్రతతో ప్రజలు ఉక్కిరిబిక్కిరి అవుతున్నారు. అత్యధికంగా ఖమ్మం జిల్లాలో 39 డిగ్రీలకు పైగా ఉష్ణోగ్రత నమోదయింది. ఇక పెద్దపల్లి, సుల్తానాబాద్ జిల్లాలో కూడా 39 డిగ్రీలు దాటేసింది.
హైదరాబాద్ మినహా అన్ని ప్రాంతాల్లో 39 డిగ్రీల ఉష్ణోగ్రతలు నమోదయినట్లు వాతావరణ శాఖ తెలిపింది. అదేవిధంగా రాబోయే రెండు రోజుల్లో కూడా ఉష్ణోగ్రతలు 40 డిగ్రీలకు చేరువలో వెళ్తాయని చెప్పింది.
ఈ నేపథ్యంలో వృద్ధులు, గర్భిణీలు, చిన్నపిల్లలు ఎండ తీవ్రత సమయంలో బయటికి రాకూడదని వాతావరణ శాఖ హెచ్చరించింది. తగిన ఆరోగ్య జాగ్రత్తలు తీసుకోవాలని సూచించింది. హైడ్రేషన్ నిలుపుకోవాలని నీళ్లు ఎక్కువగా తీసుకోవాలని చెప్పింది.
