Nayanthara: హీరోయిన్ కాకముందు నయనతార ఏమి చేసేదో తెలిస్తే ఆశ్చర్యపోవాల్సిందే..!

సౌత్ ఇండియా లేడీ సూపర్ స్టార్.. అనగానే నయనతార పేరు గుర్తొస్తుంది. ప్రస్తుతం ఈ హీరోయిన్ వరస సినిమాలు చేస్తూ దూసుకుపోతోంది. పెళ్లయి ఇద్దరు పిల్లలు పుట్టినా కానీ ఇంకా ఈమె జోరు తగ్గలేదు. ఇప్పటికీ సౌత్ ఇండియాలో నయనతార కి ఎంతోమంది అభిమానులు ఉన్నారు. ఈ క్రమంలో నయనతారకు సంబంధించిన చిన్న విషయం కూడా తెగ వైరల్ అవుతూ అభిమానులను ఆకట్టుకుంటూ ఉంటుంది.   

నయనతారకు చిన్ననాటి నుంచే సినిమాలపై ఆసక్తి ఏర్పడింది. సినిమాల్లోకి అడుగుపెట్టే ముందు ఆమె టెలివిజన్ యాంకర్‌గా తన కెరీర్ ప్రారంభించింది. ఆ తరువాత సినిమా ఇండస్ట్రీలో.. నయనతార బంధువు ఒకరు ఉండడం వల్ల వారిద్వారా ఆమె నిర్మాతలకు, దర్శకులకు పరిచయమైంది.

నయనతారకు మొదటి బ్రేక్ మనస్సినరే అనే మలయాళ సినిమాతో వచ్చింది. ఆమె అసలు పేరు అయిన డయానా కురియన్ ను ఆ సినిమా దర్శకుడు బాగా ఇష్టపడలేదు. దాంతో ఆమెకు "నయనతార" అనే పేరును పెట్టారు. 

2005లో నయనతార తమిళ చిత్రమైన అయ్యా ద్వారా హీరోయిన్‌గా అరంగేట్రం చేసింది. ఇందులో ఆమె సారథ్ కుమార్‌కు జంటగా నటించింది. ఈ సినిమా విజయం సాధించడంతో ఆమె తమిళ పరిశ్రమలో నిలదొక్కుకుంది. తర్వాత రజనీకాంత్ సరసన చంద్రముఖి చిత్రంలో నటించడం ఆమె కెరీర్‌కు మరింత బలాన్నిచ్చింది.

తర్వాతి కాలంలో నయనతార అనేక తెలుగు, తమిళ, మలయాళ సినిమాల్లో నటించి తన ప్రతిభను నిరూపించింది. 20 సంవత్సరాలుగా టాప్ హీరోయిన్‌గా కొనసాగుతూ, 40 ఏళ్ల వయసులో కూడా ఒక్కో సినిమాకు రూ.10-15 కోట్లు పారితోషికం పొందుతోంది.