 "Viral Video: ఇది అసలైన బాండింగ్.. 93 ఏళ్ల వయసులో భార్యకు మంగళసూత్రం.. రూ. 20కే ఇచ్చిన షాపు ఓనర్.. గుండెల్ని పిండేస్తున్న వీడియో..")
)
93 year old gift Mangal sutra for his wife video viral: ఇటీవల కాలంలో యువతీ,యువకులు పెళ్లికున్న పవిత్రబంధాన్ని పూర్తిగా దిగజారుస్తున్నారు. చిన్న చిన్న కారణాలకే డైవర్స్ తీసుకుంటున్నారు. భర్తల్ని వేధిస్తు, హత్యలు కూడా చేస్తున్నారు. మరోవైపు భర్తలు సైతం.. భార్యలను రాచీరంపాన పెడుతున్నారు. ఇటీవల వెలుగులోకి వస్తున్నఘటనలు చూసి చాలా మంది అసలు పెళ్లంటేనే భయంతో దూరంగా పారిపోతున్నారు.
పెళ్లి చేసుకుని చచ్చిపొవడం కంటే.. సింగిల్ గా ఉండి లైఫ్ లీడ్ చేయడం బెటర్ అని చాలా మంది నెట్టింట పోస్తులు, రీల్స్ లు సైతం పెడుతున్నారు. ఈ నేపథ్యంలో మహారాష్ట్రలోని ఛత్రపతి సంభాజీ నగర్ లో చోటు చేసుకున్న ఘటన ప్రస్తుతం వార్తలలో నిలిచింది.
మహారాష్ట్రలోని ఛత్రపతి సంభాజీ నగర్ లో.. తెల్లని ధోతి, కుర్తా, టోపీ ధరించి ఉన్న నివృత్తి షిండే అనే వృద్ధుడు (93) ఓ బంగారం దుకాణంలోకి తన భార్యశాంతాబాయితో వచ్చాడు. షాపులోకి ప్రవేశించి.. తన భార్యకు మంగళసూత్రం కొనాలని అక్కడి వారితో చెప్పాడు. తన దగ్గర రూ.1,120 ఉందని చెప్పాడు. ప్రస్తుతం ఆషాడ మాసం ఏకాదశి వస్తుంది.
కాబట్టి తాము పండరి పురం యాత్ర చేస్తున్నాం. తన భార్యకు.. మంగళసూత్రం కొనివ్వాలని అతను షాపులోకి వెళ్లి అక్కడి సిబ్బందితో మాట్లాడాడు. దీంతో వారి మధ్య ఉన్న బాండింగ్ కు ఫిదా అయిపోయిన జువెల్లరీ షాపు యజమాని కేవలం రూ. 20 తీసుకుని వారికి బంగారం మంగళ సూత్రం కానుకగా ఇచ్చాడు. షాపు ఓనర్ మీలాంటి పెద్ద వాళ్ల ఆశీర్వాదాలు తమమీద ఉండాలని చెబుతూ వాళ్ల చేతికి బంగారం మంగళసూత్రం కానుకగా ఇచ్చాడు. ఈ క్రమంలో దంపతులు ఇద్దరు భావొద్వేగానికి గురయ్యారు.
ఈ వీడియో ప్రస్తుతం నెట్టింట వైరల్గా మారింది. దీన్ని చూసిన నెటిజన్లు వీళ్లను చూసి.. యువత బుద్ది తెచ్చుకొవాలని, వివాహ బంధం అంటే ఇలా ఉండాలని , ఎన్ని కష్టాలు వచ్చిన ఒకరికిమరోకరు అండగా ఉండడమే నిజమైన బంధం అంటూ కామెంట్లు చేస్తున్నారు.
