Viral Video: రెచ్చిపోయిన కేటుగాడు.. మంచి నీళ్లు అడిగి ఇంట్లోకి ప్రవేశించి.. వైరల్‌గా మారిన వీడియో..

Hyderabad: మహిళ ఉదయాన్నే ఇంటిపనులు చేసుకుంటుంది. ఇంతలో ఒక వ్యక్తి దాహంగా ఉందని నీళ్లు అడిగాడు. ఆమె లోపలికి వెళ్లి నీళ్ల బాటిల్ ను తీసుకొని రావడానికి వెళ్లింది.ఈ క్రమంలో అతను కూడా ఆమెను ఫాలో అయ్యాడు.

Chain snatching in kphb Hyderabad: ఇటీవల కాలంలో కేటుగాళ్లు రెచ్చిపోతున్నారు.ఈజీగా డబ్బులు సంపాదించాలని చోరీలకు పాల్పడుతున్నారు. ముఖ్యంగా ఒంటిరిగా ఉంటున్న మహిళలు,వయసులో పెద్ద వాళ్లనుహ టార్గెట్ చేసుకుంటున్నారు. బైక్ ల మీద వచ్చి.. ఏదో అడ్రస్ అడిగినట్లు చేస్తున్నారు. ఆ తర్వాత చోరీలకు పాల్పడుతున్నారు. మరికొందరు ఇంటి దగ్గరకు వచ్చి తాగేందుకు నీళ్లు అడుగుతున్నారు.ఆ  తర్వాత మెల్లగా వారి వెనకాల వెళ్లి చోరీలు చేస్తున్నారు. అంతేకాకుండా.. మరికొందరు గల్లీల దగ్గర నిలబడి.. బైక్ ల మీద వెళ్లే వివాహితలను టార్గెట్ చేసుకుంటున్నారు.

Add Zee News as a Preferred Source

మహిళలను ఫాలో అయ్యి.. ఏదో మాట్లాడినట్లు చేసి బంగారం, చైన్ లను కాజేస్తున్నారు. ఇటీవల అనేక ఘటనలు వార్తలలో ఉంటున్నాయి. సోషల్ మీడియాలో నిత్యం చైన్ స్నాచింగ్ ఘటనలు వార్తలలో ఉంటున్నాయి. ఈ క్రమంలో ప్రస్తుతం హైదరాబాద్ లోని కేపీహెచ్ బీ లో చోటు చేసుకున్న ఘటన ప్రస్తుతం వార్తలలో నిలిచింది.

సీసీ ఫుటేజ్.. మంచినీళ్లు కావాలని అడిగి మంగళ సూత్రం దొంగలించిన దొంగ

హైదరాబాద్ - KBHBలో టెంపుల్ బస్టాప్ సమీపంలోని ఓ ఇంటి వద్ద ముగ్గు వేస్తున్న మహిళని మంచినీళ్లు ఇవ్వమని అడిగి తన మెడలో నుంచి రెండున్నర తులాల బంగారు గొలుసును ఎత్తుకొని వెళ్లిన దొంగ

ఘటనపైన కేసు నమోదు చేసుకొని… pic.twitter.com/ppaeqH1KjA

— Telugu Scribe (@TeluguScribe) March 12, 2025

హైదరాబాద్ లోని కేపీహెచ్ బీలో ఇటీవల టెంపుల్ బస్టాండ్ సమీపంలో ఇంట్లో మహిళ తన పనులు చేసుకుంటుంది. ఇంతలో గేటు దగ్గర  ఒక వ్యక్తి వచ్చి తాగేందుకు నీళ్లు కావాలని అడిగాడు. పాపం.. ఎండాకాలం అని సదరు మహిళమంచి మనసుతో అతడిని నీళ్లు ఇచ్చేందుకు లోపలికి వెళ్లింది. కానీ ఆ కేటుగాడు దొంగ అని గుర్తించలేకపోయింది. ఆమె లోపలికి వెళ్లగానే.. ఆమె వెనుకాల ఇతగాడు వెళ్లాడు.

ఆమె ఇంట్లోకి ప్రవేశించి.. నీళ్లు తాగుతున్నట్లు నటించి.. ఇంట్లో ఎవరు లేరని చూసి.. రెప్పపాటులో.. ఆమె మెడలోని రెండున్నర తులాల బంగారం మంగళసూత్రంను తెంపుకుని అక్కడి నుంచి పారిపోయాడు. ఆమె లబో దిబో అంటూ కేకలు వేస్తు అతగాడ్ని పట్టుకునేందుకు ప్రయత్నించింది.

కానీ అతను మాత్రం జెట్ స్పీడ్ లో అక్కడి నుంచి పారిపోయాడు.ఈ చోరీ ఘటన అక్కడున్న సీసీ ఫుటేజీలో రికార్డు అయ్యింది. అతను తన ముఖానికి క్యాప్ కూడా పెట్టుకున్నాడు.ఈ వీడియో వైరల్గా మారింది. దీన్ని చూసిన నెటజన్ లు మాత్రం షాక్ అవుతున్నారు. నేటి కాలంలో ఒకరికి  పాపం.. అంటే.. మనకే రిటర్న్ గా చెడు జరుగుతుందని కొంత మంది కామెంట్లు చేస్తున్నారు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.