Lord Shiva Eyes Open: శిర్డీ సాయిబాబా పాలు తాగుతున్నాడని.. శివలింగం పాలు తాగుతోందని.. సాయిబాబా బూడిద ఇస్తున్నాడని తరచూ వార్తలు వింటుంటాం. తాజాగా ఓ ఆలయంలో పరమశివుడు కళ్లు తెరిచాడనే వార్త వైరల్గా మారింది. ఆలయంలో ఉన్న శివుడి విగ్రహం కళ్లు తెరిచిందనే వార్త ఆంధ్రప్రదేశ్లోని విశాఖపట్టణంలో హల్చల్ చేస్తోంది. శివుడు కళ్లు తెరిచాడనే వార్తతో భక్తులు ఆలయానికి పోటెత్తారు. ఆలయంలోని విగ్రహం వద్దకు వెళ్లి పూజలు చేయడం మొదలుపెట్టారు. ఈ వార్త వివరాలు.. అసలు వాస్తవమేమిటో తెలుసుకుందాం.
ఆంధ్రప్రదేశ్లోని విశాఖపట్టణం జిల్లా గాజువాకలోని ఆటోనగర్- జగ్గరాజుపేట మార్గంలో శ్రీ దుర్గా నాగలింగేశ్వర ఆలయం ఉంది. ఈ ఆలయం ప్రాంగణంలో బయట కొన్ని దేవతామూర్తుల విగ్రహాలు ఉన్నాయి. సుబ్రహ్మణ్య స్వామి, నాగదేవత విగ్రహాలు ఉన్నాయి. వాటి మధ్యలో శివపార్వతుల విగ్రహం. శివుడి ఒడిలో పార్వతమ్మ కొలువుదీరి ఉంది. అయితే ఆ విగ్రహం ఆదివారం సాయంత్రం అకస్మాత్తుగా కళ్లు తెరచిందని వార్తలు ఒక్కసారిగా బయటకు వచ్చాయి. శివుడు కళ్లు తెరిచి అందరినీ చూస్తున్నాడని వార్తలు రావడంతో భక్తులు ఆలయానికి పోటెత్తారు. పరమశివుడు భక్తులను కరుణించి చూడడానికి వచ్చాడని భక్తులు భావిస్తున్నారు. శివుడి కటాక్షం లభించిందని.. తాము కూడా ఆ మహిమ చూద్దామని చుట్టుపక్కల ప్రాంతాల ప్రజలు ఆలయానికి వచ్చి ప్రత్యేక పూజలు చేశారు.
పరమశివుడి విగ్రహం కళ్లు తెరచిందనే వార్త గాజువాకతోపాటు విశాఖపట్టణంలో వైరల్గా మారింది. గతంలో కళ్లు మూసి ఉన్నాయని.. ఇప్పుడు శివుడి విగ్రహం కళ్లు తెరచి ఉన్నాయని భక్తులు చెబుతున్నారు. అయితే పార్వతీ మాత కాకుండా శివుడి విగ్రహం కళ్లు మాత్రమే తెరచి ఉండడం విశేషమని పేర్కొంటున్నారు. అయితే ఇది వాస్తవమా? కాదా? అని ఆలయ నిర్వాహకులు స్పష్టత ఇవ్వడం లేదు. అయితే అదంతా అబద్ధం.. అవాస్తమని నాస్తికులు కొట్టిపారేస్తున్నారు. గతంలో విగ్రహం ఎలా ఉందనేది చెప్పడానికి ఆధారం లేదని అని కొందరు మేధావులు కూడా పేర్కొంటున్నారు. విగ్రహం కళ్లు తెరవడం అనేది ఉండదని.. విగ్రహం చెక్కే సమయంలోనే కళ్లు తెరచి చెక్కి ఉంటారనే చర్చ జరుగుతోంది. ఇవన్నీ ఎవరూ నమ్మవద్దని పలువురు సూచిస్తున్నారు. ఇంకా మూఢ నమ్మకాల్లో ఉండరాదని.. సాంకేతిక విజ్ఞానం కొత్త పుంతలు తొక్కుతున్న వేళ ఇలాంటివి నమ్మరాదని హితవు పలుకుతున్నారు. అయితే విగ్రహం కళ్లు తెరచిందనే వీడియోలు, ఫొటోలు నెట్టింట్లో చక్కర్లు కొడుతున్నాయి.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
)