
Monkey saves baby dog video viral: ప్రస్తుతం సమాజంలో మానవత్వం అసలు ఉందా అన్న విధంగా జనాలు ప్రవర్తిస్తున్నారు. ఎవరు ఎటు పోతే మాకేంటన్నట్లు ఉంటున్నారు. ఇతరులకు కాదు.. రక్తం పంచుకున్న వాళ్లను సైతం చాలా మంది అస్సలు పట్టించుకోవట్లేదు. ఒకప్పుడు ప్రేమలు, ఆప్యాయతలు అనేవి చాలా బాగా ఉండేవి. కానీ ఇప్పుడు కేవలం పైసా మాత్రమే. ప్రతిదాంట్లో నాకేంటీ.. నాకేమోస్తుంది.. నాకింతిస్తావ్ అన్నవిధంగా జనాలు ప్రవర్తిస్తున్నారు. ఒకప్పుడు ఎవరికైన ఆపద వస్తే... చుట్టుపక్కల వాళ్లు, బంధువులు, స్నేహితులు అందరు వచ్చేవారు. కానీ ఇప్పుడు సీన్ రివర్స్ అయ్యింది. సొంత వాళ్లు సైతం అస్సలు పట్టించుకోవట్లేదు.
ఇక మనుషుల కంటే చాలా చోట్ల నోరులేని జీవాలు తమ ఐక్యతను చాటుతున్న అనేక వీడియోలు ఇటీవల నెట్టింట తెగ వైరల్ అవుతున్నాయి. కాకులు, కోతులు, ఇతర జీవులు.. ఒకటి ఆపదలో ఉండి అరిస్తే.. వాటి జాతీ అంతా పరుగెత్తుకుంటూ వచ్చేస్తాయి. కానీ మనిషి మాత్రం.. తనపక్కన మరో వ్యక్తి ప్రమాదంలో ఉంటే.. చూసి చూడనట్లు వెళ్లిపోతుంటాడు. నాకేంటీ అన్న విధంగా ప్రవర్తిస్తారు. ఈ క్రమంలో కోతులు, కుక్కలు కట్టర్ శత్రువులు అన్నవిషయం అందరికి తెలిసిందే.
కోతి పిల్లల్ని కుక్కలు.. కుక్క పిల్లల్ని కోతులు కొన్నిసార్లు పరస్పరం దాడులు చేసుకున్న ఘటనలు మనం చూశాం. కానీ ఇక్కడ మాత్రం.. ఒక కోతి .. మాత్రం అందుకు భిన్నంగా ప్రవర్తించింది. అపాయంలో ఉన్న కుక్క పిల్లను తన ప్రాణాలకు తెగించి కాపాడింది. ఒక కుక్క పిల్ల చెట్టు మీద ఉంది. మరీ అది ఎలా వెళ్లిందో కానీ.. కిందకు రాలేక.. కుయ్.. కుయ్.. అంటూ అక్కడ అరుస్తు ఉండిపోయింది. దూరంనుంచి ఒక వానరం గమనించింది.
వెంటనే కుక్క దగ్గరకు వెళ్లి.. తన పిల్లలా దాన్ని గట్టిగా పట్టుకుంది. మెల్లగా చెట్టు కొమ్మల మీద దుంకుతూ.. కుక్కను నెల మీదకు జాగ్రత్తగా వదిలి అక్కడి నుంచి వెళ్లిపోయింది. కుక్క పిల్లకు ఏ మాత్రం దెబ్బలు తగలకుండా.. అది మెల్లగా కిందకు దిగింది.ఈ వీడియో ప్రస్తుతం నెట్టింట వైరల్గా మారింది.
దీన్ని చూసిన నెటజన్ లు తల్లి ప్రేమ అంటే ఇలా ఉంటుంది.. ఆపదలో ఉన్నప్పుడు.. తన పిల్ల అయిన.. ఇతరుల పిల్ల అయిన కాపాడుతుందని కామెంట్లు చేస్తున్నారు. మరికొందరు కొంత మంది మనుషుల కన్నా.. నోరులేనీ జీవాలు మిన్న అని ఎమోషనల్ అవుతున్నారు.