 "Viral Video: 56 ఏళ్ల తర్వాత కుటుంబంలో ఆడ పిల్ల పుట్టిందని.. ఏం చేశారంటే.. వీడియో..")
Latest Viral Video Watch Now: ఆడపిల్లలు అంటే ఎవరికి ఇష్టం ఉండదు. అందరూ ఎంతో ఇష్టంగా ప్రేమగా పెంచుకుంటూ ఉంటారు. ఆడపిల్లను సృష్టికి ఒక పరంగా భావించవచ్చు. అందుకే ఆడపిల్ల పుడితే మగ బిడ్డ పుట్టిన దానికంటే ఎక్కువగా తల్లిదండ్రులు ఆనందపడతారు. గతంలో చాలామంది ఆడపిల్ల పుట్టిందంటే భర్త భార్యను వదిలేసేవాడు. కానీ ఇప్పుడు అలా లేదు.. ఇప్పుడు ఆడపిల్ల పుట్టిందంటేనే చాలావరకు ఆనందపడుతున్నారు. అంతేకాకుండా కుటుంబ సభ్యులైతే ఎగిరి గంతులు వేస్తున్నారు. ఇదిలా ఉంటే ఓ కుటుంబంలో 56 సంవత్సరాల తర్వాత ఆడపిల్ల జన్మించింది. ఇంకా ఆ కుటుంబ సభ్యులు ఎంత ఆనందపడి ఉండాలి?
ఆ కుటుంబంలో 56 ఏళ్ల సుదీర్ఘకాలం తర్వాత ఒక ఆడపిల్ల జన్మించింది. అయితే డెలివరీ అయిన తర్వాత తల్లితో పాటు బిడ్డ హాస్పిటల్ నుంచి ఇంటికి తిరిగి వస్తున్న సమయంలో కుటుంబ సభ్యుల ఆనందం అంతో ఇంతో కాదు. ఏకంగా ఒక ఇంట్లో పెళ్లి జరిగితే ఎలా ఉంటుందో? అలా పండగ వాతావరణం ఏర్పడింది. అంతేకాకుండా కుటుంబ సభ్యులంతా ఆడ పిల్ల పుట్టిందని ఆనందంలో మునిగిపోయారు. ఈ సంఘటనకు సంబంధించిన కొన్ని దృశ్యాలు ఇప్పుడు సోషల్ మీడియాలో అందరిని ఆనందపరిస్తున్నాయి.
ఈ వీడియోను 'డాక్టర్ చాహత్ రావల్' అనే ఇన్స్టాగ్రామ్ ఖాతా నుంచి షేర్ చేశారు.. 56 సంవత్సరాల తర్వాత ఆ కుటుంబంలో ఆడపిల్ల జన్మించిందని క్యాప్షన్ రాసి పోస్ట్ చేశారు. ఇక ఈ వీడియోకు సంబంధించిన వివరాల్లోకి వెళితే.. ఆ కుటుంబ సభ్యులు హద్దులు లేని ఆనందంతో హాస్పిటల్ నుంచి బిడ్డతో పాటు తల్లి తిరిగి వస్తున్న సందర్భంగా ఇంటిని బెలూన్స్తో డెకరేషన్ చేసి ఉంచారు. అంతేకాకుండా బెలూన్స్తో అందంగా డెకరేట్ చేసిన కార్లతో హాస్పిటల్ నుంచి తల్లిని బిడ్డను ఇంటికి తీసుకువచ్చారు. అంతేకాకుండా ఇంటి ముందు భారీగా టపాసులు కూడా పేల్చారు.
ఎంతో ఆనందంగా కుటుంబ సభ్యులు తల్లితో పాటు బిడ్డను తన భర్తను ఇంట్లోకి తీసుకువచ్చే ముందు ప్రత్యేకమైన పూజ నిర్వహించి.. బిడ్డ పాదాలను కుంకుమ నీటిలో ముంచి తెల్లటి కాటన్ దుస్తుపై నడిపించారు. ఇప్పుడు దీనికి సంబంధించిన దృశ్యాలు సోషల్ మీడియాలో వైరల్ గా మారాయి. ఈ వీడియో చూసిన చాలామంది కామెంట్లు చేశారు. "ఈ కీడు ప్రపంచం కేవలం కొడుకులను మాత్రమే కోరుకుంటుందని.. కానీ ఆడపిల్లని ఇంటికి ముద్దని ఒకరు" కామెంట్ చేశారు. మరొకరు " ప్రతీ కూతురికి ఇలాంటి ప్రేమ దక్కాలని" కామెంట్ చేశారు. ఇప్పటివరకు ఈ వీడియోను కొన్ని లక్షల మందికి పైగా సోషల్ మీడియా వినియోగదారులు వీక్షించారు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండిTwitter, Facebook
)