Gold Recycling ATM Video: చైనా ఎప్పటికప్పుడు కొత్తగా టెక్నాలజీని వినియోగించి కొత్త కొత్త మిషన్స్ ను తయారు చేస్తూ ఉంటుంది. వీటిని ప్రపంచ దేశాలకు ఎక్స్పోర్ట్ చేస్తుంది. తాజాగా చైనా మొట్టమొదటి బంగారం రీసైక్లింగ్ ఏటీఎంను ప్రవేశపెట్టింది. ఈ మిషన్ ధర తమ బంగారు ఆభరణాలు తక్షణమే ఎక్స్చేంజ్ చేసి డబ్బుగా మార్చుకోవచ్చు. ఈ నూతన బంగారం రీసైక్లింగ్ మిషన్ ను షాంఘైలోని గ్లోబల్ హార్బర్ షాపింగ్ మాల్లో ఏర్పాటు చేసినట్లు కింగ్హుడ్ గ్రూప్ తెలిపింది. అయితే దీనిని ప్రముఖ టెక్నాలజీ కంపెనీ కింగ్హుడ్ గ్రూప్ అభివృద్ధి చేసి మార్కెట్లో మంచి గుర్తింపు సంపాదించుకుంది. ఈ ప్రత్యేకమైన స్మార్ట్ మిషన్ చైనాలో మంచి ప్రజాదరణ పొందింది. ఇది బంగారం తూకం వేయడానికి, క్వాలిటీ స్కానింగ్ కోసం, కరిగించడానికి ఎంతో బాగా పనిచేస్తుంది. ప్రస్తుతం ఈ మిషన్ కు సంబంధించిన వీడియో సోషల్ మీడియాలో ఇప్పుడు వైరల్ గా మారింది.
"బంగారు రీసైక్లింగ్ ATM" మిషన్ ద్వారా నేరుగా బంగారాన్ని కలిగించి డబ్బులు పొందవచ్చు. అయితే ఈ ఏటీఎం కనీసం 50% స్వచ్ఛతతో కూడిన మూడు గ్రాముల బంగారం కంటే ఎక్కువగా ఉండే మొక్కలను మాత్రమే తూకం వేసి డబ్బుగా అందిస్తుంది. ప్రస్తుతం బంగారం ధరలు కూడా విపరీతంగా పెరగడంతో.. ఈ యంత్రానికి కూడా మంచి డిమాండ్ ఏర్పడింది. అంతేకాకుండా పెద్ద ఎత్తున జనాలు ఈ ఏటీఎం దగ్గరికి వచ్చి బంగారం అమ్మకాలు జరుపుతున్నారు. దీంతో కంపెనీ ఏకంగా ప్రత్యేకమైన అపాయింట్మెంట్ స్లాట్ ను కూడా ఏర్పాటు చేసింది. బంగారాన్ని అమ్మాలనుకుంటున్నవారు స్లాట్ బుక్ చేసుకుని.. ఈ మిషన్ ద్వారా బంగారాన్ని కరిగించి డబ్బులు పొందవచ్చు.
A gold ATM in Shanghai, China
It melts the gold and transfers the amount corresponding to its weight to your bank account.
— Tansu Yegen (@TansuYegen) April 19, 2025
వైరల్ అవుతున్న వీడియో వివరాల్లోకి వెళ్తే.. ఆంట్ వాంగ్ అని ఓ కస్టమర్ ఈ మిషన్లో దాదాపు 40 గ్రాముల నెక్లెస్ బంగారం ఆభరణం వేసింది. దీనికి మిషన్ లెక్క కట్టి రీసైకిలింగ్ చేసి మరి 30 నిమిషాల్లో చేతికి రూ.4.2 లక్షల రూపాయలను అందించింది. అయితే ఈ మిషన్ బంగారం క్వాలిటీని చెక్ చేసి డబ్బులు చెల్లిస్తున్నట్లు తెలుస్తోంది. అంతేకాకుండా ఆ రోజు రేటు, బంగారం ప్యూరిటీని లెక్క కట్టి.. డబ్బులను అందించడం చూసి అందరూ ఆశ్చర్యపోతున్నారు. అయితే ఈ బంగారం రీసైకిలింగ్ చేసే మిషన్ డైరెక్ట్ డబ్బులు చేతికి అందించడం కాకుండా నేరుగా బ్యాంక్ ఖాతాలో జమ చేస్తోంది.
ఈ బంగారం రీసైక్లింగ్ చేసే యంత్రానికి సంబంధించిన వీడియో చైనా వ్యాప్తంగా వైరల్ అవడంతో చాలామంది స్థానికులు అక్కడికి చేరుకొని బంగారాన్ని రీసైక్లింగ్ చేసి డబ్బులు తీసుకుంటున్నారు. అయితే మరికొంతమందికి మాత్రం ఈ మిషన్ అసౌకర్యంగా అనిపించింది. ఈ మిషన్ అందించే లెక్కలు అప్పుడప్పుడు తప్పుడుగా వస్తున్నాయని.. టెక్నికల్ ప్రాబ్లం కారణంగా చాలామంది తక్కువ డబ్బులు పొందారని వాపోతున్నారు. ఈ వీడియోను X (గతంలో ట్విట్టర్) నుంచి సోషల్ మీడియాలో పోస్ట్ చేశారు. ఈ వీడియో చూసిన సోషల్ మీడియా వినియోగదారులు ఆశ్చర్యపోతున్నారు.
Also Read: King Cobra Laying Eggs Video: నోట్లో నుంచి గుడ్డు పెట్టిన పాము.. వీడియో చూస్తే షాక్ అవుతారు!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి
Dharmaraju Dhurishetty
జీ తెలుగు న్యూస్లో దురిశెట్టి ధర్మరాజు సబ్ ఎడిటర్గా విధులు నిర్వర్తిస్తున్నారు. ఆయనకి తెలుగు మీడియా రంగంలో దాదాపు నాలుగు సంవత్సరాల పాటు అనుభవం ఉంది. ఇక్కడ వివిధ అంశాలకు సంబంధించిన తాజా వార్తలను రాస్తారు.
...Read More
