)
King Cobra Goosebumps Video: పాములతో సాహసం చేసి వాటిని పట్టుకునే వారిని స్నేక్ క్యాచర్స్ గా పిలుస్తారు. వీరు అత్యంత ధైర్యవంతులుగా చెప్పొచ్చు. ప్రాణాలకు తెగించి మరి పాములను పట్టుకుని సురక్షితమైన ప్రదేశాలకు తరలించేందుకు క్రియాశీలక పాత్ర పోషిస్తున్నారు. భారతదేశంలో సహా అనేక దేశాల్లో ఇప్పటికీ ఈ వృత్తిని కొనసాగిస్తున్న వారున్నారు. ఈ వృత్తి తరతరాలుగా వస్తోంది. వీరు పాములను లొంగదీసుకోవడంలో దిట్టగా భావించవచ్చు. ఎంతటి విషపూరితమైన పాములైన వారికున్న నైపుణ్యాలతో వాటిని నియంత్రించి పట్టుకునే సామర్థ్యం కలిగి ఉంటారు. అంతేకాకుండా కొంతమంది నాగస్వరం తో కూడా వాటిని ఆకర్షించి పట్టుకునే ప్రత్యేకమైన వృత్తి నైపుణ్యం కలిగి ఉంటారు.
పాములు పట్టేవారు వన్యప్రాణి సంరక్షణ చట్టాల్లో భాగంగా కొన్ని దేశాల్లో నిషేధమైనప్పటికీ.. వారి వృత్తికి ఎంతో కొంత పేరు తీసుకురావాలని జనాభాసాల్లో సంచారం చేసే పాములను పట్టుకొని సురక్షితమైన ప్రదేశాల్లో వదిలిపెడుతున్నారు. అయితే ఇప్పుడు ఇంటర్నెట్లో ఎక్కువగా పాములకు సంబంధించిన వీడియోలే కనిపిస్తూ ఉంటున్నాయి. పాములు పట్టేవారు వాటిని పట్టుకుంటున్న సమయంలో చిత్రీకరించి పోస్ట్ చేస్తున్నారు. ఇలా కొన్ని రోజుల తర్వాత ఆ వీడియోలు ట్రెండింగ్ గా మారుతున్నాయి. తాజాగా ఓ వ్యక్తి పామును పట్టుకుంటున్న వీడియో సోషల్ మీడియాలో ప్రత్యక్షమైంది. ఇది ఇప్పుడు అందర్నీ ఆశ్చర్యానికి గురి చేసేలా చేస్తోంది.
వీడియో వివరాల్లోకి వెళ్తే.. ఓ వ్యక్తి అత్యంత ప్రమాదకరమైన కింగ్ కోబ్రా వెనక కూర్చుని ఉండడం మీరు గమనించవచ్చు. అయితే ఆ యువకుడు నెమ్మది నెమ్మదిగా ఆ కోబ్రాపై చేతులు వేస్తూ దానిని పట్టుకునేందుకు ప్రయత్నిస్తున్నాడు. ఇదే సమయంలో అతడు ముందుగా పాము మధ్య భాగంలో చేతులు వేసి పట్టుకున్నాడు. ఆ తర్వాత పాము తలకింది భాగంలో పట్టుకొని నెమ్మదిగా పైకి లేపేందుకు ప్రయత్నిస్తున్నాడు.
ఇలా ఆ పామును నెమ్మది నెమ్మదిగా పైకి లేపడం మీరు చూడొచ్చు. అయితే ఈ భారీ నాగుపాము దాదాపు 10 నుంచి 15 కిలోలు బరువు ఉండే అవకాశాలు ఉన్నట్లు సమాచారం. దీనికి సంబంధించిన వీడియో ఇప్పుడు ఇంస్టాగ్రామ్ లో వైరల్ గా మారింది. ఈ వీడియోను పోస్ట్ చేసి కొన్ని సంవత్సరాలు అయినప్పటికీ.. ఇప్పుడు వైరల్ అవుతోంది. ఇప్పటివరకు ఈ వీడియోను కొన్ని లక్షల మంది పైగా వీక్షించారు. అంతేకాకుండా 36000 మంది లైక్ చేశారు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండిTwitter, Facebook
