Ugadi Things Not To Do In Telugu: హిందువులు కొత్త సంవత్సరంగా భావించే ఉగాది పండగకి ప్రత్యేకమైన ప్రాముఖ్యత ఉంటుంది. ఈ పండగ రెండు రోజులకు ముందే చాలామంది ఇళ్లను శుభ్రం చేసుకుని తోరణాలను కట్టుకుంటూ ఉంటారు. ఉగాదికి ఒక రోజు ముందే కొంతమంది ప్రత్యేకమైన పూజలు కూడా నిర్వహిస్తూ ఉంటారు. హిందువులకు అతిపెద్ద పండగ అయినా ఉగాది రోజున షడ్రుచుల కలయికతో తయారుచేసిన పచ్చడిని తీసుకుంటూ ఉంటారు. అంతేకాకుండా ఇష్ట దైవానికి పూజలు చేస్తారు. ఈ సంవత్సరం ఉగాది పండుగ మార్చి 30వ తేదీన వచ్చింది. అయితే ఈ పండగ రోజున చాలామంది కొన్ని చేయకూడని పనులు కూడా చేస్తున్నారు. పురాణాల ప్రకారం చేయకూడని పనులు చేయడం వల్ల భవిష్యత్తులో అనేక రకాల దుష్ప్రభావాలకు దారి తీసే ఛాన్స్ కూడా ఉందట. అయితే ఉగాది పండుగ రోజున ఎలాంటి పనులు చేయకూడదు ఇప్పుడు తలుచుకుందాం..
ఉగాది పండగ రోజున ఈ పనులు అస్సలు చేయొద్దు:
నిరాశగా ఉండకూడదు:
హిందువులకు కొత్త సంవత్సరంగా భావించే ఉగాది పండుగ రోజు కొత్త సంవత్సరం ఆరంభం అవుతుంది.. కాబట్టి ఈరోజు నిరాశగా ప్రతికూల ఆలోచనలతో ఉండకపోవడం చాలా మంచిదని జ్యోతిష్యులు చెబుతున్నారు. సంవత్సరం ప్రారంభంలోనే నిరాశతో ఉంటే సంవత్సరం మొత్తం కూడా అలాగే ఉంటారని వారు అంటున్నారు. కాబట్టి ఎన్ని సమస్యలు ఉన్నప్పటికీ ఎలాంటి ప్రతికూల ఆలోచనలు లేకుండా నిరాశగా ఉండకుండా ఉండడం ఎంతో మంచిది..
అశుభం మాట్లాడకూడదు:
పండగ వాతావరణం లో ఇల్లు మొత్తం కళకళలాడుతున్నప్పుడు.. అశుభకరమైన మాటలను మాట్లాడకూడదని పురాణాల్లో తెలిపారు. ముఖ్యంగా ఉగాది పండగ రోజున ఎలాంటి దురదృష్టకరమైన విషయాల గురించి మాట్లాడటం మంచిది కాదని జ్యోతిష్యులు చెబుతున్నారు. పండగ రోజున మానసిక ప్రశాంతతతో సుఖసంతోషాల మధ్య ఇష్ట దైవానికి ప్రత్యేకమైన పూజలు నిర్వహించడం ఎంతో మంచిది.
తొందరపాటు పనులు చేయకూడదు:
చాలామంది ఉగాది పండుగను దృష్టిలో పెట్టుకొని ఇంట్లో హడావిడిగా పూజలు నిర్వహించడం, పచ్చళ్ళు చేయడం, పిండి వంటలు చేయడం వంటివి చేస్తూ ఉంటారు. నిజానికి ఉగాది పండుగ రోజున ఎలాంటి తొందరపాటు పనులు చేయకూడదని జ్యోతిష్యులు చెబుతున్నారు. ఆందోళన లేకుండా ప్రశాంతమైన వాతావరణంలో ఉగాది పండగ జరుపుకోవడం ఎంతో మేలని.. కొత్త సంవత్సరం రోజు ప్రశాంతంగా ఉండడం వల్ల ఏడాది మొత్తం ఇలాగే ఉంటారని వారు అంటున్నారు.
ఇతరులతో గొడవ పడకూడదు:
ఉగాది పండగ రోజున మంచి మాటలతో ప్రశాంతంగా ఉండడం చాలా మంచిది. అయితే చాలామంది ఈరోజు ఇతరులతో గొడవలు పడుతూ ఉంటారు. కొంతమంది అయితే ఎక్కువగా వాదనలకు దిగుతూ ఉంటారు. నిజానికి ఉగాది పండగ రోజున ఇతరులతో గొడవ పడడం అస్సలు మంచిది కాదని పురాణాల్లో తెలిపారు. కొత్త సంవత్సరం రోజు ఇతరులతో గొడవలు పడడం వల్ల ఏడాది మొత్తం ఇలాగే జరుగుతుందని.. శత్రువుల సంఖ్య కూడా పెరుగుతూ వస్తుందని జ్యోతిష్యులు తెలుపుతున్నారు.
ఆలస్యంగా నిద్రలేవకూడదు:
ఉగాది పండగ రోజున శుభ సమయంలో నిద్ర లేవడం చాలా మంచిదని పురాణాల్లో తెలిపారు. ఈ కొత్త సంవత్సరం రోజున తెల్లవారుజామున ఉదయం నాలుగు గంటలకే నిద్రలేచి నది స్నానం ఆచరించడం చాలా మంచిదని జ్యోతిష్యులు తెలుపుతున్నారు. అంతేకాకుండా నిద్రలేచిన వెంటనే ఇంటిని కూడా శుభ్రం చేసుకోవాలని వారి సూచిస్తున్నారు. ఇలా చేయడం వల్ల పండగ పూట ఇంట్లోకి లక్ష్మీదేవి ప్రవేశిస్తుందని ఒక నమ్మకం..
పితృదేవతలను మరవకూడదు:
ఉగాది పండగ రోజున అందరు దేవతలతో పాటు పితృదేవతలను కూడా స్మరించుకోవడం మానవాహితీగ వస్తోందని జ్యోతిష్యులు చెబుతున్నారు. కాబట్టి ప్రత్యేకమైన పూజా కార్యక్రమంలో భాగంగా పితృదేవతలను స్మరించుకోవాల్సి ఉంటుంది. ఇలా చేయడం వల్ల ఏవైనా దోషాలు ఉంటే తొలగిపోతాయని వారంటున్నారు. ప్రత్యేకమైన పూజా సమయాల్లో ఆహారం తినకపోవడం కూడా మంచిదని చెబుతున్నారు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండిTwitter, Facebook
)