 "Tree Wedding: సకల దోషాలకు నివారణ.. రావిచెట్టు, వేప చెట్టుకు పెళ్లి చేయాల్సిందే!")
)
Shani Dosha Nivrana: శ్రావణమాసం అత్యంత పవిత్రమైనది. శ్రావణమాసంలో మహిళలు అత్యంత భక్తి శ్రద్ధలతో వ్రతాలు.. పూజలు ఉపవాస దీక్షలు ఆచరించే ప్రారంభమైంది. ఈ మాసంలో పూజలు చేస్తే సకల దోషాలు తొలగి శుభాలు జరుగుతాయి. ఈ పవిత్ర మాసంలో వరలక్ష్మి వ్రతం చేస్తారు. దీంతోపాటు మరి ముఖ్యమైనది చెట్టుకు పెళ్లి చేస్తారు. చెట్టుకు పెళ్లి చేస్తే శని దోషంతోపాటు సకల దోషాలు తొలగిపోతాయి. శ్రావణమాసం పురస్కరించుకుని ఏయే చెట్టుకు పూజ చేయాలో.. ఎలా చేయాలో తెలుసుకుందాం.
గద్వాల జిల్లాలో వివాహం
శ్రావణమాసం పురస్కరించుకుని జోగులాంబ గద్వాల జిల్లాలో వేపచెట్టుకు రావిచెట్టుకు పెళ్లి జరిగింది. ఆ విశేషాలు ఇలా ఉన్నాయి. మానవపాడు మండలంలోని చెన్నిపాడు గ్రామంలో మంగళవారం వేప వృక్షానికి రావి చెట్టుకు గ్రామస్తులు ఘనంగా పెళ్లి చేశారు. వివాహం చేస్తే గ్రామంలో అన్ని శుభాలు జరుగుతాయని గ్రామస్తులు నమ్మకం. గ్రామంలో పెళ్లి కాని యువతీ, యువకులు రావి, వేప చెట్లకు పూజలు చేసి ప్రదక్షిణలు చేస్తే తొందరగా వారికి వివాహం అవుతుందని గ్రామస్తుల విశ్వాసం. ఈ రెండూ చెట్లకు వివాహం చేస్తే సంతానం లేని వారికి సంతాన ప్రాప్తి కూడా కలుగుతుందని భక్తుల విశ్వాసం. గ్రామాల్లో కరువు ఛాయలు అలముకునే సమయంలో కూడా గ్రామంతో పాటు లోక కల్యాణార్థం ఇలాంటి వివాహాలను చేస్తుంటారని గ్రామస్తులు తెలిపారు.
నమ్మకం
రావి, వేప చెట్టులను లక్ష్మీనారాయణ స్వరూపంగా భావిస్తారు. ఈ దేవతా వృక్షాలను పూజించడంతో జీవితంలోని సకల దోషాలు తొలగిపోతాయని భక్తుల విశ్వాసం. రెండు చెట్లకు వివాహం జరిపించడంతో సకల శుభాలు కలుతాయని నమ్ముతారు. ఈ కారణంగా పవిత్రమైన శ్రావణమాసంలో రావిచెట్టుకు, వేపచెట్టుకు వివాహం జరిపిస్తారు.
పురాణాల ప్రకారం..
స్కంద పురాణం ప్రకారం రావి చెట్టు వేర్లలో విష్ణు భగవానుడు, చెట్టు కాండంలో శివుడు, చెట్టు కొమ్మల్లో నారాయణుడు, ఆకులలో హరి, చెట్టు కాయల్లో సకల దేవతలు కొలువై ఉంటారు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebookసోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి.
