Heinrich Klaasen Retirement: దక్షిణాఫ్రికా వికెట్ కీపర్, స్టార్ బ్యాట్స్మెన్ హెన్రిచ్ క్లాసెన్ సంచలన నిర్ణయం తీసుకున్నాడు. అంతర్జాతీయ క్రికెట్ నుంచి రిటైర్ అవుతున్నట్లు ప్రకటించాడు. రిటైర్మెంట్ నిర్ణయాన్ని సోషల్ మీడియా ద్వారా వెల్లడించాడు. "నేను అంతర్జాతీయ క్రికెట్ నుంచి వైదొలగాలని నిర్ణయించుకున్నట్లు ప్రకటించడం నాకు విచారకరమైన రోజు. నాకు, నా కుటుంబానికి భవిష్యత్కు ఏది ఉత్తమమో నిర్ణయించుకోవడానికి నాకు చాలా సమయం పట్టింది" అంటూ రాసుకొచ్చాడు. 33 ఏళ్ల వయసులోనే క్లాసెన్ రిటైర్మెంట్ ప్రకటించడం ఫ్యాన్స్ను షాక్కు గురిచేసింది. ఐపీఎల్లో సన్రైజర్స్ హైదరాబాద్ టీమ్కు క్లాసెన్ ప్రాతినిథ్యం వహిస్తున్నాడు.
దక్షిణాఫ్రికా తరుఫున 4 టెస్ట్ మ్యాచ్లు ఆడిన క్లాసెన్.. 104 పరుగులు చేశాడు. 60 వన్డేలు ఆడగా.. 2141 పరుగులు, 58 టీ20 మ్యాచ్ల్లో 1000 పరుగులు చేశాడు. గత టీ20 ప్రపంచకప్ ఫైనల్లో భారత్పై క్లాసెన్ మెరుపు హాఫ్ సెంచరీతో భయపెట్టాడు. క్లాసెన్ క్రీజ్లో ఉన్నంతసేపు మ్యాచ్ సౌతాఫ్రికా చేతుల్లోనే ఉంది. క్లాసెన్ ఔట్ అయిన తరువాత భారత్ పుంజుకుని.. సఫారీ టీమ్ను ఓడించి టీ20 కప్ను ముద్దాడింది. ఇక అంతర్జాతీయ క్రికెట్కు వీడ్కోలు పలికినా.. ఐపీఎల్లో క్లాసెన్ ఆడే అవకాశం ఉంది. ఐపీఎల్పై ఎలాంటి ప్రకటన చేయలేదు. మెగా వేలానికి ముందు క్లాసెన్ను రూ.23 కోట్లకు సన్రైజర్స్ అట్టిపెట్టుకుంది. ఈ సీజన్లో కొన్ని మెరుపులతో క్లాసెన్ దుమ్ములేపాడు. చివరి మ్యాచ్లో కేకేఆర్పై సూపర్ సెంచరీతో టీమ్కు ఘనమైన ముగింపునిచ్చారు. సలార్లో బాగా ఫేమస్ అయిన కాటేరమ్మ కొడుకు డైలాగ్తో క్లాసెన్ను అభిమానులు పిలుచుకుంటారు.
)