 "GT vs PBKS Highlights: పంజాబ్ చేతిలో గుజరాత్కు పరాభవం.. శ్రేయస్ అయ్యర్ సెంచరీ మిస్")
IPL 2025 GT vs PBKS Highlights: సొంత గడ్డపై జరిగిన తొలి మ్యాచ్లో గుజరాత్ టైటాన్స్కు షాక్ తగిలింది. పంజాబ్ కింగ్స్తో జరిగిన మ్యాచ్లో గుజరాత్ ఓటమిపాలైంది. శ్రేయస్ అయ్యర్ వీరోచిత బ్యాటింగ్కు తోడు.. బౌలర్లు పదునైన బౌలింగ్తో పంజాబ్ విజయం సాధించింది. గెలుపు కోసం సాయి కిశోర్ తీవ్రంగా శ్రమించినా అతడి పోరాటం వృథా అయ్యింది. ఫలితంగా 11 పరుగుల తేడాతో గుజరాత్ పై పంజాబ్ మ్యాచ్ను సొంతం చేసుకుంది.
అహ్మదాబాద్ స్టేడియం వేదికగా మంగళవారం పంజాబ్ కింగ్స్ వర్సెస్ గుజరాత్ టైటాన్స్ మధ్య మ్యాచ్ జరిగింది. టాస్ ఓడి తొలుత బ్యాటింగ్ చేసిన పంజాబ్ కింగ్స్ నిర్ణీత 20 ఓవర్లకు 5 వికెట్లు కోల్పోయి 243 పరుగులు చేసింది. కెప్టెన్ శ్రేయస్ అయ్యర్ 42 బంతుల్లో 97 పరుగులు చేసి తృటిలో శతకాన్ని చేజార్చుకున్నాడు. సిక్సర్లతో శ్రేయస్ విరుచుకుపడ్డాడు. ఐదు ఫోర్లు బాదగా.. 9 సిక్సర్లు బాది గ్రౌండ్ మొత్తం ఆడేసుకున్నాడు. బంతులు ముగియడంతో నాటౌట్ గా వెనుదిరిగాడు. ప్రియాంశ్ ఆర్య 47 పరుగులు చేసి సత్తా చాటగా.. శశాంక్ సింగ్ 44 పరుగులు చేశాడు. మొదట భారీగా పరుగులు చేసిన పంజాబ్.. తర్వాత నెమ్మదించింది. ఆఖరులో పంజాబ్ బౌలర్లు పంజాబ్ స్కోర్ బోర్డుకు అడ్డుకట్ట వేశారు. బౌలింగ్లో సాయి కిశోర్ 3 కీలక వికట్లు తీశాడు. కగిసో రబడా, రషీద్ ఖాన్ ఒక్కో వికెట్ పడగొట్టారు.
మోస్తరు లక్ష్యం 244 ఛేదించేందుకు బరిలోకి దిగిన గుజరాత్ టైటాన్స్ ఓవర్లు పూర్తి చేసుకుని 11 పరుగుల దూరంలో నిలిచి విజయాన్ని అందుకోలేకపోయింది. యువ బ్యాటర్ సాయి సుదర్శన్ అద్భుతంగా ఆడి 41 బంతుల్లో 74 పరుగులు చేశాడు. జోస్ బట్లర్ 33 బంతుల్లో అర్థం సెంచరీ చేసుకోగా.. రూతర్ ఫోర్డ్ 46 పరుగులు చేశాడు. బ్యాటర్లు విధించిన లక్ష్యాన్ని పంజాబ్ కింగ్స్ బౌలర్లు కాపాడారు. అర్ష్దీప్ సింగ్ 2 వికెట్లు తీసి జట్టు విజయంలో కీలక పాత్ర పోషించాడు. గ్లెన్ మ్యాక్స్వెల్, మార్కో జాన్సెన్ తలా వికెట్ తీశారు. గెలుపుపై ఆశల్లో ఉన్న గుజరాత్ టైటాన్స్కు సొంత మైదానంలో తీవ్ర నిరాశ ఎదురైంది. కొత్త ఫ్రాంచైజీకి కెప్టెన్ గా.. బ్యాటర్ గా శ్రేయస్ అయ్యర్ విజయవంతమవడం క్రికెట్ అభిమానులు హర్షించే విషయం.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి
)