IPL 2025 RCB vs LSG: 65 రోజులుగా జరుగుతున్న ఐపీఎల్ 2025 చివరి దశలో ఇవాళ చివరి మ్యాచ్ లక్నో వేదికగా జరగనుంది. ఆర్సీబీ వర్సెస్ లక్నో సూపర్ జెయింట్స్ మధ్య జరగనున్న ఈ మ్యాచ్ ఆర్సీబీకు అత్యంత కీలకంగా మారింది. ఇప్పటికే ప్లే ఆఫ్కు చేరినప్పటికీ ఇవాళ గెలిస్తే టాప్ 2 లో చేరుతుంది. ప్రయోజనం పొందుతుంది.
టాప్ 2లో చేరేందుకు రాయల్ ఛాలెంజర్స్ బెంగళూరు, విజయంతో సీజన్ ముగించేందుకు లక్నో సూపర్ జెయింట్స్ ఇవాళ తలపడనున్నాయి. ఐపీఎల్ 2025 సీజన్ 18లో ప్లే ఆఫ్ నాలుగు జట్లు ఎప్పుడో ఖరారైనా ఇవాళ్టి మ్యాచ్కు ప్రాధాన్యత ఏర్పడింది. ఎందుకంటే ప్లే ఆఫ్లోని నాలుగు జట్లలో ఒకటైన ఆర్సీబీ టాప్ 2లో నిలిచేందుకు ఇదే చివరి అవకాశం. ప్రస్తుతం ఆర్సీబీ మూడో స్థానంలో ఉండగా ముంబై ఇండియన్స్ నాలుగో స్థానంలో ఉంది. 13 మ్యాచ్లు ఆడి 17 పాయింట్లతో ఉన్న ఆర్సీబీ చివరి మ్యాచ్ లక్నో సూపర్ జెయింట్స్పై గెలిస్తే 19 పాయింట్లతో గుజరాత్ టైటాన్స్ను వెనక్కి నెట్టి టాప్ 2లో చేరుతుంది.
టాప్ 2లో చేరిన జట్లకు ప్రయోజనాలు ఉన్నాయి. క్వాలిఫయర్ 1 లో గెలిస్తే నేరుగా ఫైనల్ చేరుతుంది. ఒకవేళ ఓడినా వెనక్కి వెళ్లదు. ఫైనల్ చేరేందుకు మరో అవకాశం ఉంటుంది. అందుకే టాప్ 2 అనేది ఐపీఎల్లో చాలా కీలకం. ప్రస్తుతం టాప్ 2లో పంజాబ్ కింగ్ లెవెన్, గుజరాత్ టైటాన్స్ ఉన్నాయి. పంజాబ్ కింగ్స్ లెవెన్ 19 పాయింట్లతో అగ్రస్థానం కైవసం చేసుకుంది. ముంబైని తన చివరి మ్యాచ్లో ఓడించడం ద్వారా అగ్రస్థానంలోకి దూసుకెళ్లింది. ఇక గుజరాత్ టైటాన్స్ 18 పాయింట్లతో రెండో స్థానంలో ఉంది. ఇప్పుడు ఆర్సీబీ విజయం సాధిస్తే 19 పాయింట్లతో రెండో స్థానాన్ని ఆక్రమిస్తుంది. గుజరాత్ మూడో స్థానానికి పడిపోతుంది.
రాయల్ ఛాలెంజర్స్ బెంగళూరులో ఓపెనర్లు ఫిల్ సాల్ట్, విరాట్ కోహ్లీ నిలబడితే చాలు ఇక మ్యాచ్ ఆర్సీబీ చేతికి వచ్చినట్టే. అదే సమయంలో మిడిల్ ఆర్డర్ బ్యాటర్లు రజత్ పాటిదార్, జితేష్ శర్మ, షెఫర్డ్, కృనాల్ పాండ్యా, టీమ్ డేవిడ్లు రాణించాల్సిన అవసరం ఉంది. ఇక లక్నో సూపర్ జెయింట్స్కు సొంత గడ్డపై జరుగుతున్న మ్యాచ్ కావడంతో కాస్త బలం ఉంటుంది. చివరి మ్యాచ్ కావడంతో విజయంతో సీజన్ ముగించాలనే ఆలోచనతో ఉంది.
లక్నో పిచ్ బ్యాటింగ్ అనుకూలమైంది. ఇక్కడ జరిగిన మూడు మ్యాచ్లలో 200 దాటి స్కోరు నమోదైంది. టాస్ గెలిచిన జట్టు ఫీల్డింగ్ ఎంచుకోవచ్చు. ఎలాంటి వర్షసూచన లేదు.
ఆర్సీబీ
రజత్ పాటిదార్, ఫిల్ సాల్ట్, విరాట్ కోహ్లి, మయాంక్, జితేష్ శర్మ, రొమారియో షెఫర్డ్, కృనాల్ పాండ్యా, టీమ్ డేవిడ్, భువనేశ్వర్, యశ్ దయాళ్, ఇన్గిడి
లక్నో సూపర్ జెయింట్స్
రిషభ్ పంత్, మార్క్రమ్, మిచెల్ మార్ష్, పూరన్, ఆయుష్ బదోని, అబ్దుల్ సమద్, హిమ్మత్ సింగ్, షాబాజ్ ఖాన్, ఆవేశ్ ఖాన్, ఆకాశ్ దీప్, విల్ రూర్కే
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి
)