CSK Captain MS Dhoni: వరుస వైఫల్యాలతో సతమతమవుతున్న చెన్నై సూపర్ కింగ్స్ జట్టు కీలక మార్పులు జరిగాయి. కెప్టెన్ రుతురాజ్ గైక్వాడ్ అర్ధాంతరంగా ఐపీఎల్ 2025 సీజన్ నుంచి వైదొలగడం జట్టుకు భారీ షాక్ ఇచ్చింది. మ్యాచ్లో గాయపడిన రుతురాజ్ ఇంకా కోలుకోలేదు. అతడి వైద్య చికిత్స.. విశ్రాంతికి వైద్యులు సిఫారసు చేయడంతో మొత్తం సీజన్ నుంచి ఫ్రాంచైజీ తప్పించినట్లు తెలుస్తోంది. అయితే అతడు వైదొలగడంతో జట్టుకు మంచే జరిగింది. రుతురాజ్ వైదొలగడంతో కెప్టెన్ బాధ్యతలను తిరిగి సీనియర్ ఆటగాడు మహేంద్ర సింగ్ ధోనీకి జట్టు యాజమాన్యం బాధ్యతలు అప్పగించింది. దీంతో చెన్నై అభిమానులు సంబరాల్లో మునిగారు.
కెప్టెన్గా కొనసాగుతున్న రుతురాజ్ గైక్వాడ్ మోచేయికి గాయమైంది. ఆ గాయం ఇంకా తగ్గకపోవడంతో వైద్యుల సలహా మేరకు అతడిని మొత్తం సీజన్ పక్కనపెట్టేశారు. గైక్వాడ్ స్థానంలో తిరిగి ధోనీ కెప్టెన్గా బాధ్యతలు చేపట్టనున్నాడు. ఈ ఐపీఎల్ సీజన్లో ఐదు మ్యాచ్లు ఆడిన చెన్నై సూపర్ కింగ్స్ తొలి మ్యాచ్లో విజయం సాధించింది. అనంతరం జరిగిన నాలుగు మ్యాచ్ల్లో ఘోరంగా ఓటమి పాలైంది. ప్రస్తుతం రెండు పాయింట్లతో పాయింట్ల పట్టికలో చివరి నుంచి రెండో స్థానంలో చెన్నై జట్టు నిలిచింది.
ఐపీఎల్ ప్రారంభం నుంచి మహేంద్ర సింగ్ ధోనీ చెన్నై సూపర్ కింగ్స్ జట్టుతో కొనసాగుతున్నారు. నాలుగు పదుల వయసు దాటినా కూడా ధోనీ కెప్టెన్సీ.. జట్టుకు చేసిన సేవలను గుర్తుంచుకుని ఫ్రాంచైజీ ఇంకా జట్టులో కొనసాగిస్తోంది. అయితే తాజా సీజన్లో జట్టు ఒక్క మ్యాచ్ మినహా వరుసగా నాలుగు ఓటములను చవిచూసింది. ఆడిన ఐదు మ్యాచ్ల్లో నాలుగింట పరాజయం పొంది అట్టడుగున నిలిచింది.
కాగితాలపై బలంగా ఉన్నా మైదానంలో చెన్నై సూపర్ కింగ్స్ బలహీనంగా కనిపిస్తోంది. బ్యాటింగ్, బౌలింగ్ ఇలా అన్ని రంగాల్లో ఆ జట్టు ఘోరంగా విఫలమవుతోంది. దీంతో చెన్నై అభిమానులు తీవ్ర నిరాశలో ఉన్నారు. ఈసారి ట్రోఫీ కాదు కదా కనీసం ప్లేఆఫ్స్ దశను దాటగలమా? అని సందేహం వ్యక్తం చేస్తున్నారు. గైక్వాడ్ తప్పుకోవడంతో కెప్టెన్గా ధోనీ తిరిగి బాధ్యతలు చేపట్టడంతో జట్టు ప్రదర్శన ఏమైనా మారుతుందా? తదుపరి మ్యాచ్లో జట్టు సంచలన ప్రదర్శన చేస్తుందా? అనేది ఉత్కంఠ నెలకొంది. మరి ఏం జరుగుతుందో చూడాలి.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
)