Whatsapp New Feature: ప్రైవసీకి కొత్త డోర్ తెరిచిన వాట్సాప్.. ఇకపై మీ ఫోన్‌లో అకౌంట్ లేకుండానే చాట్ చేయొచ్చట..! ఎలా అంటారా..?

WhatsApp Game-Changer: మనం మార్నింగ్ లేచిన దగ్గర నుండి నైట్ పడుకునే వరకు.. వాట్సాప్ మనందరి జీవితంలో  ఒక భాగమైపోయింది. స్మార్ట్‌ఫోన్ ఉన్నవారందరూ వాట్సాప్ వాడుతున్నారు. ఇప్పుడు వాట్సాప్ మరో కొత్త ఆలోచనతో ముందుకు వస్తోంది. అకౌంట్ లేకపోయినా కూడా ఎవరికైనా మెసెజ్ పంపే వీలు కల్పించాలని ప్రయత్నిస్తోంది. ఇది వినడానికి కొంచెం వింతగా అనిపించినా.. వాట్సాప్ ఈ సదుపాయాన్ని తీసుకురావడానికి పని చేస్తోంది.

ఏం ఫీచర్ రాబోతుంది..
WABetaInfo రిపోర్టు ప్రకారం గెస్ట్ చాట్స్ (Guest Chats) అనే కొత్త ఫీచర్ రాబోతుంది. ఇప్పటికే ఆండ్రాయిడ్ బీటా వెర్షన్ 2.25.22.13లో ఇది కనిపించింది. అయితే ఇది ఇంకా అభివృద్ధి చేసే స్టేజ్‌లోనే ఉన్నప్పటికీ.. రాబోయే కొన్ని రోజుల్లో ఈ టూల్ అందుబాటులోకి వచ్చే అవకాశం ఉంది. ఈ ఫీచర్‌తో వాట్సాప్ అకౌంట్ లేకపోయినా.. యాప్ ఇన్‌స్టాల్ చేయకపోయినా ఎవరితోనైనా సందేశాలు పంపొచ్చు. 

అసలు గెస్ట్ చాట్స్ అంటే..
ఈ గెస్ట్ చాట్స్ ఎలా పనిచేస్తాయంటే మీరు వాట్సాప్ అకౌంట్ లేని ఒక వ్యక్తికి లింక్ పంపితే.. సదరు వ్యక్తి వాట్సాప్ డౌన్‌లోడ్ చేయకుండానే  మీతో వెంటనే చాట్ చేయొచ్చు. దీని కోసం వారు గూగుల్‌లో  WhatsApp Webని ఓపెన్ చేసి.. మీతో చాట్ చేయవచ్చు. అకౌంట్ క్రియేట్ చేయాల్సిన అవసరం లేదు. ఈ చాట్‌లు పూర్తిగా సురక్షితంగా, ఎన్‌క్రిప్ట్ చేయబడి ఉంటాయి. అంటే  మీ సందేశాలు ఎవరూ చూడకుండా గోప్యంగా ఉంటాయి.

ఈ ఫీచర్‌లో ఉన్న ఆప్షన్స్ ఏంటి..
అయితే ఈ ఫీచర్‌లో కొన్ని పరిమితులు కూడా ఉన్నాయి. ప్రస్తుతానికి కేవలం టెక్స్ట్ మెసెజెస్ మాత్రమే పంపొచ్చు. ఫోటోలు, వీడియోలు, జీఐఎఫ్‌లు (GIF), వాయిస్ లేదా వీడియో మెసేజ్‌లు, ఫోన్ కాల్స్, గ్రూప్ చాట్స్ వంటివి ఈ ఫీచర్‌లో ఉండవు. ఈ కొత్త ఫీచర్ ఇప్పుడు ఆండ్రాయిడ్ బీటా వెర్షన్‌లో టెస్టింగ్‌లో ఉంది.ఈ గెస్ట్ చాట్స్ ఫీచర్ వాట్సాప్‌ను మరింత సులభంగా, అందరికీ అందుబాటులో ఉండేలా చేస్తుంది. అకౌంట్ లేని వారు కూడా వాట్సాప్‌లో చాట్ చేయడం ద్వారా కమ్యూనికేషన్ మరింత సులువవుతుంది. అయితే ఈ న్యూ ఫీచర్ ఆఫీషియల్ లాంచ్ డేట్ ఇంకా ఫైనల్ కాలేదు. 

Also Read: Nameless Station: భారతదేశంలో పేరు, చిరునామా లేని ఏకైక రైల్వే స్టేషన్ ఎక్కడుందో తెలుసా..?

Also Read: Empowering Women: మహిళలు ఆర్థికంగా నిలబడేందుకు ఏపీ సర్కార్ బంపర్ ఆఫర్.. నెలకు రూ.30వేల వరకు ఆదాయం..!  

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.Twitter, Facebook