Samsung Galaxy S25 Edge: ప్రముఖ స్మార్ట్ఫోన్ కంపెనీ సాంసంగ్ (Samsung) మార్కెట్లోకి అద్భుతమైన స్మార్ట్ఫోన్ విడుదల చేయబోతోంది. ఇప్పటికే ఈ మొబైల్కి సంబంధించిన ఫీచర్స్, స్పెషిఫికేషన్స్ లీక్ అయ్యాయి. దీనిని కంపెనీ సాంసంగ్ గెలాక్సీ ఎస్25 ఎడ్జ్ (Samsung Galaxy S25 Edge) పేరుతో లాంచ్ కాబోతోంది. ఇది ప్రీమియం ఫీచర్స్తో విడుదల కానుంది. అంతేకాకుండా శక్తివంతమైన కెమెరా సెటప్తో అందుబాటులోకి తీసుకు రానుంది. అయితే సోషల్ మీడియాలో లీక్ అయిన వివరాలేంటో పూర్తి వివరాలు ఇప్పుడు తెలుసుకుందాం.
ఈ గెలాక్సీ ఎస్25 ఎడ్జ్ (Samsung Galaxy S25 Edge) స్మార్ట్ఫోన్ను కంపెనీ ఏప్రిల్ 16న అందుబాటులోకి తీసుకు రాబోతున్నట్లు తెలుస్తోంది. దీంతో పాటు ప్రీమియం డిజైన్తో విడుదల కానుంది. అయితే దీనిపై కంపెనీ ఇప్పటికీ ఎలాంటి అధికారిక ప్రకటన చేయలేదు. త్వరలోనే ప్రకటించే అవకాశాలు ఉన్నాయని టెక్ నిపుణులు తెలుపుతున్నారు. కొరియన్ యూట్యూబర్ ది సిన్జా తెలిపిన వివరాల ప్రకారం, ఈ స్మార్ట్ఫోన్ అనేక రకాల శక్తివంతమైన ఫీచర్స్తో అందుబాటులోకి రాబోతోంది. ఇది హ్యాండ్సెట్ స్లిమ్ ప్రొఫైల్తో విడుదల కానుంది. దీని స్లిమ్నెస్ 5.84mmతో లాంచ్ చేయబోతోంది. ఇది Galaxy S25 అల్ట్రా స్మార్ట్ఫోన్ ప్రత్యేకమైన USB-C పోర్ట్తో పాటు మైక్రో సిమ్ స్లాట్ను కలిగి ఉంటుంది.
గెలాక్సీ ఎస్25 ఎడ్జ్ స్మార్ట్ఫోన్ టైటానియం జెట్ బ్లాక్ వేరియంట్లో లాంచ్ కానుంది. Galaxy S25 Edge (గెలాక్సీ ఎస్25 ఎడ్జ్) 162 గ్రాముల బరువుతో అందుబాటులోకి రానుంది. ఈ మొబైల్ త్వరలోనే విడుదల కాబోయే ఐఫోన్ 17 కంటే అద్భుతమైన డిజైన్ను కలిగి ఉంటుంది. ఈ స్మార్ట్ఫోన్ క్వాల్కమ్ స్నాప్డ్రాగన్ 8 ఎలైట్ చిప్సెట్తో లాంచ్ కానుంది. దీంతో పాటు అత్యంత శక్తివంతమైన 3,900mAh బ్యాటరీతో విడుదల కాబోతోందని సమాచారం. ఇది బ్లూటూత్ 5.4 సపోర్ట్ను కూడా కలిగి ఉంటుంది.
ఇక ఈ స్మార్ట్ఫోన్కి సంబంధించిన కెమెరా వివరాల్లోకి వెళితే.. దీని బ్యాక్లో డ్యూయల్-లెన్స్ సెటప్ను కలిగి ఉంటుంది. ఇందులోని ప్రధాన కెమెరా 200-మెగాపిక్సెల్ ప్రైమరీ సెన్సార్ను కలిగి ఉంటుంది. దీంతో పాటు అల్ట్రా-డిటైల్డ్ షాట్లను కూడా అందిస్తుంది. అలాగే ప్రీమియం 50-మెగాపిక్సెల్ అల్ట్రా-వైడ్ లెన్స్ కెమెరాను కూడా అందిస్తోంది. ఇక ఇందులో కంపెనీ ఫ్రంట్ భాగంలో 12-మెగాపిక్సెల్ సెల్ఫీ కెమెరాను అందిస్తుంది. ఇక ఈ మొబైల్కి సంబంధించిన ధర వివరాల్లోకి వెళితే.. గెలాక్సీ ఎస్ 25 ఎడ్జ్ 12 జీబీ ర్యామ్ కలిగిన వేరియంట్ ధర రూ.1,13,660 ఉండబోతున్నట్లు తెలుస్తోంది. ఇక రెండవ వేరియంట్ రూ.1,23,132 ఉండబోతోంది.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండిTwitter, Facebook
)