DK Aruna: 'ఎన్నికల్లో ఇచ్చిన 420 హమీలను అమలు చేయడంలో రేవంత్‌ రెడ్డి విఫలం'

Revanth Reddy 420 Promises Fails Says DK Aruna In Kamareddy Campaign: ఎన్నికల సందర్భంగా ఇచ్చిన 420 హామీల అమలులో రేవంత్‌ రెడ్డి విఫలమయ్యారని.. ప్రజలందరినీ మోసం చేశారని ఎంపీ డీకే అరుణ మండిపడ్డారు. తెలంగాణలో బీజేపీ ప్రత్యామ్నాయం అని ప్రకటించారు.

Revanth Reddy 420 Promises: ఎన్నో హామీలు ఇచ్చి అధికారంలోకి వచ్చిన కాంగ్రెస్‌ పార్టీ ప్రభుత్వం, రేవంత్‌ రెడ్డి విఫలమయ్యారని.. 420 హామీలు నెరవేర్చలేదని బీజేపీ మహబూబ్‌నగర్‌ ఎంపీ డీకే అరుణ విమర్శించారు. కేసీఆర్‌ను మించి రేవంత్‌ రెడ్డి అప్పులు చేస్తున్నారని మండిపడ్డారు. అనుభవం లేని పరిపాలన రేవంత్‌ రెడ్డిది అని అభివర్ణించారు. తెలంగాణలో అధికారంలోకి వచ్చేది బీజేపీనేనని ఎంపీ డీకే అరుణ ధీమా వ్యక్తం చేశారు.

Add Zee News as a Preferred Source

పట్టభద్రుల, టీచర్స్ ఎమ్మెల్సీ ఎన్నికల ప్రచారంలో సోమవారం మహబూబ్‌నగర్‌ ఎంపీ డీకే అరుణ పాల్గొన్నారు. ఈ సందర్భంగా కామారెడ్డి జిల్లాలో పర్యటించిన ఎంపీ అరుణ బీజేపీ కార్యాలయంలో ఏర్పాటుచేసిన విలేకరుల సమావేశంలో మాట్లాడారు. ఈ సందర్భంగా కాంగ్రెస్‌ ప్రభుత్వ పాలనపై తీవ్ర విమర్శలు చేసిన ఆమె రాబోయే ఎన్నికల్లో బీజేపీని గెలిపించారని విజ్ఞప్తి చేశారు. ఎమ్మెల్సీ ఎన్నికల్లో బీజేపీ అభ్యర్థులను గెలిపించాలని ఓటర్లకు సూచించారు.

కాంగ్రెస్ పార్టీ ప్రజలను మోసం చేసిందని బీజేపీ జాతీయ ఉపాధ్యక్షురాలు, ఎంపీ డీకే అరుణ విమర్శించారు. ఇప్పటివరకు పెండింగ్‌లో ఉన్న 5 డీఏలను రాష్ట్ర ప్రభుత్వం అమలు చేయలేదని గుర్తుచేశారు. ప్రజలకు ఇచ్చిన 420 హమీలను అమలు చేయడంలో రేవంత్‌ రెడ్డి ప్రభుత్వం పూర్తిగా విఫలమైందని తెలిపారు‌. కానీ కేంద్ర ప్రభుత్వం పేదలకు.. మధ్య తరగతి ప్రజలకు భారీగా ప్రయోజనం అందించిందని వివరించారు. ఎవరూ ఊహించని విధంగా మధ్యతరగతి వారికోసం అదాయ పన్నులో ప్రధాని మోదీ మినహాయింపు ఇచ్చారని ఎంపీ అరుణ చెప్పారు.

తెలంగాణలో త్వరలో జరిగే ఎన్నికల్లో బీజేపీ జెండా ఎగురవేయడం ఖాయమని ఎంపీ అరుణ ధీమా వ్యక్తం చేశారు. ఎస్‌ఎల్‌బీసీలో చిక్కుకున్న ఉద్యోగుల గురించి పట్టించుకోకుండా రేవంత్ రెడ్డి ఎన్నికల ప్రచారంలో పాల్గొనడం సిగ్గుచేటని విమర్శించారు. రాష్టంలో అమలు అవుతున్న ప్రతి పథకంలో కేంద్ర ప్రభుత్వం వాటా ఉందని గుర్తుచేశారు.

ఎమ్మెల్సీ ఎన్నికల ప్రచారంలో భాగంగా ఈ రోజు కామారెడ్డి బీజేపీ కార్యాలయంలో విలేఖరుల సమావేశంలో పాల్గొనడం జరిగింది. #DKAruna #MPDKAruna #DKArunaPressMeet #mlcelections2025 #TelanganaMLCElections #kamareddy #MahbubnagarParliament #Telangana #BJPTelangana pic.twitter.com/h0R1YIpIEM

— D K Aruna (@Aruna_DK) February 24, 2025

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.