 "Harish Rao: హరీష్ రావు ఇంట తీవ్ర విషాదం.. మాజీ మంత్రి, బీఆర్ఎస్ కీలక నేతకు పితృవియోగం..")
)
Harish Rao Father Expired: బీఆర్ఎస్ కీలక నేత.. మాజీ మంత్రి తన్నీరు హరీష్ రావు ఇంట్లో తీవ్రవిషాదం నెలకొంది. ఆయనకు పితృవియోగం కలిగింది. తన్నీరు హరీష్ రావు తండ్రి అయిన తన్నీరు సత్యనారాయణ రావు ఈరోజు ఉదయం వృద్ధాప్య సమస్యలతో తెల్లవారుజామున తుది శ్వాస విడిచారు. ఇక ఆయన మృతి పట్ల కేసీఆర్, కేటీఆర్ తదితరు కీలక బీఆర్ఎస్ నేతలు కూడ దిగ్భ్రాంతి వ్యక్తం చేశారు. పలువురు రాజకీయ నేతలు కూడా బీఆర్ఎస్ కీలక నేత తండ్రి భౌతిక కాయన్ని సందర్శించి నివాళులు కూడా అర్పిస్తున్నారు.
హైదరాబాద్లోని క్రిన్స్ విల్లాస్లో పార్థివదేహాన్ని ఉంచారు. ఫిలింనగర్ మహాప్రస్థానంలో ఈరోజు ఆయన అంతక్రియలు జరగనున్నాయి. ఇక బీఆర్ఎస్ ప్రభుత్వం ఎక్స్ వైదికగా ఆయన మృతికి సంతాపం తెలియజేసింది. తెలంగాణ సీఎం రేవంత్ రెడ్డి, పొన్నం ప్రభాకర్ కూడా తన్నీరు సత్యనారాయణ మృతికి సంతాపం తెలియజేశారు మాజీ మంత్రి ప్రస్తుతం సిద్దిపేట బీఆర్ఎస్ ఎమ్మెల్యేగా ఉన్న తన్నీరు హరీష్ రావు తండ్రి మరణ వార్త వినగానే పార్టీ నాయకులతో పాటు కార్యకర్తలు కూడా తీవ్ర విషాదంతో మునిగిపోయారు.
ఒక హరీష్ రావు తండ్రి మృతికి సంతాపంగాను జాగృతి అధ్యక్షురాలు కల్వకుంట్ల కవిత కూడా సంతాపం ప్రకటన విడుదల చేశారు. ఆయన ఆత్మకు శాంతి చేకూరాలని భగవంతుని ప్రార్థిస్తున్నా అని ఆమె సంతాపం తెలియజేశారు. అంతకుముందే కేసీఆర్ కూడా హరీష్ రావు పితృ వియోగానికి సంతాపం తెలియజేశారు. ఇక కరీంనగర్ జిల్లాలోని కొత్తపల్లికి చెందిన తన్నీరు సత్యనారాయణ గ్రామానికి కూడా మంచి పేరు తీసుకువచ్చిన వ్యక్తి. ఈ నేపథ్యంలో ఆయన మరణ వార్త వినగానే గ్రామంలో కూడా విషాద ఛాయలు అలుముకున్నాయి.
హరీష్ రావు తల్లి పేరు లక్ష్మీబాయి, తండ్రి సత్యనారాయణ. ఆయన సిద్దిపేటలోని చింతమడక గ్రామంలో జన్మించారు. హరీష్ రావు స్వయానా కేసీఆర్ మేనల్లుడు. ఆయనకు భార్య శ్రీనిత కుమారుడు, ఓ కుమార్తె కూడా ఉన్నారు. 2004లో తొలిసారిగా సిద్దిపేట శాసనసభ నియోజకవర్గం నుంచి ఆయన ఎన్నికయ్యారు. అప్పటినుంచి ఆయన రికార్డులు బ్రేక్ చేస్తూ వరుసగా గెలుపొందుతున్నారు. హరీష్ రావు 2014 జూన్ 2న శాఖ నీటిపారుదల శాఖ మంత్రిగా కూడా ప్రమాణ స్వీకారం చేశారు. ఆయన హయాంలోనే మిషన్ కాకతీయ కూడా ప్రారంభం అయింది.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి
