 "BAC Meeting: అసెంబ్లీలో బార్స్.. వైన్స్.. బెల్ట్షాపులపై చర్చించాలి")
Telangana BAC Meeting: అసెంబ్లీ సమావేశాల నిర్వహణపై బీఆర్ఎస్ పార్టీ కీలక డిమాండ్లు చేసింది. వీలైనన్ని ఎక్కువ రోజులు సభా సమావేశాలు కొనసాగాలని.. రాష్ట్రంలోని కీలక సమస్యలను చర్చించాలని ఆ పార్టీ డిమాండ్ చేసింది. బీఏసీ సమావేశం తర్వాత బీఆర్ఎస్ పార్టీ సీనియర్ నాయకులు, మాజీ మంత్రి హరీశ్ రావు చిట్చాట్ చేశారు. ఈ సందర్భంగా కీలక అంశాలపై స్పందిస్తూ ఆసక్తికర వ్యాఖ్యలు చేశారు. కనీసం 20 రోజులు అసెంబ్లీ నడపాలని బీఏసీలో డిమాండ్ చేశారు.
'ప్రశ్న పత్రాలు లీక్ అయినట్లు.. అసెంబ్లీ బిజినెస్ ముందే లీక్ అవడంపై అభ్యంతరం తెలిపాం. ప్రతిపక్షాలకు మైక్ ఇవ్వొద్దని సీఎం స్వయంగా స్పీకర్ను బుల్డోజ్ చేస్తున్న విషయాన్ని బీఏసీలో లేవనెత్తాం. సంఖ్య బలాన్ని బట్టి బీఆర్ఎస్ పార్టీకి సభలో సమయం ఇవ్వాలని కోరాం' అని మాజీ మంత్రి హరీశ్ రావు తెలిపారు. 'రైతుల సమస్యలు, తాగు, సాగునీటి సమస్యలపై చర్చించాలని కోరాం. వివిధ ప్రాజక్టులు కూలిపోవటంపై అసెంబ్లీలో చర్చించాలి' అని బీఏసీలో డిమాండ్ చేసినట్లు హరీశ్ రావు వివరించారు.
'మంత్రులు సభకు ప్రిపేర్ అయ్యి రావాలని కోరాం. అసెంబ్లీ నియోజకవర్గాల అభివృద్ధికి స్పీకర్ చొరవ తీసుకుని నిధులు ఇప్పించాలని విజ్ఞప్తి చేశాం. నదీ జలాల వినియోగంలో రాష్ట్ర ప్రభుత్వం విఫలమైందని బీఏసీలో చెప్పాం. ఏపీ నీళ్లు తరలించుకుపోతుంటే రాష్ట్ర ప్రభుత్వం చోద్యం చూసింది' అని బీఆర్ఎస్ పార్టీ సీనియర్ నాయకుడు హరీశ్ రావు తెలిపారు. బిల్లులు చెల్లింపుకు 20 శాతం కమిషన్ విషయాన్ని అసెంబ్లీలో చర్చించాలని కోరినట్లు చెప్పారు.
'ఆరు గ్యారంటీలు అమలు చేయకపోవటం చర్చించాలి. బార్స్, వైన్స్, బెల్ట్ షాపులు పెంచడంపై చర్చకు తీసుకురావాలి. ఎల్ఆర్ఎస్ ఉచిత హామీపై చర్చ జరపాలని డిమాండ్ చేశాం. కాళేశ్వరం ప్రాజెక్టును కూలిన పిల్లర్ ను కావాలనే నిర్లక్ష్యం చేస్తున్నారని బీఏసీలో చెప్పాం. నిరుద్యోగభృతి, జాబ్ క్యాలెండర్ పై అసెంబ్లీలో చర్చించాలి' అని బీఆర్ఎస్లో పట్టుబట్టినట్లు మాజీ మంత్రి హరీశ్ రావు చిట్చాట్లో వెల్లడించారు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి Twitter, Facebook
)