Hyderabad Rain: హైదరాబాద్ లో కుండపోత వాన.. అత్యధిక వర్షపాతం ఎక్కడంటే..

Hyderabad Rain Fall: తెలంగాణలో భారీ వర్షాలు కురిసాయి. ముఖ్యంగా గ్రేటర్ హైదరాబాద్ లో ఆకాశానికి చిల్లు పడిందా అనే రేంజ్ లో వర్షం బీభత్సం సృష్టించింది. భారీ వర్షాలకు రోడ్లన్ని జలమయం అయ్యాయి. దీంతో వాహన రాకపోకలకు తీవ్ర అంతరాయం కలిగింది. హైదరాబాద్ లోని పలు ప్రాంతాల్లో కిలోమీటర్ దూరం ప్రయాణించడానికి గంటకు పైగా సమయం పట్టింది. వాహనాలన్ని ఎక్కడక్కడే ఆగిపోయాయి. సరిగ్గా ఆఫీసులకు ఒదిలే సమయం కావడంతో ఉద్యోగులు, విద్యార్ధులు, ఇతర ఉపాధి పనుల కోసం హైదరాబాద్ కు వచ్చిన వారు వర్షంలో చిక్కుపడి పోయారు. కొన్ని చోట్ల నీళ్లు రోడ్లపై నిలిచిపోయి కాలువలను తలపించాయి. అటు మెట్రో రైళ్లన్ని కిటకిటలాడాయి. గత వారం రోజులుగా పొడిగా వాతావరణం ఒక్కసారిగా మారిపోయింది. దీంతో మధ్యాహ్నం మూడు గంటల నుంచి సాయంత్రం దాదాపు మూడు గంటల పాటు కురిసిన వర్షానికి నగరం చిగురుటాకులా ఒణికిపోయింది. అత్యధికంగా కుత్భుల్లాపూర్ లో 15.15 సెం.మీ వర్షపాతం నమోదు అయింది. బంజరాహిల్స్ లో 12.4 సెంటీమీటర్ల వర్షపాతం నమోదు అయినట్టు వాతావరణ శాఖ తెలిపింది.

నగరంలో కురిసిన భారీ వర్షాలకు నాలా కెపాసిటీ సరిపోక రోడ్డుపైకి వరద నీరు చేరింది. లోతట్టు ప్రాంతాల్లోని ఇళ్లలో మోకాలు లోతు నీళ్లు చేరాయి. దీంతో ఇంట్లో బియ్యం, నిత్యావసర సరుకులు పూర్తిగా తడిసిపోయాయి. దీంతో ప్రభుత్వ సహాయం కోసం ఎదురు చూస్తున్నారు.   హైద‌రాబాద్‌తో పాటు రాష్ట్రంలో కురుస్తున్న భారీ వర్షాలతో ప్రభుత్వం అలర్ట్‌ అయ్యింది. 
రాష్ట్రంలో భారీ వర్షాల నేపథ్యంలో అన్ని జిల్లాల కలెక్టర్లు, అన్ని శాఖ‌ల అధికారులు అప్రమత్తంగా ఉండాలని సీఎం రేవంత్ రెడ్డి ఆదేశాలు జారీ చేశారు. రాష్ట్ర సచివాల‌యంలో ఉన్నతాధికారుల‌తో సీఎం  వర్షాలపై సమీక్ష నిర్వహించారు.  భారీ వర్షాలు కురిసిన ప్రాంతాల్లో ప్రజలకు ఇబ్బంది లేకుండా అన్ని విభాగాలు సమన్వయంతో పని చేయాలన్నారు.  లోతట్టు ప్రాంతాల్లో తగిన సహాయక చర్యలు చేపట్టాలని ఆదేశించారు.

జీహెచ్ఎంసీతో పాటు రాష్ట్ర వ్యాప్తంగా వరద నీటి ఉద్ధృతి ఉన్న ప్రాంతాల్లో ప్రజలను అప్రమత్తం చేయాలని అధికారుల‌కు సూచించారు. రానున్న రెండు మూడు రోజులు వ‌ర్షాలు ఉంటాయ‌నే స‌మాచారం ఉన్నందున కలెక్టర్లు జిల్లాల్లోని అన్ని విభాగాలతో ఎప్పటికప్పుడు పరిస్థితిని సమీక్షించాలని ఆదేశించారు. ఎక్కడా ఆస్తి, ప్రాణ నష్టం లేకుండా అన్ని జాగ్రత్తలు తీసుకోవాలని, ఉన్నతాధికారులు జాగ్రత్తలు తీసుకోవాలని సూచించారు. 

ఇదీ చదవండి: కూలీ’ కంటే ముందు రజినీ, నాగ్ కాంబినేషన్ లో భారీ మల్టీస్టారర్ మూవీ.. పోస్టర్ ఖర్చులు కూడా రాలేదు..

ఇదీ చదవండి: అప్పట్లో బి సరోజా దేవి.. ఇప్పట్లో సమంత ఆ అవమానాన్ని ఎదుర్కొన్నవారే..

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

Twitter, Facebookసోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.