Indiramma Illu: ఇందిరమ్మ ఇల్లు విషయంలో ప్రభుత్వం పెద్ద మెలిక పెట్టింది. అంతేకాదు సొంతంగా స్థలం ఉన్నవారు సరైన అవగాహన లేక.. ఉన్నంత స్థలంలో ఇల్లు కట్టుకుంటున్న లబ్ధిదారులకు ఇది పెద్ద షాక్గా మారుతోంది. లభిదారులకు అధికారులు ముందుగా ఇంటి నిర్మాణంపై స్పష్టమైన అవగాహన కల్పించకపోవడంతోనే ఈ సమస్య తలెత్తుతోందని బాధితులు గగ్గోలు పెడుతున్నారు.
ప్రభుత్వం మొదట్లో చెప్పిన దాని ప్రకారం.. సొంత జాగా ఉన్న పేదవారు 400 నుంచి 600 చదరపు అడుగుల విస్తీర్ణంలో తమకు నచ్చినట్టు ఇల్లు కట్టుకోవచ్చు. దీని కోసం ప్రభుత్వం విడతల వారీగా రూ. 5 లక్షల ఆర్థిక సహాయం అందిస్తుంది. అయితే కొంతమంది లబ్ధిదారులు ఈ నిబంధనను సరిగ్గా తెలుసుకోలేకపోయారు. తొందరపాటులో 600 చదరపు అడుగుల కంటే ఎక్కువ స్థలంలో నిర్మాణం చేపట్టారు. ఇప్పుడు వారికి మొదటి విడతగా వచ్చే లక్ష రూపాయలు నిలిచిపోయాయి.
600 చదరపు అడుగుల కంటే ఎక్కువ స్థలంలో ఇల్లు కట్టుకున్నవారు పేదవారు కారన్నారు. వారికి ఈ పథకం వర్తించదని అధికారులు తేల్చి చెబుతున్నారు.దీంతో లబ్ధిదారులు లబో దిబో అందుతున్నారు. తమకు సొంత స్థలం ఉంది కనుకనే ఇల్లు కట్టుకుంటున్నామంటున్నారు. కానీ తాము ధనికులం కాదంటున్నారు. ఇందిరమ్మ ఇల్లు నిబంధనల గురించి తమకు అవగాహన లేదంటున్నారు.
తెలిసుంటే ప్రభుత్వం చెప్పిన కొలతల్లోనే కట్టుకునేవాళ్ళ మంటున్నారు. ఆ విషయంలో తమకు తెలియదని చెబుతున్నారు. ఆ కారణంగా తమకు సహాయం నిలిపివేయడం అన్యాయమంటున్నారు. ప్రభుత్వం ఈ విషయాన్ని మానవతా దృక్పథంతో పరిశీలించి, తమకు న్యాయం చేయాలని ఇందిరమ్మ ఇళ్ల లబ్ధిదారులు వేడుకుంటున్నారు. తెలంగాణ రాష్ట్ర వ్యాప్తంగా కూడా చాలా మంది లబ్ధిదారులు ఇలా చేస్తున్నట్లు అధికారులు తెలిపారు. ఈ ఘటనతో చాలామంది పేదవారు అయోమయంలో పడేసింది. అయితే నిబంధన పక్రారం 600 చదరపు అడుగుల కంటే తక్కువ స్థలంలోనే ఇంటి నిర్మాణం చేపట్టాలని అధికారులు స్పష్టం చేస్తున్నారు. ఇలా వుండగా తెలంగాణలో ఇప్పటికే మొదటి విడత కింద లబ్ధిదారుల ఎంపిక పూర్తికాగా.. త్వరలోనే రెండో జాబితాను విడుదల చేయనుంది ప్రభుత్వం.
ఇదీ చదవండి: బడా స్టార్స్ సహా 900 సినిమాల్లో నటించిన నటి.. భర్త చనిపోవడంతో తాగుడుకు బానిసై జీవితం నాశనం..
ఇదీ చదవండి: ఈ చెట్లు ఉంటే.. పాములకు మీ ఇంట్లోకి రెడ్ కార్పెట్ పరిచినట్టే.. తస్మాత్ జాగ్రత్త..!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebookసోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి.
TA Kiran Kumar
కిరణ్ కుమార్ తంజావూర్ జీ తెలుగు తెలుగు న్యూస్లో ఛీఫ్ సబ్ ఎడిటర్గా పనిచేస్తున్నారు. ఇక్కడ 2024 నుంచి వినోదం, ఆధ్యాత్మికం, జాతీయ, అంతర్జాతీయ, రాజకీయ వ్యవహారాలకు సంబంధించిన వార్తలు రాస్తున్నారు. సినిమా రివ్యూలు, సినిమాలకు సంబంధించి ప్రత్యేక కథనాలు కూడా రాస్తుంటారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. ఆయనకు జర్నలిజంలో 18 ఏళ్లకుపైగా అనుభవం ఉంది.
...Read More
