Hyderabad Rains Live: హైదరాబాద్‌తోపాటు జిల్లాల్లో వర్షం బీభత్సం.. 40 గొర్రెలు మృతి, మంత్రి కీలక ఆదేశాలు

Heavy Rain All Areas Of Hyderabad Here Live Updates: హైదరాబాద్‌ నగరాన్ని మరోసారి వరుణుడు ముంచెత్తాడు. వేసవికాలంలో వర్షం కాలంలో పడినట్టు వర్షాలు పడుతున్నాయి. వారంలో రెండు, మూడు రోజులకు ఒకసారి వర్షం కురుస్తోంది. నగరవ్యాప్తంగా శుక్రవారం వరుణుడు బీభత్సం సృష్టించాడు. అన్ని ప్రాంతాల్లో వర్షం కురవగా.. ఆ వర్షం అప్‌డేట్‌లు ఇలా ఉన్నాయి.

Hyderabad And Telangana Rain Live Updates: హైదరాబాద్‌లో శుక్రవారం వర్షం బీభత్సం సృష్టించింది. అకాల వర్షాలు హైదరాబాద్‌ను ముంచెత్తుతున్నాయి. నగరంలోని అన్ని ప్రాంతాలతోపాటు తెలంగాణలోని పలు జిల్లాల్లో వర్షాలు భారీగా పడుతున్నాయి. వర్షాల ప్రభావంతో నగర ప్రజలతోపాటు వాహనదారులు తీవ్ర ఇబ్బందులు ఎదుర్కొంటున్నారు. ఇక జిల్లాల్లో రైతులు వర్షంతో తీవ్రంగా నష్టపోతున్నారు. వరి ధాన్యం నీటిలో తడవడంతోపాటు మామిడికాయలు నేలరాలుతున్నాయి. రైతులకు అకాల వర్షాలు అపార నష్టం కలిగిస్తున్నాయి.

• అకాల వర్షాలు రైతులు, పశువుల కాపరులకు తీరని నష్టం చేస్తున్నాయి. తాజాగా కామారెడ్డి జిల్లాలో పిడుగుపాటుకు 40 గొర్రెలు మృతి చెందాయి.
• హైదరాబాద్‌లో ఈదురుగాలులతో కూడిన భారీ వర్షాలకు జీహెచ్ఎంసీ అధికారులు అప్రమత్తంగా ఉండాలని హైదరాబాద్ ఇన్‌చార్జి  మంత్రి పొన్నం ప్రభాకర్ ఆదేశించారు.
• హైదరాబాద్ తోపాటు తెలంగాణలోని జిల్లాలకు మరో రెండు, మూడు రోజులు వర్ష సూచన ఉంది.

• 19:01 PM

  జీహెచ్‌ఎంసీకి మంత్రి కీలక ఆదేశాలు
  హైదరాబాద్‌లో ఈదురుగాలులతో కూడిన భారీ వర్షాలకు జీహెచ్ఎంసీ అధికారులు అప్రమత్తంగా ఉండాలని హైదరాబాద్ ఇన్‌చార్జి  మంత్రి పొన్నం ప్రభాకర్ ఆదేశించారు. అకాల వర్షాలతో ప్రజలకు ఇబ్బందులు లేకుండా అన్ని జాగ్రత్త చర్యలు చేపట్టాలని జీహెచ్ఎంసీ అధికార యంత్రాంగానికి చెప్పారు. విద్యుత్‌ తీగలు కిందపడడం, చెట్లు కూలిపోవడం వంటి వాటిపై తక్షణమే పనులు చేయాలని సూచించారు. ఎమర్జెన్సీ టీమ్స్ డిఆర్ఎఫ్ బృందాలు విరిగిన చెట్లను తొలగించాలని ట్రాఫిక్ ఇబ్బందులు లేకుండా చర్యలు తీసుకోవాలని ఆదేశించారు. నగరంలో చార్మినార్ బహుదూర్  పుర ,నాంపల్లి , అంబర్పేట్ , ఖైరతాబాద్ , ఎల్బీనగర్ ,కూకట్పల్లి ,సికింద్రాబాద్ తదితర ప్రాంతాల్లో వర్షపాత ప్రభావం ఉందని.. వెంటనే అక్కడ సహాయ చర్యలు తీసుకోవాలని అధికార యంత్రాంగానికి దిశానిర్దేశం చేశారు.

• 18:58 PM

  పిడుగుపాటుకు 40 గొర్రెలు మృతి
  అకాల వర్షాలు రైతులు, పశువుల కాపరులకు తీరని నష్టం చేస్తున్నాయి. తాజాగా కామారెడ్డి జిల్లాలో పిడుగుపాటుకు 40 గొర్రెలు మృతి చెందాయి. కామారెడ్డి మండలం ఇస్రోజివాడిలో గ్రామంలో కడారి దేవయ్యకు చెందిన 40 గొర్రెలు బయట మేత మేస్తున్నాయి. శుక్రవారం సాయంత్రం గొర్రెల సమీపాన పిడుగుపడడంతో ఆ గొర్రెలు మృతిచెందాయి. పిడుగుతో పశువులు మృతి చెందడంతో తమ జీవనాధారాన్ని పూర్తిగా కోల్పోయామని బాధిత రైతు దేవయ్య వాపోయాడు. భారీగా ఆర్థిక నష్టం జరిగిందని.. ప్రభుత్వం ఆదుకోవాలని బాధితుడు కోరుతున్నాడు.

• 18:50 PM

  హైదరాబాద్‌లోని ప్రాంతాల్లో వర్షం

  ఎల్బీనగర్, వనస్థలిపురం, హయత్ నగర్, అబ్దుల్లా పూర్ మెట్ లలో సాయంత్రం 6 గంటల నుండి నల్లటి కారు మబ్బులు అలుముకోవడం తో భారీగా ఎదురు గాలులతో వడగళ్ళ వాన భారీగా కురిసింది దీనితో రహదారులు పూర్తిగా జలమయమయ్యాయి.

  అబిడ్స్, బషీర్ బాగ్, బేగంబాజర్, సైఫాబాద్, సుల్తాంబజార్, కోటి, చిక్కడపల్లి, నారాయణగూడ, ముషీరాబాద్, గాంధీనగర్, రాంనగర్ పరిసర ప్రాంతాల్లో కురిసిన వర్షం. రాజేంద్రనగర్‌లో పలుచోట్ల ఈదురుగాలులతో కురిసిన వాన. అత్తాపూర్, నార్సింగి, కోకాపేట్‌లో భయానకంగా వర్షం.

  మలక్‌పేట, చాదర్‌ఘాట్, సైదాబాద్, సంతోశ్‌నగర్, చంపాపేట, బాలాపూర్, మీర్‌పేట్,  కొత్తపేట, దిల్‌సుఖ్‌నగర్‌లలో కూడా భారీ వర్షం కురిసింది.

• 18:36 PM

  ఉక్కపోతకు ఉపశమనం
  హైదరాబాద్ లో పలుచోట్ల వర్షం. ఉరుములు, మెరుపులతో వర్షం. జూబ్లీహిల్స్, బంజారాహిల్స్, ఫిల్మ్నగర్, యూసుఫ్ గూడ, పంజాగుట్ట, మెహదీపట్నం, అమీర్‌పేట్, ఎస్సార్‌ నగర్, ఎర్రగడ్డలో వర్షం. కొన్ని రోజులుగా నగరంలో విపరీతమైన ఎండలు, ఒక్కసారిగా వర్షం రావడంతో నగర వాసులు ఆనందం, వర్షం కారణంగా పలుప్రాంతాల్లో నిలిచిపోయిన నీరు. ప్రధాన సిగ్నల్స్ దగ్గర ట్రాఫిక్ జామ్