Hyderabad Rains Live Updates: హైదరాబాద్‌లో కుంభవృష్టి.. ఈ ప్రాంతాల్లో హైఅలర్ట్

హైదరాబాద్ లో పలు ప్రాంతాల్లో భారీ వర్షం కురుస్తున్నందున అప్రమత్తంగా ఉండాలని ముఖ్యమంత్రి ఎ.రేవంత్ రెడ్డి అధికారులను ఆదేశించారు. 

అన్ని విభాగాలు సమన్వయంతో ప్రజలు ఇబ్బంది పడకుండా చూడాలని ఆదేశించారు.

చాలా చోట్ల రోడ్లపై నీళ్లు నిలిచాయని, ట్రాఫిక్ కు అంతరాయం ఉన్నచోట్ల వెంటనే  పోలీస్, హైడ్రా, ట్రాఫిక్ విభాగాలు తగిన చర్యలు చేపట్టాలన్నారు.

 లోతట్టు ప్రాంతాలు, నాలాలున్న చోట్ల ప్రజలు అప్రమత్తంగా ఉండాలని, అత్యవసరమైతే తప్ప ఇండ్ల నుంచి బయటకు రావద్దని సూచించారు.

జీహెచ్ఎంసీ, విద్యుత్తు విభాగాల అధికారులు  వర్షం ఎక్కువ కురిసిన ప్రాంతాల్లో  తగిన సహాయక చర్యలు చేపట్టాలన్నారు

Hyderabad Rains Live News: జూబ్లీహిల్స్, బంజరాహిల్స్, ఎర్రగడ్డ, అమీర్ పేట్, సికింద్రాబాద్, ఉప్పల్, నాచారం, ఉప్పల్, హబ్సిగూడ, శేరిలింగంపల్లి తదితర ప్రాంతాల్లో భారీ వర్షం కురుస్తోంది.

Hyderabad Rains Live Updates: జూబ్లీహిల్స్, కూకట్పల్లి, గచ్చిబౌలి, టోలిచౌకి, సరూర్ నగర్, సైదాబాద్, బంజారాహిల్స్, ఫిల్మ్ నగర్, శేరిలింగంపల్లి, మియాపూర్, బండ్లగూడలో భారీ వర్షం కురుస్తోంది. దీంతో రోడ్లపై భారీగా వరద నీరు చేరింది. పలు చోట్ల ట్రాఫిక్ స్తంభించింది.  

Hyderabad Rains Live Updates: హైదరాబాద్‌లో పలు చోట్ల భారీ వర్షం కురుస్తోంది. ఆఫీసుల నుంచి ఇంటికి వెళ్లే సమయంలో వర్షం కురుస్తుండడంతో రోడ్లపై చాలా వాహనాలు నిలిచి ట్రాఫిక్ కు అంతరాయం ఏర్పడింది.