)
Pending DAs: సుదీర్ఘకాలంగా సమస్యల పరిష్కరించకుండా కాలం వెళ్లదీసిన తెలంగాణ ప్రభుత్వం ఇటీవల కేవలం ఒకటే ఒక కరువు భత్యం ప్రకటించడంతో ప్రభుత్వ ఉద్యోగులతోపాటు పదవీ విరమణ పొందిన ఉద్యోగులు తీవ్ర ఆగ్రహంతో ఉన్నారు. తెలంగాణ ప్రభుత్వం ప్రకటించిన ఒక్క డీఏపై పింఛన్దారులు తీవ్ర అసంతృప్తి వ్యక్తం చేస్తున్నారు. ప్రభుత్వ తీరుపై మండిపడుతున్నారు. ఈ క్రమంలోనే ప్రభుత్వ తీరుకు నిరసనగా ఆందోళనకు సిద్ధమవుతున్నారు. త్వరలోనే భారీ ఉద్యమం చేపట్టేందుకు సై అంటున్నారు. ఆ వివరాలు ఇలా ఉన్నాయి.
తమ సమస్యలపై కాంగ్రెస్ ప్రభుత్వం నిర్లక్ష్య ధోరణి అవలంబిస్తోందని ప్రభుత్వ పెన్షనర్ల ఐక్య కార్యచరణ సమితి (జేఏసీ) తీవ్ర అసంతృప్తిని వ్యక్తం చేసింది. ఎన్నో హామీలిచ్చినా కేవలం ఒకే డీఏపై మంత్రిమండలి నిర్ణయం తీసుకోవడం బాధాకరమని ప్రభుత్వ పింఛన్దారులు ఆవేదన వ్యక్తం చేస్తున్నారు. ప్రభుత్వ వైఖరిని నిరసిస్తూ.. త్వరలో అన్ని జిల్లాల్లో పర్యటించి.. వచ్చేనెలలో సమస్యల పరిష్కారం కోసం ఉద్యమాన్ని చేపడతామని పింఛన్దారుల జేఏసీ ప్రకటించింది.
హైదరాబాద్లోని సంఘం కార్యాలయంలో ఇటీవల ప్రభుత్వ పెన్షనర్ల జేఏసీ కోర్ కమిటీ సమావేశం నిర్వహించారు. ఈ సమావేశంలో జేఏసీ ఛైర్మన్ కె.లక్ష్మయ్య, నాయకులు శుభాకరరావు, భరత్రెడ్డి, రాజేంద్రబాబు, మోహన్నారాయణ, వివేక్, పుల్లయ్య, కృష్ణప్రసాద్, జ్ఞానేశ్వర్, జయప్రకాశ్ తదితరులు పాల్గొని చర్చించారు. ప్రభుత్వ తీరుపై సమావేశంలో తీవ్ర అసంతృప్తి వ్యక్తం చేశారు. ఐదు డీఏలు పెండింగ్లో ఉండగా కేవలం ఒకటీ మాత్రమే ప్రకటించడాన్ని తప్పుబట్టారు. రిటైర్మెంట్ బెనిఫిట్స్తోపాటు డీఏలు విడుదల చేయాలని సమావేశంలో జేఏసీ నాయకులు నిర్ణయించారు.
ఉద్యోగులు, పెన్షనర్ల సమస్యలపై ప్రభుత్వం స్పష్టతతో వ్యవహరించాలని ప్రభుత్వ పింఛన్దారుల జేఏసీ డిమాండ్ చేసింది. వెంటనే పెండింగ్ డీఏలను విడుదల చేయాలని.. ట్రస్టు బోర్డును ఏర్పాటుచేసి రాష్ట్రవ్యాప్తంగా పెన్షనర్లకు నగదు రహిత చికిత్సకు ఉత్తర్వులు ఇవ్వాలని జేఏసీ నాయకులు కోరారు. పెన్షనర్లకు ప్రత్యేక డైరెక్టరేట్ ఏర్పాటు చేయాలని ప్రభుత్వానికి విజ్ఞప్తి చేశారు. ప్రభుత్వ తీరుపై ఉద్యమం తీవ్ర స్థాయి చేయడంలో భాగంగా ఈ నెల 18వ తేదీన జేఏసీ విస్తృతస్థాయి సమావేశం నిర్వహిస్తామని జేఏసీ నాయకులు వెల్లడించారు. ఆ రోజు పింఛన్దారులు సమావేశమై ప్రభుత్వంపై పోరాటానికి ఉద్యమ కార్యాచరణను వెల్లడిస్తామని జేఏసీ నాయకులు తెలిపారు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి Twitter, Facebook
