)
Google Safety Engineering Centre: 'గూగుల్ ప్రారంభించినప్పటి నుంచి ప్రపంచం మారిపోయింది. నేడు మన జీవితాలు పూర్తిగా డిజిటల్గా మారాయి. మనం గోప్యత, భద్రత గురించి నేడు ఆందోళన చెందుతున్నాం. మన ఆర్థిక వ్యవస్థ, మన ప్రభుత్వం, మన జీవితాలు డిజిటల్గా మారాయి. డిజిటల్ సురక్షితంగా ఉంటే మనం మరింత అభివృద్ధి చెందుతాం' అని రేవంత్ రెడ్డి తెలిపారు. అధునాతన సైబర్ సెక్యూరిటీ, భద్రతా పరిష్కారాల కోసం గూగుల్ ఈ సైబర్-సెక్యూరిటీ హబ్ను ఉపయోగిస్తున్నందుకు తాను గర్విస్తున్నట్లు చెప్పారు.
హైదరాబాద్లో గూగుల్ సేఫ్టీ ఇంజనీరింగ్ సెంటర్ (జీఎస్ఈసీ)ను బుధవారం రేవంత్ రెడ్డి ప్రారంభించిన అనంతరం మాట్లాడారు. ఈ కేంద్రం నైపుణ్య అభివృద్ధి పై దృష్టి పెడుతుందని.. ఉపాధిని సృష్టించడంతో పాటు దేశం సైబర్ భద్రతా సామర్థ్యాన్ని పెంచుతుందని తెలిపారు. 'చెడు చేయవద్దన్నది గూగుల్ సంస్థ సిద్ధాంతం ఈ విధానాన్ని నేను ఇష్టపడుతున్నా. గూగుల్లాగా నా ప్రభుత్వం కూడా మంచిని మాత్రమే చేస్తుందని నమ్ముతున్నా' అని పేర్కొన్నారు. ఈ విధానంతో ప్రయోజనాలు కొంత నెమ్మదిగా కనిపిస్తాయి.. అయితే దీర్ఘకాలికంగా దృష్టి పెట్టి పని చేయాలని సూచించారు.
'ప్రపంచవ్యాప్తంగా ఉన్న సంస్థలు ఉత్తమ పెట్టుబడి అనుకూల రాష్ట్రం కోసం శోధిస్తే దానికి సమాధానం తెలంగాణ అని వస్తుందని నాకు కచ్చితంగా తెలుసు. మీకు సెర్చ్లో మొదటి లింక్ హైదరాబాద్ వస్తుంది. దీనిని మేము తెలంగాణ రైజింగ్ అని పిలుస్తాం. 2035 నాటికి తెలంగాణను ఒక ట్రిలియన్ డాలర్ ఆర్థిక వ్యవస్థగా అభివృద్ధి చేయాలనుకుంటున్నా' అని రేవంత్ రెడ్డి వివరించారు. కోటి మంది మహిళలను కోటీశ్వరులను చేయాలనుకుంటున్నట్లు చెప్పారు.
'రైతులను సంపన్నులుగా తయారు చేయడంతో పాటు సంతోషంగా ఉంచాలనుకుంటున్నాం. యువతలో నైపుణ్యాలు పెంచడంతో పాటు వారికి ఉపాధి కల్పించాలనుకుంటున్నాం. వీటన్నిటికీ నాకు మీ మద్దతు అవసరం' అని రేవంత్ రెడ్డి తెలిపారు. తెలంగాణ రైజింగ్కు బ్రాండ్ అంబాసిడర్లుగా కావాలని పిలుపునిచ్చారు. విద్య, భద్రత, మ్యాప్లు, ట్రాఫిక్, స్టార్టప్లు, ఆరోగ్యం ఇలా అనేక రంగాలలో గూగుల్తో కలిసి తాము పనిచేస్తున్నట్లు వివరించారు. విద్యార్థుల్లో నైపుణ్యాల పెంపు కోసం ఆనంద్ మహీంద్రా నేతృత్వంలో యంగ్ ఇండియా స్కిల్స్ యూనివర్సిటీ ఏర్పాటు చేస్తున్నట్లు చెప్పారు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి Twitter, Facebook
