Revanth Reddy: తన జైలు జీవితం గుర్తు చేసుకున్న రేవంత్ రెడ్డి.. కుమార్తె పెళ్లిపై భావోద్వేగం

Revanth Reddy Prison Life: 'ఒక మనిషి కూడా కనిపించకుండా మమ్మల్ని నిర్బంధించారు. లైట్లు ఆన్‌లోనే పెట్టి ఒక్క రాత్రి కూడా పడుకోకుండా జైల్లో గడిపేలా చేశారు. కరుడు గట్టిన నేరస్తున్ని బంధించినట్లు ఒక పార్లమెంట్ సభ్యుడిగా ఉన్న నన్ను బంధించారు' అని రేవంత్‌ రెడ్డి తన జైలు జీవితాన్ని గుర్తు చేసుకున్నారు. 'డ్రోన్ ఎగరేస్తే రూ.500 జరిమానా వేస్తారు.. కానీ అధికారం అడ్డుపెట్టుకుని ఎంపీగా ఉన్న నన్ను చర్లపల్లి జైల్లో పెట్టారు' అని ఆరోపించారు.

Also Read: Ayodhya Surya Tilak అయోధ్య రాముడికి 'సూర్య తిలకం' ఎప్పుడు? ఎలా చూడాలి?

తెలంగాణ అసెంబ్లీ సమావేశాల్లో చివరి రోజు గురువారం రేవంత్‌ రెడ్డి కీలక ప్రసంగం చేశారు. ఈ సందర్భంగా మల్కాజిగిరి ఎంపీగా.. అంతకుముందు ఓటుకు నోటు కేసులో అరెస్టయిన సమయంలో జైలు ఎదుర్కొన్న పరిస్థితులను అసెంబ్లీలో రేవంత్‌ రెడ్డి గుర్తు చేసుకున్నారు. ఈ సందర్భంగా నాటి సీఎం కేసీఆర్‌ ప్రభుత్వం వ్యవహరించిన తీరును విమర్శించారు. నాటి బీఆర్‌ఎస్‌ పార్టీ ప్రభుత్వంపై తీవ్ర విమర్శలు చేశారు.

Also Read: Teachers Holiday: ప్రభుత్వ టీచర్లకు 7 రోజుల సెలవులు.. ఎప్పుడు? ఎందుకో తెలుసా?

'మేం నిజంగా కక్ష సాధింపు చర్యలకు పాల్పడితే వాళ్లు అక్కడ కూర్చుని నోటికొచ్చినట్లు మాట్లాడేవారు కాదు' అని కేటీఆర్‌, హరీశ్ రావును ఉద్దేశించి రేవంత్‌ రెడ్డి వ్యాఖ్యానించారు. 'చంచలగూడ జైలులో, చర్లపల్లి జైల్లోనో మమ్మల్ని పెట్టినచోటే ఉండేవారు' అని తెలిపారు. 'డ్రోన్ ఎగరేస్తే రూ.500 ఫైన్ వేస్తారు కానీ అధికారం అడ్డుపెట్టుకుని ఎంపీగా ఉన్న నన్ను చర్లపల్లి జైలులో పెట్టారు. 16 రోజులు నన్ను డిటెన్షన్ సెల్‌లో ఒక మనిషి కూడా కనిపించకుండా మమ్మల్ని నిర్బంధించారు' అని రేవంత్‌ రెడ్డి వివరించారు. ఆ కోపాన్ని బిగపట్టుకున్నాం తప్ప కక్ష సాధింపునకు పాల్పడలేదని పేర్కొన్నారు.

'లైట్లు ఆన్‌లోనే పెట్టి ఒక్క రాత్రి కూడా పడుకోకుండా జైలులో గడిపేలా చేశారు. కరుడు గట్టిన నేరస్తుడిని బంధించినట్లు ఒక పార్లమెంట్ సభ్యుడిగా ఉన్న నన్ను బంధించారు. వాళ్ల తప్పులను దేవుడు చూస్తాడు.. అంతకు అంత అనుభవిస్తారు అనుకుని ఊరుకున్నా' అని అసెంబ్లీలో రేవంత్‌ రెడ్డి తెలిపారు. చర్లపల్లి జైలు నుంచి తన కుమార్తె లగ్నపత్రిక రాసుకోవడానికి వెళ్లకుండా అడ్డుకున్నారని తెలిపారు. రాజకీయ కక్ష సాధింపులంటే మీవి కదా? అని బీఆర్‌ఎస్‌ పార్టీని ఉద్దేశించి ప్రశ్నించారు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

Twitter, Facebookసోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.