)
SLBC Tunnel: SLBC టన్నెల్ ప్రమాద ఘటనలో కార్మికుల అణ్వేషణ ఇంకా కొనసాగుతోంది. ఎలాంటి పురోగతి లభించలేదు. సొరంగం లోపలి వరకు వెళ్లినా ఎలాంటి ఫలితం కన్పించలేదు. ఆరు రోజులుగా అందుబాటులో ఉన్న అన్ని సహాయక బృందాలు గాలిస్తున్నా కార్మికుల స్థితిగతులు తెలియలేదు. అయితే కాస్సేపటి క్రితం ఆ 8 మంది చనిపోయి ఉండవచ్చంటూ టన్నెల్ కాంట్రాక్టర్ కంపెనీ జేపీ అసోసియేట్స్ ప్రకటించం కలకలం రేపింది.
శ్రీశైలం ఎడమ గట్టు కాలువ సొరంగం పైకప్పు కూలి వారం రోజులు అవుతోంది. అందులో చిక్కుకున్న 8 మంది కార్మికుల ఆచూకీ లభ్యం కాలేదు. ఇప్పటి వరకూ వివిధ బృందాలు లోపలి వరకూ వెళ్లి పరిస్థితిని అంచనా వేశాయి. భారీ యంత్రాలతో తవ్వకాలు జరిపితే సొరంగం మళ్లీ కూలే ప్రమాదం లేకపోలేదు. అందుకే తేలికపాటి పరికరాలతోనే తవ్వకాలు జరపనున్నారు. ఇవాళ్టి నుంచి పూర్తి స్థాయిలో తవ్వకాలు జరిపేందుకు ప్రభుత్వం నిర్ణయించింది. సొరంగం చివరి భాగం వరకు వెళ్లిన సహాయక బృందాలకు కార్మికుల ఆచూకీ కన్పించలేదు. సొరంగాలకు సంబంధించిన ప్రముఖ నిపుణుడు క్రిస్ కూపర్, బీఆర్ఓ అదనపు డీడీ పురుషోత్తం, మరో టన్నెల్ నిపుణుడు కల్నల్ పరీక్షిత్ మెహ్రా, ఎన్డీఆర్ఎఫ్ బలగాలు, ర్యాట్ హోల్ మైనర్లు కలిసి లోపలకు వెళ్లారు. ఆ తరువాత బయటికొచ్చి పరిస్థితిని వివరించారు. గల్లంతైన కార్మికుల ఆచూకీ కోసం సొరంగం కూలిన ప్రదేశంలో పేరుకుపోయిన మట్టి, రాళ్లు, శిథిలాలు, తుక్కును తేలికపాటి పరికరాలతో తొలగించాలని నిర్ణయించారు.
సొరంగం కూలిన సమయంలో కార్మికులు బయటికొచ్చేందుకు పరుగెత్తి ఉంటారని, ఈ క్రమంగా శిథిలాల కింద నలిగిపోయి ఉండవచ్చని అంచనా వేశాయి సహాయక బృందాలు. ఇవాళ తవ్వకాలు ప్రారంభిస్తే రెండు రోజుల్లో కార్మికుల ఆచూకీ లభ్యం కావచ్చని భావిస్తున్నారు. మరోవైపు టన్నెల్ కాంట్రాక్టర్ జేపీ అసోసియేటస్ యజమాని జై ప్రకాష్ గౌర్ మీడియా సమావేశంలో కీలక ప్రకటన చేశారు. టన్నెల్ చివరి వరకు వెళ్లినా 8 మంది కార్మికుల ఆచూకీ లభ్యం కాలేదని బురదలో కూరుకున చనిపోయి ఉంటారని స్పష్టం చేశారు. మృతదేహాలు బయటకు తీసిన తరువాత ప్రాజెక్టు కొనసాగించేది లేనిదీ ప్రభుత్వంతో చర్చించి నిర్ణయం తీసుకుంటామన్నారు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి
