Telangana Investments: తెలంగాణ‌కు పెట్టుబడుల జాతర.. రూ.2 వేల కోట్ల పెట్టుబడులు

Telangana Investments: తెలంగాణలో పెట్టుబడుల జాతర కొనసాగుతోంది. గతంలో దావోస్‌లో పెట్టుబడుల ప్రవాహం కొనసాగగా.. తాజాగా మరికొన్ని వేల పెట్టుబడులు పెట్టేందుకు పలు సంస్థలు ప్రకటించాయి. ఈ మేరకు ఆయా సంస్థలతో ప్రభుత్వం ఒప్పందం ప్రకటించింది. రూ.2,125 కోట్ల పెట్టుబడులు పెట్టేందుకు యూఏఈకు చెందిన సంస్థలు ముందుకు వచ్చాయని మంత్రి శ్రీధ‌ర్ బాబు ప్రకటించారు. ఆ పెట్టుబడుల కారణంగా 5,020 ఉద్యోగాలు లభిస్తాయని తెలిపారు.

Also Read: Salary Hike: ప్రభుత్వ ఉద్యోగులకు భారీ షాక్‌.. 8వ వేతన సంఘంతో జీతాల పెంపు మరింత ఆలస్యం?

తెలంగాణ‌లో యూఏఈకు చెందిన శైవ గ్రూప్, టారనిస్ కేపిటల్ సంయుక్తంగా రూ.2,125 కోట్ల పెట్టుబడులు పెడతాయని శ్రీధర్‌ బాబు వెల్లడించారు. రాష్ట్రానికి చెందిన మ‌రో ఐదు స్థానిక కంపెనీలతో ఈ రెండు యూఏఈ సంస్థలు అవ‌గాహ‌న ఒప్పందాలు చేసుకున్నాయి. హైదరాబాద్‌లోని డా.బీఆర్ అంబేద్కర్ సచివాలయంలో మంగళవారం మంత్రి శ్రీధర్‌ బాబు సమక్షంలో ఈ అవగాహన ఒప్పందాలు చేసుకున్నారు. ఈ సంద‌ర్భంగా మంత్రి శ్రీధ‌ర్ బాబు వివరాలు వెల్లడించారు.

Also Read: Employees Gratuity Hike: ప్రభుత్వ ఉద్యోగులకు మరో జాక్‌పాట్.. రూ.8 లక్షలకు గ్రాట్యూటీ పెంపు

కొత్త‌గా రానున్న రూ.2,125 కోట్ల పెట్టుబడుల‌తో తెలంగాణ యువ‌త‌కు మ‌రో 5,020 ఉద్యోగాలు ద‌క్క‌నున్న‌ట్టు మంత్రి శ్రీధర్‌ బాబు వివరించారు. రాష్ట్రానికి పెట్టుబడులు తీసుకొచ్చి తెలంగాణ యువతకు ఉద్యోగాలు కల్పించాలన్నదే  తమ ప్రభుత్వ సంకల్పం అని ప్రకటించారు. ప్ర‌జా ప్ర‌భుత్వం ఏర్పాటైన గ‌త‌ 18 నెలల్లో 60 వేలకు పైగా ప్రభుత్వ ఉద్యోగాలను భర్తీ చేశామని.. ఏడాదిన్నర కాలంలో రూ.3 లక్షల కోట్ల పెట్టుబడులను తెలంగాణకు తీసుకొచ్చామని గుర్తుచేశారు. ఫలితంగా ప్రైవేట్ రంగంలో లక్ష మందికి పైగా తెలంగాణ యువతకు ఉద్యోగాలు లభించినట్లు వెల్లడించారు. ఈ ప్రయాణంలో ఈ రోజు మరో గొప్ప అడుగు ముందుకేశామని ప్రకటించారు. తెలంగాణ పురోగతిలో భాగస్వామయ్యేందుకు ముందుకొచ్చిన యూఏఈకి చెందిన ప్రముఖ కంపెనీలు శైవ గ్రూప్, టారనిస్ కేపిటల్ కంపెనీలు ముందుకువచ్చాయని మంత్రి శ్రీధర్‌ బాబు తెలిపారు.

పెట్టుబ‌డుల వివ‌రాలు
==> శైవ గ్రూప్, టారనిస్ కేపిటల్ సంస్థ‌లు సంయుక్తంగా రివలేషన్స్ బయోటెక్‌లో రూ.1,360 కోట్లు
==> మనాకిన్ బయోలో రూ.340 కోట్లు
==> స్వబోధ ఇన్ఫినిటీ ఇన్‌వెస్ట్‌మెంట్స్‌ అడ్వైజర్స్‌లో రూ.80 కోట్లు
==> ఎగ్జిగెంట్ డ్రిల్లింగ్ టెక్నాలజీ ప్రైవేట్ లిమిటెడ్ రూ.90 కోట్లు
==> యంత్ర టెక్ కంట్రోల్స్‌లో రూ.255 కోట్లు

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter, Facebook