 "High Court: గ్రూప్-1 ర్యాంకర్లకు గుడ్న్యూస్.. టీజీపీఎస్సీకి హైకోర్టులో భారీ ఊరట..!")
Telangana High Court: తెలంగాణ హైకోర్టు గ్రూప్-1 మెయిన్స్ విషయంలో సంచలన తీర్పు ఇచ్చింది. గతంలో సింగిల్ బెంచ్ ఇచ్చిన తీర్పును డివిజన్ బెంచ్ రద్దు చేసి, తదుపరి విచారణను అక్టోబర్ 16, 2025కి వాయిదా వేసింది. ఈ తీర్పుతో టీజీపీఎస్సీకి పెద్ద ఊరట లభించింది. గ్రూప్-1 తుది మార్కుల జాబితా, ర్యాంకింగ్స్ను సింగిల్ బెంచ్ రద్దు చేసిన నేపథ్యంలో టీజీపీఎస్సీ డివిజన్ బెంచ్లో అప్పీల్ చేసింది.
గ్రూప్-1 పరీక్షలు 2011లో జరిగాయి. 2022లో మళ్లీ నిర్వహించగా, సుప్రీంకోర్టు వాటిని రద్దు చేసింది. 14 ఏళ్ల తర్వాత ఇప్పుడు నియామకాలు జరుగుతున్నాయి. అయితే, సింగిల్ బెంచ్ ఈ ప్రక్రియను రద్దు చేసి, తెలుగులో జవాబులు రాసిన వారిపై పక్షపాతం జరిగిందని తీర్పు ఇచ్చింది. దీనిపై ప్రభుత్వం తరఫున ఏజీ సుదర్శన్ రెడ్డి వాదిస్తూ, ఆరోపణలకు ఆధారాలు లేవని కోర్టుకు తెలిపారు. తెలంగాణ ఏర్పడిన తర్వాత గ్రూప్-1 నియామకాలు జరగలేదని, 2014 నుంచి టీజీపీఎస్సీ ద్వారా ఈ పరీక్షలు నిర్వహించలేదని కోర్టు ప్రశ్నించింది.
డివిజన్ బెంచ్ సింగిల్ బెంచ్ తీర్పును సస్పెండ్ చేసి, నియామకాలు కొనసాగించవచ్చని, కానీ అవి తుది తీర్పుకు లోబడి ఉంటాయని స్పష్టం చేసింది. గ్రూప్-1 ర్యాంకింగ్స్లో అవకతవకలు జరిగాయని పిటిషన్లు దాఖలు కాగా, సింగిల్ బెంచ్ ఈనెల 9న ర్యాంకులను రద్దు చేసి, ఎనిమిది నెలల్లో రివాల్యూయేషన్ లేదా కొత్త పరీక్షలు నిర్వహించాలని ఆదేశించింది. ఈ తీర్పును సవాల్ చేస్తూ టీజీపీఎస్సీ డివిజన్ బెంచ్ను ఆశ్రయించగా.. బుధవారం జరిగిన విచారణలో సింగిల్ బెంచ్ తీర్పును సస్పెండ్ చేస్తూ ర్యాంకర్లకు ఊరట కల్పించింది.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి.Twitter, Facebook
)