Tribal Admissions: హైదరాబాద్ పబ్లిక్ స్కూల్‌లో గిరిజన కోటా అడ్మిషన్స్ ప్రారంభం.. ఎలా అప్లై చేయాలంటే..!

Hyderabad Public School  Tribal Admissions: హైదరాబాద్ పబ్లిక్ స్కూల్‌లో చదవాలనేది చాలామంది తల్లిదండ్రుల కల. ఈ స్కూల్‌ చదువులోనూ, గుర్తింపులోనూ ఎంతో ప్రాముఖ్యత పొందింది. సినీ, రాజకీయ, వ్యాపార రంగాల్లో ఎంతో మంది ప్రముఖులు ఈ స్కూల్‌లోనే చదివారు. ఇక్కడ సీటు దొరకడం చాలా కష్టం. కార్పొరేట్ స్థాయిలో పనిచేసే ఈ స్కూల్ సామాజికంగా బలహీన వర్గాల విద్యార్థులకు కూడా అవకాశాలు కల్పిస్తోంది. ఈ క్రమంలో బేగంపేట, రామంతాపూర్‌లో 2025–26 విద్యా సంవత్సరానికి గిరిజన పిల్లల నుంచి మొదటి తరగతిలో ప్రవేశాల కోసం దరఖాస్తులు తీసుకుంటున్నట్లు జిల్లా గిరిజన సంక్షేమ శాఖ అధికారి ఆర్.కోటాజి జూలై 31న ప్రకటించారు.

ఎన్ని సీట్లు ఉన్నాయంటే..
బేగంపేట, రామంతాపూర్‌లో మొత్తం ఆరు సీట్లు ఉండగా.. ఇందులో నాలుగు బాలురకు, రెండు బాలికలకు కేటాయించారు. ఇందులో ఉపకులాల వారిగా చూస్తే లంబాడా-2, ఎరుక-1, ఇతర గిరిజన తెగలకు-3  సీట్లు రిజర్వ్ చేశారు. విద్యార్థుల ఎంపిక లాటరీ పద్దతి ద్వారా జరగనుంది.

అర్హులు, అప్లికేషన్ ప్రాసెస్.. 
ఈ అవకాశాన్ని పొందాలంటే విద్యార్థి హైదరాబాద్ జిల్లాకు చెందినవారై ఉండాలి. జననం 2018 జూన్ 1 నుంచి 2019 మే 31 మధ్య జరిగి ఉండాలి. తల్లిదండ్రుల వార్షిక ఆదాయం రెండు లక్షల రూపాయల లోపు ఉండాలి. గిరిజన అభ్యర్థులు లక్డికాపూల్‌లోని కలెక్టరేట్‌ కార్యాలయంలో, ఎస్సీ విద్యార్థులు నాంపల్లిలోని ఎస్సీ అభివృద్ధి శాఖ కార్యాలయంలో దరఖాస్తు చేయవచ్చు. దరఖాస్తులకు చివరి తేదీ ఈ నెల 8గా నిర్ణయించారు.

ఎస్సీ కులాల వారికి ఛాన్స్..
హైదరాబాద్ పబ్లిక్ స్కూల్లో ఒకటో తరగతిలో చేరాలనుకునే ఎస్సీ కులాల వారు కూడా దరఖాస్తు చేసుకోవచ్చు. వీరు నాంపల్లి చంద్ర విహార్‌లోని ఎస్సీ కులాల అభివృద్ధి శాఖ కార్యాలయంలో దరఖాస్తులు అందుబాటులో ఉన్నాయి. ఆసక్తి ఉన్న వారు దరఖాస్తు చేసుకోవాలని.. విద్యార్థుల ఎంపిక లాటరీ విధానంలో జరుగుతుందని కోటాజి తెలిపారు.

వేర్వేరుగా హాస్టల్స్ నిర్మాణం..
బేగంపేట మరియు రామంతాపూర్‌లో బాలురు, బాలికల కోసం వేర్వేరు హాస్టళ్లను నిర్మిస్తున్నారు. ఈ హాస్టళ్లను వచ్చే విద్యా సంవత్సరం 2025–26 నుంచి అందుబాటులోకి తీసుకురావాలని భావిస్తున్నారు. దీనికోసం ప్రభుత్వం కోటిన్నర రూపాయల వరకు ఖర్చు చేయబోతోంది.

Also Read: Key Changes In UPI: ఆగస్ట్ 1 నుంచి UPI సేవల్లో కీలక మార్పులు.. కొత్తగా అమల్లోకి వచ్చిన నిబంధనలు ఏంటో తెలుసా..?   

Also Read: Online Trolling: నేను ఏడేళ్లుగా వేధింపులకు బలవుతున్నాను.. ప్రముఖ హీరో భార్య సంచలన వ్యాఖ్యలు వైరల్

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.Twitter, Facebook